ఎస్ బీఐ సేవింగ్స్ ఖాతా బదిలీ ఇకపై ఆన్ లైన్లోనే సులువుగా చేసుకోవచ్చు

02-10-2017 Mon 13:09

దేశంలోనే అతిపెద్ద బ్యాంకు ఎస్ బీఐ. ఇది ప్రభుత్వ రంగంలోనిది. దేశ జనాభాలో మూడింట ఒక వంతు మంది ఖాతాలు ఈ బ్యాంకులోనే ఉండడం విశేషం. సుమారు 42 కోట్ల మంది ఖాతాదారులున్నారు. సుమారు 24,000 శాఖలున్నాయి. ఇటీవలి కాలంలో స్టేట్ బ్యాంకు ఆఫ్ హైదరాబాద్ కూడా ఇందులోనే కలసిపోయింది. దీంతో మన తెలుగు రాష్ట్రాల్లో ఎస్ బీఐ ఖాతాదారుల సంఖ్య గణనీయంగా పెరిగిపోయింది. ఈ నేపథ్యంలో ఎస్ బీఐలో ఖాతా ఉన్న వారు దాన్ని తమకు నచ్చిన మరో ఎస్ బీఐ శాఖకు మార్చుకోవడం ఇప్పుడు సులభతరం అయింది. ఎవరికి వారు ఆన్ లైన్లోనే దీన్ని పూర్తి చేసుకోవచ్చు. ఆ ప్రక్రియ ఎలానో చూద్దాం...


అర్హతలు
ఆన్ లైన్ లో ఖాతా బదిలీ అన్నది సేవింగ్స్ అకౌంట్ కలిగిన వారికే పరిమితం. వీరు దేశవ్యాప్తంగా ఎస్ బీఐకి చెందిన ఏ శాఖకు అయినా తమ ఖాతాను బదిలీ చేసుకోవచ్చు. ఇందుకోసం నెట్ బ్యాంకింగ్ సదుపాయం కలిగి ఉండాలి. ఇప్పటి వరకు నెట్ బ్యాంకింగ్ సేవలు వాడని వారు బ్యాంకు శాఖకు వెళ్లి బదిలీ రిక్వెస్ట్ పెట్టుకోవచ్చు. లేదా నెట్ బ్యాంకింగ్ సదుపాయం పొందిన తర్వాత స్వయంగా చేసుకోవచ్చు. అలాగే, బ్యాంకు ఖాతాకు మొబైల్ నంబర్ రిజిస్టర్ అయి ఉండాలి. ఇప్పటి వరకు చేసుకోకపోతే మొబైల్ నంబర్ ను వెంటనే రిజిస్టర్ చేసుకోండి. అలాగే, కేవైసీ (నో యువర్ కస్టమర్) వివరాలు ఇచ్చి ఉండాలి. ప్రస్తుత బ్రాంచ్ నుంచి ఏ బ్రాంచ్ కు అయితే బదిలీ చేసుకోవాలని కోరుకుంటున్నారో ఆ బ్రాంచ్ కోడ్, పేరు కూడా తెలుసుకుని ఉండాలి.
representational imaheబదిలీ ప్రక్రియ
నెట్ బ్యాంకింగ్ లో లాగిన్ అవ్వాలి. ఇందుకోసం ఆన్ లైన్ ఎస్ బీఐడాట్ కామ్ (onlinesbi.com)కు వెళ్లి పర్సనల్ బ్యాంకింగ్ క్లిక్ చేసి యూజర్ ఐడీ, పాస్ వర్డ్ సాయంతో లాగిన్ అవ్వాల్సి ఉంటుంది. లాగిన్ అయిన తర్వాత పై భాగంలో ఈ సర్వీసెస్ అనే ఆప్షన్ ఉంటుంది. దాన్ని క్లిక్ చేస్తే, అక్కడే ‘ట్రాన్స్ ఫర్ ఆఫ్ సేవింగ్స్ అకౌంట్’ ఆప్షన్ ఉంటుంది. దాన్ని సెలక్ట్ చేయాలి. దాంతో మరో పేజీ ఓపెన్ అవుతుంది. అక్కడ అకౌంట్ నంబర్, బ్రాంచ్ పేరు వివరాలు ఉంటాయి. representational imaheఒకటికి మించిన ఖాతాలుంటే ఏ ఖాతాను బదిలీ చేసుకోవాలని అనుకుంటే దాన్ని సెలక్ట్ చేసుకోవాల్సి ఉంటుంది. ఆ తర్వాత ఏ బ్రాంచ్ కు అయితే ఖాతాను బదిలీ చేసుకోవాలని అనుకుంటున్నారో ఆ బ్రాంచ్ కోడ్, పేరు వివరాలు ఇవ్వాల్సి ఉంటుంది. వివరాలను సరిచూసుకుని కన్ ఫర్మ్ బటన్ క్లిక్ చేయగానే బ్యాంకులో రిజిస్టరై ఉన్న మొబైల్ నంబర్ కు ఓటీపీ వస్తుంది. తర్వాతి పేజీలో ఓటీపీ నంబర్ ఇచ్చి కన్ ఫర్మ్ చేయాలి. దాంతో ‘మీ శాఖా మార్పు అభ్యర్థన విజయవంతంగా నమోదైంది’ అనే సందేశం కనిపిస్తుంది. వారం రోజుల వ్యవధిలో ఖాతా బదిలీ అవుతుంది.
representational imaheఇవి గమనించాలి
అన్ని ఖాతాలను బదిలీ చేసుకుంటే మీకు సంబంధించి కస్టమర్ ఇన్ఫర్మేషన్ ఫైల్ (సీఐఎఫ్) కొత్త బ్రాంచ్ కు తప్పకుండా బదిలీ అవుతుంది. అలా కాకుండా ఒక శాఖలో ఒకటికి మించిన ఖాతాలుండి అందులో ఒక్కటే బదిలీ చేసుకునేట్టు అయితే సీఐఎఫ్ ఏ శాఖలో కొనసాగించాలనేది ఖాతాదారుని ఇష్టమే. శాఖా  మారినప్పటికీ కస్టమర్ ఖాతా నంబర్, సీఐఎఫ్ నంబర్లలో ఎటువంటి మార్పు జరగదు. శాఖా మారిన తర్వాత కూడా అవే కొనసాగుతాయి. అయితే, ఐఎఫ్ఎస్ సీ కోడ్ ఒక్కటి మాత్రం మారుతుంది. representational imaheఎందుకంటే ఐఎఫ్ఎస్ సీ కోడ్ అన్నది బ్యాంకు శాఖలకు వేర్వేరుగా ఉంటుంది. కనుక ఖాతా మార్చుకున్న వారు ఈ విషయాన్ని గమనించాలి. ఒకవేళ ఇప్పటికే మ్యూచువల్ ఫండ్స్ కు గానీ, రుణాలు తీసుకుని రుణదాతలకు చెక్కులు, ఈసీఎస్ వంటివి ఇచ్చి ఉంటే వెంటనే శాఖ, ఐఎఫ్ఎస్ సీ కోడ్ మార్పు గురించి తెలియజేయడం తప్పనిసరి. వాడుకలో లేని సేవింగ్స్ ఖాతాలను బదిలీ చేసుకునేందుకు అవకాశం ఉండదు. సాధారణ శాఖ నుంచి మరో సాధారణ శాఖకే బదిలీ చేసుకోవాల్సి ఉంటుంది. ప్రత్యేక సేవల కోసం ఏర్పాటైన సీఏజీ, ఎంసీజీ, సీపీసీ శాఖలకు మార్పుకునేందుకు అవకాశం లేదు.


More Telugu Articles
లక్షలు ఖర్చయ్యే కోర్సులు ఉచితం.. ఆపై ఉద్యోగ అవకాశాలు.. నిరుద్యోగులకు అండగా 'టాటా స్ట్రైవ్'
1 year ago
ప్రపంచంలోనే అతిపెద్ద హిందూ దేవాలయం.. అంగ్ కోర్ వాట్. ఎక్కడుందో, ప్రత్యేకతలేమిటో తెలుసా?
3 years ago
చర్మంపై మచ్చలా.. జాగ్రత్త! తగిన జాగ్రత్తలు తీసుకోకుంటే ఎన్నో సమస్యలు, కేన్సర్ కూ కారణమవొచ్చు
3 years ago
మన శరీరంలో మనకు తెలియని కొత్త అవయవాలు.. ఇంటర్ స్టిటియమ్, మిసెంటరీ
3 years ago
నిద్ర పట్టడం లేదా, నీరసంగా ఉంటోందా.. కిడ్నీ సమస్యలు కావొచ్చు. ఈ లక్షణాలు కిడ్నీ వ్యాధులకు సూచికలు!
3 years ago
ఈ తరహా ఆండ్రాయిడ్ యాప్స్ తో జాగ్రత్త.. ఫోన్ స్లో అవుతుంది, వ్యక్తిగత డేటాకూ ప్రమాదమే!
3 years ago
ప్లాస్టిక్ బాటిళ్లు, ప్యాకెట్లపై ఈ నంబర్లేమిటి.. ఏ ప్లాస్టిక్ డేంజర్.. ఏది సేఫ్..? తెలుసుకోండిలా..
3 years ago
టైప్-1, టైప్-2 డయాబెటిస్ కాదు.. మధుమేహం ఐదు రకాలు, వాటికి కారణాలివీ..
3 years ago
మెదడు చురుగ్గా ఉండాలంటే.. ఈ ‘పదీ’ పాటిస్తే చాలు..
3 years ago
ఎయిర్ కూలర్ కొంటున్నారా.. ముందు ఇవి తెలుసుకోండి
3 years ago
స్వేచ్ఛగా ‘ఊపిరి’ తీసుకోండి.. ఊపిరితిత్తుల వ్యాధులకు, కేన్సర్ కు దూరంగా ఉండండి
3 years ago
వ్యాలెట్లకు ఫుల్ కేవైసీ పూర్తి చేశారా... లేదంటే కొన్ని ప్రయోజనాలు ఉండవు...?
3 years ago
జస్ట్ మాట్లాడుతూనే కంప్యూటర్ లో తెలుగు టైపింగ్.. మీ స్మార్ట్ ఫోనే వైర్ లెస్ కీబోర్డు, మౌస్..!
3 years ago
ఈ కాలుష్యం చాలా డేంజర్.. సంతాన లోపం, కిడ్నీ సమస్యలు.. ప్రమాదాలెన్నో
3 years ago
ఎండలు పెరిగిపోతున్నాయ్.. ఏసీ లేకున్నా ఇంటిని చల్లగా ఉంచుకోండిలా..!
3 years ago
..more