ఉద్యోగంలో పాతుకుపోవాలంటే ...? మెరుగైన వేతనం అందుకోవాలంటే ..?

17-08-2017 Thu 11:56

నలుగురిలో ఒకరిలా ఉద్యోగం చేసుకుంటూ వెళ్లడం వేరు... నలుగురిలోకీ భిన్నంగా పనిచేసుకుంటూ వెళ్లడం వేరు. గుంపులో గోవిందయ్య తరహాలో కంపెనీపై మీరు ఆధారపడకుండా... కంపెనీయే మీపై ఆధారపడేలా మీ బాధ్యతలు, విధులను నిర్వహించడం మిమ్మల్ని మీరు ప్రత్యేకంగా తీర్చిదిద్దుకున్నట్టు. ఉద్యోగిగా మీరు రాణించినట్టు. ఇందుకోసం ఏం చేయాలన్నది చూద్దాం.


కంపెనీకి మంచిగా పనిచేసే ఉద్యోగుల అవసరం ఎప్పుడూ ఉంటుంది. అందుకే క్లిష్ట సమయాల్లోనూ మంచి ఉద్యోగులను వదులుకునేందుకు ఇష్టపడవు. పైగా అటువంటి వారిని తమతోనే కలసి కొనసాగేందుకు ఇంక్రిమెంట్లు, ప్రమోషన్లు, స్టాక్ ఆప్షన్లు ఇలా పలు రూపాల్లో ప్రోత్సాహకాలను కూడా ప్రకటిస్తుంటాయి. అందుకే మంచి ఉద్యోగి అన్న బ్రాండ్ ను సృష్టించుకోవాలి. దాన్ని కొసాగించాలి.

representational imageకీలకమైన అంశాల్లో నైపుణ్యాలు
కంప్యూటర్ సాఫ్ట్ వేర్ అయినా, విదేశీ భాష అయినా సరే అందులో నైపుణ్యం సంపాదిండం వల్ల ప్రయోజనం ఉంటుంది. కంపెనీ ప్రధాన వ్యాపార కార్యకలాపాలకు సంబంధించిన నైపుణ్యాలను నేర్చుకోవాలి. పైగా కంపెనీలో ఇతర ఉద్యోగులు ఆసక్తిగా లేని విభాగంలోనూ నైపుణ్యాలను సంతరించుకోవాలి. దాంతో కంపెనీకి మీరు అనివార్యం అవుతారు.

ఉద్యోగులకు సహకారం
జూనియర్ ఉద్యోగులకు మార్గదర్శకుడిగా వ్యవహరించే ఉద్యోగిని కంపెనీలు తప్పకుండా గౌరవిస్తాయి. చక్కని మార్గదర్శకుడిగా ఉండే వారు కొత్తగా వచ్చిన ఉద్యోగులకు విజ్ఞానాన్ని, అనుభవాన్ని అందివ్వడానికి ఎప్పుడూ సందేహించరు. కానీ, దీన్ని అందరూ చేయలేరు. సాధారణంగా తాము మాత్రమే ఎదిగిపోవాలనే ధోరణితో ఉన్న వారే ఎక్కువ మంది ఉంటారు. ఇతరులకు చెబితే తమ స్థానాన్ని భర్తీ చేస్తారేమోనన్న భయం వారిలో ఉంటుంది. కానీ, ఇతరుల విజయాన్ని ఆస్వాదించే వారూ ఉన్నారు. ఇలా మార్గదర్శక పాత్రను పోషించే వారికి ఎటువంటి అభద్రత అవసరం లేదు. ఇటువంటి వారు నిర్వహించే పాత్రపై కంపెనీలు ఎప్పుడూ ఓ కన్నేసి ఉంచుతాయి.

representational imageనిరంతర అధ్యయనం
ఇచ్చిన పనిని ఎప్పుడూ ఒకే మాదిరిగా కాకుండా ఇంతకుముందు ఎన్నడూ చేయనంత గొప్పగా ట్రై చేసి చూడండి. వచ్చే రియాక్షన్ చూసి మీరే ఆశ్చర్యపోతారు. ప్రతీ వారం కొత్తగా ఒకటి నేర్చుకోవాలి. దీనివల్ల కొద్ది కాలంలోనే మీరు ఎన్నో నైపుణ్యాల మేళవింపుగా మారతారు. దాంతో కంపెనీకి మీ అవసరం మరింత పెరుగుతుంది. ఇలాంటి చిన్న చిన్న అంశాలే పెద్ద మార్పులకు కారణం అవుతాయి. కొత్త టెక్నాలజీలు వచ్చేస్తున్నాయి. దాంతో మానవ వనరుల అవసరాలు తగ్గిపోతున్నాయి. కానీ, చేస్తున్న పని యాంత్రాలకు అతీతమై ఉండేలా చూసుకోవాలి. అందుకోసం మీరు పనిచేస్తున్న కంపెనీ వినియోగించే టెక్నాలజీలకు సంబంధించి ఎప్పటికప్పుడు సాంకేతికతపై దృష్టి పెట్టాలి. పాత విధానాలతోనే వేలాడేవారికంటే కొత్తదనాన్ని ఆహ్వానించే వారు, నూతన నైపుణ్యాలు ఉన్న వారికి ప్రాధాన్యం ఎప్పుడూ ఉంటుంది.

పరిష్కారాలు
సమస్యలకు సమర్థవంతమైన పరిష్కారాలను సూచించే ఉద్యోగులు కంపెనీల ప్రయోజనాలకు కీలకం. ఏదైనా సమస్యకు పరిష్కారం మీ దగ్గర ఉంటే సమగ్రమైన కార్యాచరణ ప్రణాళికతో బాస్ దగ్గరకు వెళ్లాలి. సమస్యకు మీ పరిష్కారం గురించి తెలియజేస్తే, ఒకవేళ అది సక్సెస్ అయితే మీ స్థానం మరింత బలోపేతం అయినట్టే.

representational imageసంబంధాలు
సహచర ఉద్యోగులు, బాస్ తో ఎప్పుడూ సత్సంబంధాలు కొనసాగించాలి. దీంతో సీనియర్లతో చాలా చక్కగా అనుసంధానం కాగలరు. వ్యక్తిగత సంబంధాలు, నెట్ వర్క్ సామర్థ్యాలు ఉద్యోగ అర్హతల్లో భాగం.

అధిక వేతనం కోసం...?
సాధారణంగా అధిక వేతనం ఆశించేవారు కొత్త ఉద్యోగ ప్రయత్నాలు మొదలుపెట్టడం సహజం. కానీ, ఉన్న ఉద్యోగంలోనే తమను తాము నైపుణ్య మానవ వనరులుగా తీర్చిదిద్దుకుంటే ఉన్నచోటే అధిక వేతనం అందుకునే అవకాశాలు పెరుగుతాయి.

representational imageసరైన ఉద్యోగం
మీకు నచ్చినది, మీ నైపుణ్యాలు, ఆసక్తులకు సరిపోలే ఉద్యోగంలో స్థిరపడడం వల్ల మీరు మరింతగా రాణించేందుకు అవకాశం ఉంటుంది. అవసరమైతే మరింత కష్టపడి చక్కని ఫలితాలు తీసుకువచ్చేందుకూ వెనుకాడరు.

ఉత్సాహం
పనిచేసే చోట వాతావరణం ఉత్సాహంగా, ఆహ్లాదకరంగా ఉండేలా చూసుకోవాలి. కార్యాలయానికి వెళ్లిన వెంటనే అందరికీ గుడ్ మార్నింగ్ చెప్పడం, బాస్ మెచ్చుకున్నప్పుడు థ్యాంక్యూ చెప్పడం అలవాటు చేసుకోవాలి. ఎదుటి వారిని నవ్వుతూ పలకరించడం వల్ల మంచి ఫలితం ఉంటుంది.

ముందు మీరే
కార్యాలయంలో బాస్ కు చేదోడు వాదోడుగా ఉండడం ఉద్యోగం పట్ల, సంస్థ పట్ల అంకిత భావానికి నిదర్శనమే. సమావేశాలు, డెడ్ లైన్ లోపు పనులు పూర్తి చేయడం, కొత్తగా ఏవైనా బాధ్యతలు ఇవ్వజూపితే వెనుకాడకుండా ముందడుగు వేసి తీసుకోవడం వల్ల మేలు చేస్తుంది.

పారదర్శకత
మీరు చేసిన పని, చేస్తున్న పని, చేయాల్సినవి వీటి గురించి ప్రతి రోజూ పని ముగిసిన తర్వాత బాస్ కు మెయిల్ రూపంలో వివరంగా తెలియజేయడం మంచిది.


More Telugu Articles
లక్షలు ఖర్చయ్యే కోర్సులు ఉచితం.. ఆపై ఉద్యోగ అవకాశాలు.. నిరుద్యోగులకు అండగా 'టాటా స్ట్రైవ్'
1 year ago
ప్రపంచంలోనే అతిపెద్ద హిందూ దేవాలయం.. అంగ్ కోర్ వాట్. ఎక్కడుందో, ప్రత్యేకతలేమిటో తెలుసా?
3 years ago
చర్మంపై మచ్చలా.. జాగ్రత్త! తగిన జాగ్రత్తలు తీసుకోకుంటే ఎన్నో సమస్యలు, కేన్సర్ కూ కారణమవొచ్చు
3 years ago
మన శరీరంలో మనకు తెలియని కొత్త అవయవాలు.. ఇంటర్ స్టిటియమ్, మిసెంటరీ
3 years ago
నిద్ర పట్టడం లేదా, నీరసంగా ఉంటోందా.. కిడ్నీ సమస్యలు కావొచ్చు. ఈ లక్షణాలు కిడ్నీ వ్యాధులకు సూచికలు!
3 years ago
ఈ తరహా ఆండ్రాయిడ్ యాప్స్ తో జాగ్రత్త.. ఫోన్ స్లో అవుతుంది, వ్యక్తిగత డేటాకూ ప్రమాదమే!
3 years ago
ప్లాస్టిక్ బాటిళ్లు, ప్యాకెట్లపై ఈ నంబర్లేమిటి.. ఏ ప్లాస్టిక్ డేంజర్.. ఏది సేఫ్..? తెలుసుకోండిలా..
3 years ago
టైప్-1, టైప్-2 డయాబెటిస్ కాదు.. మధుమేహం ఐదు రకాలు, వాటికి కారణాలివీ..
3 years ago
మెదడు చురుగ్గా ఉండాలంటే.. ఈ ‘పదీ’ పాటిస్తే చాలు..
3 years ago
ఎయిర్ కూలర్ కొంటున్నారా.. ముందు ఇవి తెలుసుకోండి
3 years ago
స్వేచ్ఛగా ‘ఊపిరి’ తీసుకోండి.. ఊపిరితిత్తుల వ్యాధులకు, కేన్సర్ కు దూరంగా ఉండండి
3 years ago
వ్యాలెట్లకు ఫుల్ కేవైసీ పూర్తి చేశారా... లేదంటే కొన్ని ప్రయోజనాలు ఉండవు...?
3 years ago
జస్ట్ మాట్లాడుతూనే కంప్యూటర్ లో తెలుగు టైపింగ్.. మీ స్మార్ట్ ఫోనే వైర్ లెస్ కీబోర్డు, మౌస్..!
3 years ago
ఈ కాలుష్యం చాలా డేంజర్.. సంతాన లోపం, కిడ్నీ సమస్యలు.. ప్రమాదాలెన్నో
3 years ago
ఎండలు పెరిగిపోతున్నాయ్.. ఏసీ లేకున్నా ఇంటిని చల్లగా ఉంచుకోండిలా..!
3 years ago
..more