గోశాలపై దాడి చేసి గోవులను అపహరించిన పశువుల మాఫియా

25-01-2022 Tue 19:43

హైదరాబాద్‌, 25 జనవరి 2022 : గత రాత్రి సుమారు 2 గంటలకు పశువుల మాఫియాకు చెందిన కొంతమంది దుండగులు హైదరాబాద్‌ నగర శివార్లలోని  జీయర్‌ స్వామి ధ్యాన్‌ ఫౌండేషన్‌ (జెఎస్‌డీఎఫ్‌)పై దాడి చేయడంతో పాటుగా 20–25 ఎద్దులను ఎత్తుకుపోయారు. ఇవన్నీ కూడా  పశువుల అక్రమ రవాణాలో గతంలో పట్టుకున్నవే కావడం గమనార్హం. ఈ పోకిరీలు గోశాల బయట టపాసులు కాల్చడం ద్వారా పశువులను భయపెట్టడంతో పాటుగా గోశాల గోడలను పగుల కొట్టి అక్రమంగా ఈ పశువులను తరలించుకుపోయారు.

ఈ దుండగులకు పోలీసులు కూడా సహకరించడం విచారకరం. ఈ దుండగుల చర్యలకు ముందు అంటే అర్థరాత్రి 12 గంటల సమయంలో ఈ దుండగులతో పాటుగా ఏఎస్‌ఐ నరసింహ నాయక్‌ మరియు హెడ్‌ కానిస్టేబుల్‌ శ్రీనివాస్‌లు గోశాల బయట నిల్చుని రభస సృష్టించడంతో పాటుగా గోశాల కార్మికులు, సిబ్బందిని భయపెట్టారు. వీరంతా కూడా ట్రక్కులతో రావడంతో పాటుగా ఆ సమయంలో  కొన్ని ఎద్దులను తమకు అప్పగించాల్సిందిగా ఒత్తిడి చేశారు. ఓ కేసులో పట్టుబడిన గోవులు కావడంతో వాటిని కోర్టు ఉత్తర్వ్యులు లేకుండా విడుదల చేయలేమని, దానికి తోడు ఆ గోవులు ప్రయాణించేందుకు తగిన ఆరోగ్యంతో ఉన్నాయని వెటర్నరి డాక్టర్‌ ధృవీకరణ కావాల్సి ఉంటుందని సిబ్బంది చెప్పినప్పటికీ వినకుండా సిబ్బందిని తీవ్ర పదజాలంతో హెచ్చరించడంతో పాటుగా పోలీసులతో కలిసి గోశాల గోడలు పగలగొట్టి తీసుకువెళ్తామని హెచ్చరించి, అన్నంత పనీ చేశారు.

దాదాపు 650కు పైగా ఆవులు, ఎద్దులు, గిత్తలకు నిలయం జెఎస్‌డీఎఫ్‌ గోశాల. అక్రమ రవాణాలో అడ్డుకున్న పశువులతో పాటుగా పశు వధ శాలల వద్ద అక్రమంగా చంపబడుతున్న గోవులను అడ్డుకుని ఇక్కడ సంరక్షిస్తున్నారు. దాదాపు 9 సంవత్సరాలుగా ధ్యాన్‌ ఫౌండేషన్‌ ఈ సహ్యోగ్‌ నందిశాలను నిర్వహిస్తుంది. ఈ గోశాలలో పశువుల సంఖ్య పెరగడంతో గత నవంబర్‌లో జెవైడీఎఫ్‌ గోశాల ప్రారంభించింది.

పశు మాఫియాను కూకటివేళ్లతో సహా పెకిలించాలనే సంకల్పంతో మేము ప్రయత్నిస్తున్నాము. అయితే కోట్లాది డాలర్ల వ్యాపారంతో ముడిపడిన మాఫియా ఆగడాలకు అంతే లేకుండా పోతుంది. నిన్న మా గోశాల మీద దాడి చేశారు. అంతకుముందు జంతుసంరక్షణ ఉద్యమకారుల కారును ఢీకొట్టి ఇద్దరిని చంపడంతో పాటుగా మరో ఇద్దరు ప్రాణాలకోసం పోరాడేలా చేశారు. ధ్యాన్‌ఫౌండేషపన్‌ వలెంటీర్లు ఇదే తరహా సంఘటనలు ఎన్నో ఎదుర్కొంటున్నారు. పలు స్టేషన్‌లలో ఈ విషయమై కేసులు పెడుతున్నప్పటికీ ఈ మాఫియాకు చెందిన ఏ ఒక్కరి అరెస్ట్‌ జరుగడం లేదు. ఎలాంటి చర్యలూ తీసుకోవడం లేదు. ఎందుకనేది.. ప్రతి ఒక్కరికీ తెలిసినదే !


More Press Releases
..more