-->

మహిళా ఐపీఎల్ జట్ల కోసం హేమా హేమీల పోటీ

21-01-2023 Sat 11:20 | Sports
Haldirams Infyosys Shriram in race to own teams in Womens IPL

ఈ ఏడాది నుంచి మహిళల ఐపీఎల్ ను బీసీసీఐ నిర్వహించనుంది. ఐదు జట్లతో ఐపీఎల్ మొదటి సీజన్ మార్చిలో మొదలు కానుంది. బిడ్డింగ్ ద్వారా జట్లను వేలం వేసే ప్రక్రియను బీసీసీఐ చేపట్టింది. పురుషుల ఐపీఎల్ లో మొత్తం 10 జట్లు ఉండడం తెలిసిందే. కానీ, మహిళా క్రికెట్ వచ్చే సరికి పరిస్థితులు భిన్నం. చూసే ప్రేక్షకులు తక్కువగా ఉండడం, క్రీడాకారిణుల లభ్యత తక్కువ ఉండడం వంటి అంశాల నేపథ్యంలో తొలుత ఐదు జట్లతోనే ఐపీఎల్ ఆరంభించనున్నారు.

ఐపీఎల్ మహిళా జట్టును సొంతం చేసుకునేందుకు దిగ్గజ పారిశ్రామిక గ్రూపులు ప్రయత్నాలు ప్రారంభించాయి. హల్దీరామ్స్, ఇన్ఫోసిస్, శ్రీరామ్ గ్రూప్ టెండర్ డాక్యుమెంట్ ను కొనుగోలు చేశాయి. ఈ సంస్థలు బిడ్ దాఖలు చేయనున్నట్టు సమాచారం. అలాగే, పురుషుల ఐపీఎల్ 10 ఫ్రాంచైజీలు కూడా బిడ్ డాక్యుమెంట్ తీసుకున్నాయి. కనుక ఇవి కూడా బిడ్ వేయడం ఖాయమే. మహిళా ఐపీఎల్ ఫ్రాంచైజీ కోసం మహిళల బ్రాండ్లకు సంబంధించిన కంపెనీల నుంచి ఎంతో ఆసక్తి ఉన్నట్టు ఈ వ్యవహారంతో సంబంధం ఉన్న వర్గాలు వెల్లడించాయి. ఈ నెల 25న మహిళా ఐపీఎల్ జట్ల వేలం జరగనుంది. అదే రోజు విజేతలను బీసీసీఐ ప్రకటిస్తుంది. 

గతేడాది జరిగిన ఐసీసీ మహిళల ప్రపంచకప్ కు మొత్తం మీద 10.05 కోట్ల టెలివిజన్ వ్యూవర్ షిప్ నమోదైంది. మొదటి ఐదేళ్ల పాటు మహిళా ఐపీఎల్ మ్యాచ్ ప్రసార హక్కులను రిలయన్స్ ఇండస్ట్రీస్ వాటాలు కలిగిన వయాకామ్ 18 సొంతం చేసుకోవడం తెలిసిందే. ఐదేళ్లకు కలిపి రూ.951 కోట్లు చెల్లించనుంది. అంటే ఏటా రూ.190 కోట్లు, ఒక్కో మ్యాచ్ నకు రూ.7.09 కోట్ల చొప్పున వయాకామ్ 18 చెల్లిస్తుంది. రూ.190 కోట్లలో 80 శాతాన్ని మహిళా ఐపీఎల్ జట్లకు బీసీసీఐ పంచనుంది. ఒక్కో ఫ్రాంచైజీకి రూ.38 కోట్ల చొప్పున మొదటి ఏడాది నుంచే ఆదాయం రానుంది. 

వాట్సాప్ గ్రూప్ లో షేర్ చేయండి
..ఇది కూడా చదవండి
టీ20 ప్రపంచ కప్ గెలిచిన భారత జట్టు క్రికెటర్ గొంగడి త్రిషకు ఘన స్వాగతం
  • శంషాబాద్ ఎయిర్ పోర్టులో స్వాగతం పలికిన తెలంగాణ మంత్రి శ్రీనివాస్ గౌడ్
  • పెద్ద సంఖ్యలో తరలివచ్చిన అధికారులు, క్రీడాభిమానులు
  • ఇంగ్లండ్ తో ఫైనల్లో టాప్ స్కోరర్ గా నిలిచిన త్రిష

ap7am

..ఇది కూడా చదవండి
టీ20ల్లో తన రికార్డును బ్రేక్ చేసిన గిల్ పై కోహ్లీ కీలక వ్యాఖ్య
  • న్యూజిలాండ్ తో మూడో టీ20లో సెంచరీతో చెలరేగిన గిల్
  • పొట్టి ఫార్మాట్లో భారత్ తరఫున అత్యధిక స్కోరు చేసిన బ్యాటర్ గా రికార్డు
  • భారత జట్టు భవిష్యత్ స్టార్ అంటూ కితాబునిచ్చిన కోహ్లీ

..ఇది కూడా చదవండి
మూడో టీ20లో యాదవ్ పట్టిన క్యాచ్ లు రెండూ డిటో.. వీడియో ఇదిగో!
  • మొదటిసారి అందుకున్న క్యాచ్ కు కాపీ పేస్ట్ లా రెండోది
  • స్లిప్స్ లో మెరుపువేగంతో కదిలిన యాదవ్
  • హార్దిక్ పాండ్యా బౌలింగ్ లో అదేచోట రెండు క్యాచ్ లు


More Latest News
Dilish Parekh the man with worlds largest camera collection died
SS Rajamouli Launches KRR Works YouTube Channel of K Raghavendra Rao
Deepa meets Panneerselvam
YCP Rebel MLA Kotamreddy Sridhar Reddy Coming With Press Meet
Officials say that It was a mock drill in the new secretariat
Raghurama Krishna Raju Counters Kodali Nani Comments
KCR Jagan Chandrababu pays condolences to K Vishwanath
The accused escaped by jumping into the river in Nellore Dist
4th Class Girls Drinks Pesticide in School in Mulugu Dist
Telangana budget session Starts Today
Fire Accident in Telangana Secretariat
Tollywood Director K Vishwanath Passed Away
Jagans suggestions on education
Jagan can not escape from YS Viveka murder case says Chandrababu
Buttabomma pre release event
..more