-->

కిడ్నాపర్లకు రూ. 15 లక్షలు చెల్లించేందుకు.. చందాలు వేసుకుంటున్న గ్రామస్థులు

21-01-2023 Sat 08:01 | National
Miscreants kidnap 3 people who went to graze cattle in Sheopur forest Madhyapradesh

ఓ నేరస్తుల ముఠా కిడ్నాప్ చేసిన తమవారిని విడిపించుకునేందుకు ఊరంతా ఏకమైంది. కిడ్నాపర్లు డిమాండ్ చేసిన మొత్తం కోసం గ్రామస్థులు తలా ఇంత చందా వేసుకుంటున్నారు. మధ్యప్రదేశ్‌లోని ష్యోపూర్‌లో జరిగిందీ ఘటన. పోలీసుల కథనం ప్రకారం.. గ్రామానికి చెందిన రామ్‌ స్వరూప్ యాదవ్, భట్టు బఘేల్, గుడ్డా బఘేల్ నాలుగు రోజుల నుంచి కనిపించకుండా పోయారు. వారి కోసం ఆరా తీస్తున్న క్రమంలో రాజస్థాన్‌లోని ఓ ముఠా వారిని కిడ్నాప్ చేసినట్టు తెలిసింది.

వారిని సంప్రదిస్తే రూ. 15 లక్షలు చెల్లిస్తే వారిని విడిచిపెడతామని చెప్పారు. ఆ మాట విన్న బాధిత కుటుంబాలు షాకయ్యారు. వారంతా పేదలు కావడంతో అంత సొమ్ము ఎక్కడి నుంచి తీసుకురావాలో వారికి అర్థం కాలేదు. విషయం తెలిసిన గ్రామస్థులు రంగంలోకి దిగారు.

గ్రామమంతా చందాలు వేసుకుని కిడ్నాపర్ల బారి నుంచి తమ వారిని విడిపించుకోవాలని నిర్ణయించారు. గ్రామంలోని అందరూ పేదలేనని, వారిలో ఎక్కువమంది పశువుల పోషకులేనని గ్రామానికి చెందిన ఓ వ్యక్తి తెలిపారు. కిడ్నాప్ అయిన ఓ వ్యక్తి ఇంటికి పైకప్పు కూడా లేదని అన్నారు. అలాంటి స్థితిలో ఉన్న ఆ కుటుంబాలు రూ. 15 లక్షలు ఎక్కడి నుంచి తీసుకురాగలవని ఆవేదన వ్యక్తం చేసిన ఆయన.. గ్రామస్థులందరం కలిసి కిడ్నాపర్లు అడిగిన మొత్తాన్ని చందాల ద్వారా కూడబెడుతున్నట్టు చెప్పారు. 

విషయం తెలిసిన మధ్యప్రదేశ్ పోలీసులు రంగంలోకి దిగారు. రాజస్థాన్ పోలీసులతో కలిసి కిడ్నాపర్ల కోసం గాలింపు ముమ్మరం చేశారు. కిడ్నాపర్ల ఆచూకీ చెప్పిన వారికి తొలుత ప్రకటించిన రూ. 10 వేల రివార్డును ఇప్పుడు రూ. 30 వేలకు పెంచారు. కాగా, కొన్ని నెలల క్రితం కూడా ష్యోపూర్‌లో ఇలాంటి ఘటనే జరిగింది. జిల్లాకు చెందిన ఓ రైతును దోపిడీ ముఠా కిడ్నాప్ చేసింది. డబ్బులు చెల్లించిన అనంతరం విడుదల చేసింది. మధ్యప్రదేశ్‌లోని గ్వాలియర్-చంబల్ ప్రాంతంలో దోపిడీ ముఠాల ప్రాబల్యం ఎక్కువ కావడంతో ఇక్కడ ఇలాంటి ఘటనలు సర్వసాధారణంగా మారాయి.

వాట్సాప్ గ్రూప్ లో షేర్ చేయండి
..ఇది కూడా చదవండి
జేఈఈ మెయిన్ తొలి విడత ఫలితాల విడుదల.. డౌన్‌లోడ్ ఎలా చేసుకోవాలంటే..!
  • జనవరి 24 నుంచి ఫిబ్రవరి 1 వరకు జరిగిన తొలి విడత పరీక్షలు
  • ఎన్‌టీఈ వెబ్‌సైట్‌లోకి వెళ్లడం ద్వారా పరీక్ష ఫలితాలను డౌన్‌లోడ్ చేసుకోవచ్చు
  • అప్లికేషన్ నంబరు, పుట్టిన తేదీని ఎంటర్ చేస్తే సరి
  • ఏప్రిల్ 6 నుంచి జేఈఈ సెకండ్ సెషన్ పరీక్షలు

ap7am

..ఇది కూడా చదవండి
భారత్‌పై బెదిరింపులకు దిగిన పాక్ ప్రధాని.. తమ పాదాల కింద నలిపేస్తామని హెచ్చరిక
  • పాక్ ఆక్రమిత కశ్మీర్‌లో పర్యటించిన షేబాజ్ షరీఫ్
  • కశ్మీర్‌కు అన్ని రకాలుగా సాయం అందిస్తామన్న పాక్ పీఎం
  • తమ వద్ద అణ్వాయుధం ఉందంటూ హెచ్చరిక

..ఇది కూడా చదవండి
మరో పాదయాత్ర చేపట్టనున్న రాహుల్ గాంధీ!
  • ఇటీవల భారత్ జోడో యాత్ర ముగించుకున్న రాహుల్
  • కన్యాకుమారి నుంచి కశ్మీర్ వరకు యాత్ర
  • మున్ముందు పోరుబందర్ నుంచి అసోం వరకు మరో యాత్ర
  • త్వరలో తుది నిర్ణయం ఉంటుందన్న కాంగ్రెస్ వర్గాలు


More Latest News
Aaron Finch retires from international cricket
No Intention To Return Balloon Debris To China says usa officials
Social Media Split into two over a woman question
3 records that Kohli can break in the upcoming series against Australia
NTA Released JEE Main Session 1 Results
Turkey Syria Earthquake death toll raised to 3800
AP Officials Searching For A House in Visakhapatnam For AP CM Jagan
Pak PM Shehbaz Sharif Warns India
Supreme Court takes up hearing on AP Capital issue
Lokesh padayatra details
Dutch researcher Frank Hoogerbeets warns three days before about earthquake that rattled Turkey and Syria
Death toll crosses 2300 in earthquake hit Turkey and Syria
Dell set to layoff 6500 employees
Rahul Gandhi likely takes up another yatra
Police arrests Kollu Ravindra in Machilipatnam
..more