-->

బండి శ్రీనివాసరావు వ్యాఖ్యలపై మండిపడిన ఉద్యోగుల సంఘం నేతలు

20-01-2023 Fri 18:05 | Andhra
Employees association leaders fires on Bandi Srinivasarao remarks

ఏపీలో ప్రస్తుతం ప్రభుత్వ ఉద్యోగుల సంఘం అధ్యక్షుడు సూర్యనారాయణ, ఏపీ ఎన్జీవో అధ్యక్షుడు బండి శ్రీనివాసరావు మధ్య పచ్చగడ్డి వేస్తే భగ్గుమనేలా ఉంది. ప్రభుత్వ ఉద్యోగుల సంఘం నేతలు గవర్నర్ ను కలిసిన నేపథ్యంలో, నిన్నటి నుంచి ఇరువర్గాల మధ్య మాటల యుద్ధం జరుగుతోంది. 

తాజాగా బండి శ్రీనివాసరావు చేసిన వ్యాఖ్యలపై సూర్యనారాయణ స్పందించారు. ఉద్యోగుల సర్వీసు నియంత్రణ అధికారం గవర్నర్ కే ఉందని, అందుకే ఆయనను కలిశామని వెల్లడించారు. తాము ఎక్కడా ఇతర సంఘాల పేరు, నేతల గురించి ప్రస్తావించలేదని స్పష్టం చేశారు. ఒకటో తేదీనే జీతాలు ఇవ్వాలని జీవోలు ఉన్నాయే తప్ప చట్టం లేదని సూర్యనారాయణ స్పష్టం చేశారు. అలాంటి చట్టం ఉంటే చూపించాలని అన్నారు. 

రేపట్నించి సమ్మె చేసేందుకు తాము సిద్ధంగా లేమని చెప్పారు. కార్యాచరణ ప్రకారమే ముందుకు వెళతామని, సమ్మె చేస్తామని తాము చెప్పలేదని వివరించారు. ఏపీ ప్రభుత్వ ఉద్యోగుల సంఘానికి దొడ్డిదారిన గుర్తింపు తీసుకువచ్చినట్టు చేస్తున్న ఆరోపణలు సరికాదని హితవు పలికారు. 

జీతాలపై చట్టం చేయమంటే... సంఘం గుర్తింపు రద్దు చేయమంటారా? అని సూర్యనారాయణ ఆగ్రహం వ్యక్తం చేశారు. తమ సంఘంపై గతంలోనూ ఫిర్యాదు చేశారని, కోర్టుకు కూడా వెళ్లారని ఆయన వివరించారు. అయితే ఎన్జీవో నేతల ఫిర్యాదు సరికాదంటూ సీఎం జగన్ తమ సంఘానికి గుర్తింపునిచ్చారని వెల్లడించారు. 

బండి శ్రీనివాసరావుపై ప్రభుత్వ ఉద్యోగుల సంఘం ప్రధాన కార్యదర్శి ఆస్కార్ రావు కూడా తీవ్రస్థాయిలో ధ్వజమెత్తారు. గవర్నర్ వద్దకు వెళితే తప్పేముందని ప్రశ్నించారు. ఉద్యోగుల సమస్యలను గవర్నర్ కు నివేదించామని వెల్లడించారు. ఏపీ ఎన్జీవో సంఘం అడ్డు అదుపు లేకుండా నడుస్తోందని మండిపడ్డారు. రాజకీయానికి తొలిమెట్టు అన్నట్టుగా ఏపీఎన్జీవో సంఘం వైఖరి ఉందని విమర్శించారు.

ఏపీ ఎన్జీవో సంఘంలో నాన్ గెజిటెడ్ స్థాయి వారే ఉన్నారని, తమ ప్రభుత్వ ఉద్యోగుల సంఘంలో అటెండర్ నుంచి అధికారుల వరకు ఉన్నారని ఆస్కార్ రావు వెల్లడించారు. తోటి సంఘం నేతలను ఖబడ్దార్... కాస్కో... చూస్కో అంటారా? ఉద్యోగులు ఉన్నది సంక్షేమం కోసం పనిచేయడానికా, కుస్తీలు పట్టడానికా? అంటూ ఆగ్రహం వ్యక్తం చేశారు. ఏపీఎన్జీవో సంఘం నుంచి సగం మంది ఉద్యోగులు తమ సంఘంలో చేరారని ఆస్కార్ రావు తెలిపారు. తమ సంఘానిది నిర్మాణాత్మక వైఖరి అని స్పష్టం చేశారు.

వాట్సాప్ గ్రూప్ లో షేర్ చేయండి
..ఇది కూడా చదవండి
లోకేశ్ పాదయాత్రలో సొమ్మసిల్లి పడిపోయిన నందమూరి తారకరత్న.. ఆసుపత్రికి వెళ్లిన బాలకృష్ణ
  • కుప్పంలో లోకేశ్ పాదయాత్రలో పాల్గొన్న తారకరత్న
  • పాదయాత్రలో నడుస్తున్న సమయంలో సొమ్మసిల్లిన వైనం
  • కుప్పంలోని కేసీ ఆసుపత్రిలో చికిత్స

ap7am

..ఇది కూడా చదవండి
పవన్ కల్యాణ్, నారా లోకేశ్ లపై అంబటి రాంబాబు తీవ్ర వ్యాఖ్యలు
  • తన తండ్రినే అవమాన పరిచే పుత్రుడు సమాజానికి అవసరమా? అన్న మంత్రి అంబటి 
  • ఎలుక తోలును 400 రోజులు ఉతికినా తెలుపు రాదని వ్యాఖ్య
  • పాదయాత్ర చేసినోడల్లా నాయకుడు కాలేడని ఎద్దేవా

..ఇది కూడా చదవండి
మామయ్య బాలయ్యతో కలిసి లోకేశ్ పూజలు.. మూహూర్త సమయానికి ప్రారంభమైన పాదయాత్ర
  • వరదరాజ స్వామి ఆలయంలో ప్రార్థనలు నిర్వహించిన లోకేశ్, బాలయ్య
  • 11.03 గంటలకు ప్రారంభమైన పాదయాత్ర
  • వేలాది మంది కార్యకర్తలతో కొనసాగుతున్న యాత్ర 


More Latest News
brian lara takes up new west indies role
Siddharth Aditi Rao Hydari attend Sharwanands engagement
Ram Gopal Varma reveals Shah Rukh Khans Pathaan broke FOUR myths
delhi university student unions to screen bbc documentary
BVS Ravi Interview
Nandamuri Tarakaratna fell unconscious in Nara Lokesh padayatra
Dhoni Entertainments first film titled Lets Get Married announced to feature Harish Kalyan and Ivana
Dubbing artist Srinivasa Murthy passes away
Adani Group companies face bloodbath on Dalal Street
Omar Abdullah joins Rahul Gandhi in Bharat Jodo Yatra
Ambati Rambabu comments on Nara Lokesh and Pawan Kalyan
Jagan KCR Chiranjeevi condole Jamuna death
Airtel launches 2 new prepaid plans for users who browse social media all day
I have death threat from Ramya says Naresh
Bhola Shankar Movie Update
..more