-->

ఓటీటీ రివ్యూ: 'ఝాన్సీ' సీజన్ 2 (డిస్నీ ప్లస్ హాట్ స్టార్)

19-01-2023 Thu 14:26 | Entertainment
Jhansi OTT Review

అంజలి ప్రధానమైన పాత్రను పోషించిన 'ఝాన్సీ' సీజన్ 1 కొంతకాలం క్రితం ప్రేక్షకులను పలకరించింది. ప్రతి ఎపిసోడ్ ను ఉత్కంఠ భరితంగా చిత్రీకరించడం వలన, ప్రేక్షకులకు బాగా కనెక్ట్ అయింది. టేకింగ్ పరంగా .. నిర్మాణ విలువల పరంగా కూడా మంచి మార్కులను కొట్టేసిన ఈ వెబ్ సిరీస్ సీజన్ 2 నుంచి 4 ఎపిసోడ్స్ ను ఈ రోజు నుంచే స్ట్రీమింగ్ చేయడం మొదలుపెట్టారు. అంజలి .. చాందినీ చౌదరి .. రాజ్ అర్జున్ ప్రధానమైన పాత్రలను పోషించిన సీజన్ 2 ఎలా ఉందనేది ఇప్పుడు చూద్దాం.

ఈ కథ .. మహిత గతంతో మొదలవుతుంది. మహిత (అంజలి)ని .. ఆమె స్నేహితురాలైన బార్బీ (చాందినీ చౌదరి)ని వేశ్య గృహంలో ఉంచుతారు. కేలబ్ (రాజ్ అర్జున్) కొడుకు గీతన్ ఆ వేశ్య గృహానికి తరచూ వచ్చి వెళుతుంటాడు. అక్కడ మహితను చూసిన అతను ఆమెను ఇష్టపడతాడు. తనతో పాటు బయటికి తీసుకుని వెళ్లి తన సరదా తీర్చుకుంటాడు. అతని వలన మహిత నెల తప్పుతుంది. ఆ విషయం తెలుసుకున్న గీతన్ ఆమెను అడ్డు తప్పించాలనుకుంటాడు. అది భరించలేకపోయిన మహిత అక్కడే అతణ్ణి షూట్ చేస్తుంది. 

తన కొడుకును చంపేసిన మహితను తాను చంపేంతవరకూ నిద్రపట్టదని చెప్పిన కేలబ్, ఆమెను వెతకడానికి తన మనుషులను పంపిస్తాడు. కేలబ్ వలన మోసపోయిన ఇబ్రహీమ్ మనుషులు, మహితకు ఆశ్రయం కల్పిస్తారు. వాళ్ల రక్షణలోనే మహిత ఒక మగ శిశువుకి జన్మనిస్తుంది. ఒక రహస్యమైన ప్రదేశంలో వాళ్లు ఉన్నప్పటికీ కేలబ్ మనుషులు కనిపెట్టి దాడిచేస్తారు. ఆ సమయంలోనే మహిత ఒక లోయలోపడిపోయి గతాన్ని మరిచిపోతుంది.  

అలాంటి పరిస్థితుల్లోనే ఆమె సంకీర్త్ (ఆదర్శ్ బాలకృష్ణ) ఫ్యామిలీకి దగ్గరవుతుంది. అతని కూతురు మేహా ఆలనా పాలన చూస్తూ ఉంటుంది. అమీషా ద్వారా తన గతాన్ని గురించి తెలుసుకున్న మహిత, తనలాంటి ఎంతోమంది ఆడపిల్లల జీవితాలతో ఆడుకుంటున్న కేలబ్ ను అంతం చేయాలని నిర్ణయించుకుంటుంది. ఇక మహితపై పగతో ఉన్న బార్బీ, ఆమెను చంపడానికి గాను కేలబ్ పంచన చేరుతుంది. ఒకరు కేలబ్ ను చంపడానికి రంగంలోకి దిగితే, మరొకరు ఆయనను రక్షించడం కోసం రంగంలోకి దిగుతారు. ఇద్దరిలో ఎవరు గెలుస్తారనేదే కథ. 

దర్శకుడు తిరు .. మొదటి సీజన్ కి ఎంతమాత్రం తగ్గకుండా సీజన్ 2ను నడిపించాడు. సీజన్ 1 తరువాత గ్యాప్ తీసుకుని సీజన్ 2ను వదిలినా, కథ విషయంలో ఎక్కడా అయోమయం కలగదు. ఇక జరిగిన కథ వేయడం వలన కూడా చాలా ఫాస్టుగా ప్రేక్షకులు ప్రస్తుత కథలోకి వచ్చేస్తారు. ఈ రోజున స్ట్రీమింగ్ చేసిన నాలుగు ఎపిసోడ్స్ లో ప్రతి ఎపిసోడ్ కూడా ఆసక్తిని రేకెత్తిస్తూ కొనసాగుతుంది .. ఆ తరువాత ఎపిసోడ్ పై ఉత్కంఠను రేకెత్తిస్తుంది.

4వ ఎపిసోడ్ ట్విస్టును మాత్రం ఎవరూ గెస్ చేయలేరు. ఆందరి అంచనాలకు భిన్నంగా ఈ ఎపిసోడ్ నడుస్తుంది. ఇక్కడి నుంచి కథ మరో మలుపు తిరుగుతుందనే క్లారిటీ వచ్చేస్తుంది. కథాకథనాలు పట్టుగా నడుస్తాయి. ప్రతి పాత్రను డిజైన్ చేయడంలో .. వాటిని తెరపై ఆవిష్కరించడంలో ఎక్కడా తడబాటు కనిపించదు. యాక్షన్ .. డ్రామా .. సస్పెన్స్ వీటన్నిటినీ కలుపుని ఈ కథ నడుస్తూ ఉంటుంది. ఏ సీన్ కూడా అనవసరంగా అనిపించదు. 

అంజలి నటన ఈ వెబ్ సిరీస్ కి హైలైట్. యాక్షన్ .. ఎమోషనల్ సీన్స్ లో ఆమె గొప్పగా చేసింది. ఇక చాందినీ చౌదరి నటన చాలా నీట్ గా .. సింపుల్ గా అనిపిస్తూనే ఆకట్టుకుంటుంది. రాజ్ అర్జున్ విలనిజం చూస్తుంటే, పెద్ద హీరోతో తలపడే పెద్ద సినిమాను చూస్తున్న ఫీలింగ్ కలుగుతుంది. ఈ కథ తరచూ అటు గతంలోకి .. ఇటు ప్రస్తుతంలోకి వెళ్లి వస్తుంటుంది. అయినా ఎడిటింగ్ పరంగా ఎక్కడా క్లారిటీ మిస్సవ్వదు.

శ్రీచరణ్ పాకాల బ్యాక్ గ్రౌండ్ స్కోర్ బాగుంది. అలాగే 'అర్వి' ఫొటోగ్రఫీ కూడా గొప్పదిగా ఉంది. నిర్మాణ విలువల పరంగా కూడా ఈ వెబ్ సిరీస్ ఆకట్టుకుంటుంది. ఇంతవరకూ అయితే 'ఝాన్సీ' కథాకథనాల పరంగా .. టేకింగ్ పరంగా .. కెమెరా పనితనం .. బ్యాక్ గ్రౌండ్ స్కోర్ పరంగా మంచి మార్కులు కొట్టేసింది. 4వ ఎపిసోడ్ నుంచి నెక్స్ట్ లెవెల్ కి వెళుతున్న ఈ కథ, అక్కడి నుంచి ఎలాంటి మలుపులు తీసుకుంటుందనేది చూడాలి..

వాట్సాప్ గ్రూప్ లో షేర్ చేయండి
..ఇది కూడా చదవండి
ఓటీటీ ఫ్లాట్ ఫామ్ పైకి వస్తున్న సినిమాలు ఇవే!
  • ఓటీటీ సెంటర్లో వరుస సినిమాలు 
  • రేపటి నుంచి 'నెట్ ఫ్లిక్స్'లో 'తునీవు' స్ట్రీమింగ్
  • ఈ నెల 9 నుంచి డిస్నీ హాట్ స్టార్ లో 'రాజయోగం'
  • 10వ తేదీ నుంచి అమెజాన్ ప్రైమ్ లో 'హంట్'

ap7am

..ఇది కూడా చదవండి
300 కోట్లు కొల్లగొట్టిన విజయ్ 'వరిసు'!
  • తమిళనాట కొనసాగుతున్న 'వరిసు' జోరు 
  • నిన్నటితో 300 కోట్ల గ్రాస్ వసూలు
  • ఫ్యామిలీ ఎమోషన్స్ ప్రధానంగా నడిచిన కథ
  • తారాగణం పరంగాను కనిపించిన భారీతనం 
  • హైలైట్ గా నిలిచిన సంగీతం .. ఫొటోగ్రఫీ

..ఇది కూడా చదవండి
'వసంత కోకిల' ట్రైలర్ పై స్పందించిన మెగాస్టార్!
  • బాబీసింహా - ఆర్య కాంబినేషన్లో రూపొందిన 'వసంత కోకిల'
  • సస్పెన్స్ తో నడిచే యాక్షన్ థ్రిల్లర్ ఇది
  • బాబీసింహాను ప్రశంసించిన చిరంజీవి 
  • మూడు భాషల్లో ఈ నెల 10వ తేదీన సినిమా రిలీజ్


More Latest News
Ganguly and Dhoni played big role in my life Star batter harman preet kour
New Films in OTT
5 most devastating earthquakes in the last two decades
Indian American Woman To Head Harvard Law Review
Varisu Movie Update
Railway Track Worth Crores Illegally Sold To Scrap Dealer In Bihar
Aaron Finch retires from international cricket
No Intention To Return Balloon Debris To China says usa officials
Social Media Split into two over a woman question
3 records that Kohli can break in the upcoming series against Australia
NTA Released JEE Main Session 1 Results
Turkey Syria Earthquake death toll raised to 3800
AP Officials Searching For A House in Visakhapatnam For AP CM Jagan
Pak PM Shehbaz Sharif Warns India
Supreme Court takes up hearing on AP Capital issue
..more