-->

బ్యాంకులో చోరీ కోసం రివాల్వర్ తో వచ్చిన దుండగులు.. అడ్డుకుని తరిమేసిన మహిళా కానిస్టేబుళ్లు.. వీడియో ఇదిగో!

19-01-2023 Thu 11:40 | National
2 Women Cops Fight Off Armed Bank Robbers In Bihar

బ్యాంక్ లో చోరీ చేయడానికి వచ్చిన ముగ్గురు దొంగలను మహిళా కానిస్టేబుళ్లు ధైర్యంగా ఎదుర్కొన్నారు. తుపాకీతో బెదిరించినా భయపడకుండా కలబడ్డారు. దీంతో దొంగలు ముగ్గురూ తోకముడిచారు. బీహార్ లోని హాజీపూర్ లో బుధవారం చోటుచేసుకుందీ ఘటన. హాజీపూర్ లో సర్దార్ పోలీస్ స్టేషన్ పరిధిలో ఉత్తర్ బీహార్ గ్రామీణ్ బ్యాంక్ ఉంది. ఈ బ్యాంకులో ఇద్దరు మహిళా కానిస్టేబుళ్లు జుహి కుమారి, శాంతి కుమారి సెక్యూరిటీ విధులు నిర్వహిస్తుంటారు. 

బుధవారం కూడా ఎప్పట్లానే బ్యాంకు ముందు డ్యూటీలో ఉన్నారు. ఇంతలో ముగ్గురు వ్యక్తులు బ్యాంకు లోపలికి వచ్చారు. వాళ్ల ప్రవర్తన అనుమానాస్పదంగా ఉండడంతో ఏం పనిమీద వచ్చారని జుహి కుమారి అడిగింది. బ్యాంక్ పాస్ బుక్ చూపించాలని అడగగా.. వచ్చిన వారిలో ఒక వ్యక్తి రివాల్వర్ బయటకు తీశాడు.

దీంతో అప్రమత్తమైన జుహి, శాంతి తమ తుపాకులతో వారిని అడ్డుకున్నారు. వాళ్లు ముగ్గురు ఉన్నా, చేతిలో రివాల్వర్ ఉన్నా వెనక్కి తగ్గలేదు. ఇద్దరూ కలిసి దొంగలపై కలబడ్డారు. కానిస్టేబుళ్ల దగ్గరున్న తుపాకులను లాక్కోవడానికి దొంగలు విఫలయత్నం చేశారు. అయితే, కానిస్టేబుళ్లు మాత్రం వదలలేదు. ఇక బ్యాంకులో దొంగతనం చేయడం కుదిరేలా లేదని గ్రహించి ఆ ముగ్గురూ పరారయ్యారు. 

ఇదంతా బ్యాంకులో అమర్చిన సీసీటీవీ కెమెరాలలో రికార్డయింది. పారిపోయిన దొంగలను పట్టుకునే ప్రయత్నంలో పోలీసులు ఈ వీడియోను సోషల్ మీడియాలో పోస్ట్ చేయడంతో అది కాస్తా వైరల్ గా మారింది. దొంగలను ధైర్యంగా ఎదుర్కొని, తరిమికొట్టిన మహిళా కానిస్టేబుళ్లను బ్యాంకు సిబ్బందితో పాటు పోలీసు ఉన్నతాధికారులు కూడా మెచ్చుకున్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
నేడు ఢిల్లీ యూనివర్సిటీలో మోదీపై బీబీసీ డాక్యుమెంటరీని ప్రదర్శిస్తామంటున్న విద్యార్థి సంఘాలు..
  • సాయంత్రం 5 గంటలకు స్క్రీనింగ్ ఉంటుందన్న భీమ్ ఆర్మీ
  • అనుమతి లేదని, అడ్డుకుంటామని చెప్పిన వర్సిటీ యంత్రాంగం
  • బీబీసీ డాక్యుమెంటరీ ప్రదర్శనపై పలు వర్సిటీల్లో ఇప్పటికే గొడవలు

ap7am

..ఇది కూడా చదవండి
భారత్ జోడో యాత్రలో ఒమర్ అబ్దుల్లా
  • రాహుల్ తో కలిసి నడిచిన మాజీ సీఎం ఒమర్ 
  • బీజేపీ వాళ్లు పిరికిపందలని విమర్శ 
  • దేశం గురించి ఆందోళన చెందుతున్నానని, అందుకే యాత్రలో పాల్గొంటున్నానని వెల్లడి

..ఇది కూడా చదవండి
ఎయిర్ టెల్ నుంచి రెండు కొత్త ప్రీపెయిడ్ ప్లాన్లు
  • రూ.489, రూ.509 ధరలతో విడుదల
  • వీటి వ్యాలిడిటీ 30 రోజులు, నెల రోజులు
  • ప్లాన్ వ్యాలిడిటీ వరకు వినియోగించుకోగల బల్క్ డేటా


More Latest News
delhi university student unions to screen bbc documentary
BVS Ravi Interview
Nandamuri Tarakaratna fell unconscious in Nara Lokesh padayatra
Dhoni Entertainments first film titled Lets Get Married announced to feature Harish Kalyan and Ivana
Dubbing artist Srinivasa Murthy passes away
Adani Group companies face bloodbath on Dalal Street
Omar Abdullah joins Rahul Gandhi in Bharat Jodo Yatra
Ambati Rambabu comments on Nara Lokesh and Pawan Kalyan
Jagan KCR Chiranjeevi condole Jamuna death
Airtel launches 2 new prepaid plans for users who browse social media all day
I have death threat from Ramya says Naresh
Bhola Shankar Movie Update
Nara Lokesh offers prayers to Lord Varadaraja Swamy
After firing 18000 employees Amazon is selling some of its offices to cut costs
Low pressure in Bay of Bengal may leads rain in AP
..more