-->

తన దోపిడీ ఎవరికీ తెలియదని జగన్ అనుకున్నాడు... కానీ ప్రజలకు తెలిసిపోయింది: చంద్రబాబు

09-12-2022 Fri 21:24 | Andhra
Chandrababu take a swipe at CM Jagan

టీడీపీ అధినేత చంద్రబాబు బాపట్లలో 'ఇదేం ఖర్మ మన రాష్ట్రానికి' కార్యక్రమంలో పాల్గొన్నారు. ఈ సందర్భంగా ప్రజలనుద్దేశించి ప్రసంగించారు. రాష్ట్రంలో జగన్ పాలనలో అన్నీ పెరిగాయని, నిత్యావసరాల ధరలు సహా కరెంట్ బిల్లులు, ఇంటిపన్నులు, ఆర్టీసీ చార్జీలు, పెట్రో ధరలు, మద్యం ధరలు పెరిగాయని వివరించారు. నాణ్యత లేని మద్యంతో ఆడబిడ్డల తాళి తెంచుతున్నారని మండిపడ్డారు. ఇవన్నీ చూసి ఇదేం ఖర్మ మన రాష్ట్రానికి అని  పెట్టామని చంద్రబాబు వెల్లడించారు. 

"మీకు రూ.10 రూపాయాలు ఇచ్చి రూ.100 రూపాయలు దోచేస్తున్నాడు ఈ దొంగ ముఖ్యమంత్రి. తన దోపిడీ ఎవరికీ తెలియదని  జగన్ అనుకున్నాడు... కానీ ప్రజలకు తెలిసిపోయింది. ఎప్పుడు ఎన్నికలు జరిగినా వైసీపీ ఇంటికి పోవడం ఖాయం. విభజనలో అనేక ఇబ్బందులు ఉన్నా ఏ కష్టం, ఇబ్బందులు పెట్టకుండా పాలన చేశాను. నాడు రోడ్లు బాగున్నాయా లేవా... ఇప్పుడు ఎందుకు ఇలా ఉన్నాయి? రోడ్ల దెబ్బకు నా నడుం కూడా పోయింది... కానీ రాష్ట్రాన్ని కాపాడాలనే సంకల్పంతో పోరాడుతున్నా. 

జగన్ రెడ్డి ఈ రాష్ట్రానికి రాజధాని లేకుండా చేశాడు. నాడు అమరావతి బిల్లు పెట్టినప్పుడు జగన్ రెడ్డి సభలో ఒప్పుకున్నాడు. ఇక్కడ ఉండే కోన రఘుపతి కూడా ఒప్పుకున్నాడు.  జగన్ ను చూస్తే భయం వేస్తుందా...? స్థానిక ఎమ్మెల్యే సమాధానం చెప్పాలి. 

నా ప్రాణ సమానంగా పోలవరం ప్రాజెక్టును చూశాను. జగన్ రాగానే రివర్స్ టెండర్ అని ప్రాజెక్టును గోదావరిలో ముంచేశాడు. పోలవరం, అమరావతి రాష్ట్రానికి రెండు కళ్లు అని చెప్పాను. జగన్ ఆ రెండు కళ్లను పొడిచేశాడు. 

స్కూళ్లకు రంగులువేసే పార్టీ కావాలా... ప్రమాణాలు పెంచే పార్టీ కావాలా? అనంతపురంలో ఓ టీచర్ గుండు చేయించుకుంటే ఫేషియల్ రికగ్నేషన్ లో అటెండెన్స్ పడలేదు.   టెక్నాలజీలో సమస్య ఉంటే టెక్నాలజీని మార్చాలి... కానీ సైకో సీఎం ఆ టీచర్ ను సస్పెండ్ చేశాడు. 

రాష్ట్రంలో పోలీసులను అడ్డుపెట్టుకుని లేస్తే కేసు...కూర్చుంటే కేసు పెడుతున్నారు. ఆఖరికి కోన రఘపతిని ప్రశ్నిస్తే కూడా కేసు... కొందరు కళంకిత అధికారుల తీరే దీనికి కారణం. బాపట్లలో ఎమ్మెల్యే అవినీతి, దందా పెరిగిపోయాయి.  ఇక్కడ లేఅవుట్ వెయ్యాలంటే రూ.10 లక్షల కప్పం కట్టాల్సిందే. బాపట్ల పట్టణ నడిబొడ్డున ఉన్న పేరం గరుడాచలం నాయుడు తూర్పుసత్రంపై వైసీపీ నేతలు కన్నేసారు.

అంగన్ వాడీ సూపర్ వైజర్ పోస్టులకు రూ.5 లక్షలు, ఆయా పోస్టులకు రూ. 2 లక్షలు వసూలు చేశాడు. పట్టణంలో అంబేద్కర్ విగ్రహ సెంటర్ లో రోడ్డుపక్కనే ఉన్న స్థలం తక్కువ ధరకే అమ్మాలని యజమానిపై ఒత్తిడి తెచ్చాడు. ఒప్పుకోలేదని మునిసిపాలిటీ వారికి చెప్పి స్థలం ముందు మరుగుదొడ్లు పెట్టించాడు. బాధితులు కోర్టుకు వెళ్లారు.

బాపట్లలో పెట్రోల్ బంకు కథ ఒకటి ఉంది. తన పెట్రోల్ బంక్ కోసం ఇతర బంకులు అన్నీ మూయించిన వ్యక్తి ఈ ఎమ్మెల్యే. పాత బస్టాండ్ లో ఉన్న పెట్రోల్ బంకును విస్తరణ పేరుతో తొలగించారు. ఇంత అవినీతి చేసి చేసి ఏం చేస్తారు... తిని తిని తిన్నది అరగకుండా పోతుంది. ఆవు చేలో మేస్తే దూడ గట్టున మేస్తుందా... జగన్ అవినీతి చేస్తుంటే కోన సైలెంట్ గా ఉంటాడా...? 

1999 తరువాత బాపట్లో టీడీపీ గెలవలేదు. ఇప్పుడు ఇంచార్జ్ గా వర్మను పెట్టాను.    ఆయనను గెలిపించాలని ప్రజలను కోరుతున్నాను. వర్మను గెలిపించే బాధ్యత మీది... అభివృద్ది చేసే బాధ్యత నాది" అని చంద్రబాబు స్పష్టం చేశారు.

వాట్సాప్ గ్రూప్ లో షేర్ చేయండి
..ఇది కూడా చదవండి
నారా లోకేశ్ 6వ రోజు యువగళం పాదయాత్ర.. హైలైట్స్
  • ప్రజలతో మమేకమవుతూ పాదయాత్రను కొనసాగించిన నారా లోకేశ్
  • కొమాసనపల్లిలో మహిళలతో భేటీ
  • రామాపురంలో ముగిసిన ఈనాటి పాదయాత్ర

ap7am

..ఇది కూడా చదవండి
రాష్ట్రాన్ని, ప్రజలను కేంద్రం వద్ద జగన్ తాకట్టు పెట్టారు: రామ్మోహన్ నాయుడు
  • కేంద్ర బడ్జెట్ లో రాష్ట్రానికి అన్యాయం జరిగిందన్న రామ్మోహన్ నాయుడు
  • ప్రత్యేక హోదాపై కేంద్రాన్ని జగన్ ఒక్క రోజైనా నిలదీశారా అని ప్రశ్న
  • టీడీపీ హయాంలో కేంద్రంపై ఒత్తిడి తీసుకొచ్చామని వ్యాఖ్య

..ఇది కూడా చదవండి
దేశానికి బాగుంది.. రాష్ట్రానికి ఏమీ లేదు.. 31 మంది వైసీపీ ఎంపీలు ఉండీ ఏమీ చేయలేకపోయారు: కేంద్ర బడ్జెట్ పై చంద్రబాబు
  • ప్రపంచంలో 5వ ఆర్థిక శక్తిగా భారత్ నిలవడం శుభపరిణామమన్న చంద్రబాబు
  • వ్యవసాయ, మౌలిక రంగాలను నిలబెట్టేలా కేంద్ర బడ్జెట్ ప్రణాళికలు ఉన్నాయని కితాబు
  • కేసులు, స్వప్రయోజనాలకే వైసీపీ ఎంపీలు కట్టుబడి ఉన్నారని మండిపాటు


More Latest News
India wins T20 series against New Zealand
Kodali Nani comments on Kotamreddy
Nara Lokesh padaya 6th day
Subhman Gill century in t20 against New Zealand
Chidambaram comments on Union budget
Ram Mohan Naidu fieres on Jagan
Shakunthalam lyrical song release
Balineni response on Kotamreddy Phone tapping allegations
Amigos movie update
31 YSRCP MPs does not did any thing for AP in union budget says Chandrababu
YSRCP MP Mithun Reddy response on Union budget
Sasivadane lyrical song released
Perni Nani on phone tapping issue
Jagan key meeting with Sajjala and police amid Kotamreddy phone tapping allegations
Nirmala Sitharaman press meet after budget announcement
..more