-->

కేసీఆర్ చెప్పాడని పోలవరం ఎత్తు తగ్గించడానికి సిద్ధమైనప్పుడే జగన్ భాగోతం బయటపడింది: దేవినేని ఉమ

09-12-2022 Fri 18:33 | Andhra
Devineni Uma fires on CM Jagan over Polavaram

జగన్ రెడ్డి చేతగాని దద్దమ్మ కాబట్టే, పోలవరం పూర్తిచేయలేమని చేతులెత్తేశాడని టీడీపీ సీనియర్ నేత, నీటిపారుదల శాఖ మాజీ మంత్రి దేవినేని ఉమ విమర్శించారు. 72 శాతం పనులు చేసిన చంద్రబాబుకే ప్రాజెక్ట్ పూర్తిచేసే సత్తా, దమ్ము ఉన్నాయని స్పష్టం చేశారు. 

2021 జూన్, 2021 డిసెంబర్, 2022 డిసెంబర్ అంటూ కబుర్లు చెప్పిన జగన్, చివరకు పోలవరాన్ని 2024 జూన్ నాటికి కూడా నిర్మించలేమని కేంద్రానికి లేఖ రాశాడని ఉమ ఎద్దేవా చేశారు. చేతిలో 30 మంది ఎంపీలను ఉంచుకొని ప్రాజెక్ట్ అంచనా వ్యయం (రూ.55.548కోట్లు) డీపీఆర్-2ని ఆమోదింపజేసుకోలేని అసమర్థుడిగా నిలిచిపోయాడని వ్యాఖ్యానించారు. 

అవినీతికోసం రాష్ట్ర రైతాంగాన్ని పొరుగురాష్ట్ర ముఖ్యమంత్రికి తాకట్టుపెట్టిన ఘనుడు జగన్ రెడ్డి అని విమర్శించారు. కేసీఆర్ చెప్పాడని, పోలవరం ఎత్తు తగ్గించడానికి సిద్ధమైనప్పుడే జగన్ భాగోతం బయటపడిందని అన్నారు. 

"కేసీఆర్ సామంతుడు కాబట్టే, జగన్ రెడ్డి పోలవరాన్ని పడుకోబెట్టాడు. లక్షా 6 వేల మంది నిర్వాసితులుంటే, వారికి పరిహారం తగ్గించవచ్చన్న ఆలోచనతో పోలవరం ఎత్తు తగ్గించడానికి సిద్ధమయ్యాడు. పక్కరాష్ట్ర ముఖ్యమంత్రి తనకు ఎన్నికల్లో డబ్బులిచ్చాడన్న కృతజ్ఞతతో పోలవరం ఎత్తు తగ్గించి, గొప్ప ప్రాజెక్ట్ ను బ్యారేజ్ గా మార్చాడు. కేసీఆర్ సామంతుడిగా మారిన జగన్ రెడ్డి, పోలవరం ప్రాజెక్ట్ ఎత్తుని 135 అడుగులుగా నిర్ధారించాడు" అని ఆరోపించారు.

"అధికారులు చెప్పింది తానెందుకు వినాలన్న జగన్ రెడ్డి మూర్ఖత్వమే పోలవరానికి శాపంగా మారింది. అధికారుల మాటలు తలకెక్కించుకోకుండా, తన తండ్రి రాజశేఖర్ రెడ్డి బంధువైన పీటర్ అధ్యక్షతన జగన్ రెడ్డి పోలవరం నిర్మాణంపై కమిటీని వేశాడు. అతను చెప్పింది విని, చంద్రబాబు ఐదేళ్లు అధికారంలో ఉండి పోలవరం పునాదులు కూడా లేపలేదంటూ దుష్ప్రచారం చేశాడు. రివర్స్ టెండరింగ్ డ్రామాలాడి, చివరకు ప్రాజెక్ట్ నిర్మించలేమనే దుస్థితికి వచ్చాడు. 

ప్రాజెక్ట్ నిర్మాణంపై ప్రశ్నిస్తే, బుద్ధిలేని మంత్రులేమో బాధ్యతలేకుండా మాట్లాడుతున్నారు. ఒకడేమో బుల్లెట్లు దింపుతామని ప్రగల్భాలు పలికి, చివరకు పత్తా లేకుండాపోయాడు. సంబరాల అంబటి రాంబాబేమో తలాతోకా లేకుండా నోటికొచ్చినట్టు మాట్లాడతాడు. సోంబేరి సజ్జల రామకృష్ణారెడ్డి జగన్ రెడ్డి పులివెందులకు నీళ్లిచ్చాడంటూ, సోయి లేకుండా మాట్లాడతాడు. హెలికాఫ్టర్లో పెళ్లిళ్లకు వెళ్లే ముఖ్యమంత్రికి నిర్వాసితుల ముఖంచూసే సమయంలేదా? చంద్రబాబుగారు పోలవరం నిర్వాసితుల్ని పరామర్శించడానికి వెళ్తే, తన బండారం బయటపడుతుందన్న భయంతో జగన్ రెడ్డి ఆయన్ని అడ్డుకున్నాడు" అంటూ ఉమ మండిపడ్డారు.


వాట్సాప్ గ్రూప్ లో షేర్ చేయండి
..ఇది కూడా చదవండి
అభిమానులకు అభివాదం చేస్తూ వెనక్కి పడిపోయిన బాలకృష్ణ... వీడియో ఇదిగో!
  • హిందూపురంలో బాలయ్య పర్యటన
  • భారీగా తరలివచ్చిన పార్టీ శ్రేణులు
  • ఒక్కసారిగా కదిలిన వాహనం
  • వెనక్కిపడిన బాలకృష్ణను పట్టుకున్న పార్టీ నేతలు

ap7am

..ఇది కూడా చదవండి
కుప్పం ఆర్ అండ్ బీ గెస్ట్ హౌస్ వద్ద నారా లోకేశ్ కు ఘనస్వాగతం
  • రేపటి నుంచి యువగళం పాదయాత్ర
  • కుప్పంలో అడుగుపెట్టిన లోకేశ్
  • లోకేశ్ కు హారతి ఇచ్చి దిష్టి తీసిన మహిళలు

..ఇది కూడా చదవండి
రేపు ఉదయం 11.03 గంటలకు లోకేశ్ పాదయాత్ర ప్రారంభం.. రేపటి 'యువగళం' షెడ్యూల్ ఇదే
  • రేపు ఉదయం కుప్పంలో పాదయాత్ర ప్రారంభం
  • వరదరాజుల స్వామి ఆలయంలో ప్రార్థనల తర్వాత తొలి అడుగు
  • రేపు 8.5 కిలోమీటర్ల మేర కొనసాగనున్న పాదయాత్ర


More Latest News
Coca Cola reportedly brings smart phone in India
The news that Kohli and Dhoni gave costly gifts to KL Rahul are baseless
Raja Singh fires on Telangana govt
Yezdi and Jawa bikes in new colours
Balakrishna fell down on vehicle
 Nara Lokesh gets huge welcome at Kuppam guest house
Nirmala Sitharaman prepares Halwa in Parliament ahead of Budget announcement
Ruturaj Gaikwad injured ahead of T20 series with New Zeland
Nara Lokesh Yuva Galam padayatra starts tomorrow
Youth stolen bikes to impress girl friend
Talasani requests all to plant plants
Cargo Ship sink in sea between Japan and South Korea
Governor Tamilisai felicitates MM Keeravani and Chandrabose
Kangana Ranaut response on Pathan Movie
Learn about women issues says Bandi Sanjay
..more