-->

గుజరాత్ ఎన్నికల వేళ అందరినీ ఆకర్షిస్తున్న 'జంబో ఫ్యామిలీ'

01-12-2022 Thu 16:06 | National
Huge family attracts in Gujarat elections

దేశంలో గతంతో పోల్చితే ఇప్పుడు ఉమ్మడి కుటుంబాల సంఖ్య చాలా తగ్గిపోయింది. అన్నదమ్ముల మధ్య గొడవలు, తండ్రీకొడుకుల మధ్య గొడవలు, ఇతర కుటుంబ సభ్యుల మధ్య గొడవలతో ఉమ్మడి కుటుంబాలు విచ్ఛిన్నమవుతున్నాయి. కానీ, గుజరాత్ లోని సోలంకీ మహా కుటుంబం వాటన్నింటికి అతీతంగా నిలిచింది. 

ఈ ఉమ్మడి కుటుంబంలో 81 మంది ఉన్నారంటే నమ్మశక్యం కాదు. కమ్రేజ్ ప్రాంతానికి చెందిన ఈ జంబో ఫ్యామిలీ ఐకమత్యానికి, ఆప్యాయతానురాగాలకు నిదర్శనంగా నిలుస్తోంది. అంతేకాదు, గుజరాత్ అసెంబ్లీ ఎన్నికల్లో ఈ అతి భారీ కుటుంబం అందరి దృష్టిని ఆకర్షిస్తోంది. ఈ కుటుంబంలో 60 మంది ఓటర్లు ఉండడం విశేషం. అతిపెద్ద వయసు కలిగిన ఓటరు 82 ఏళ్ల శ్యామ్ జీ భాయ్ కాగా... అందరిలో చిన్న వయసున్న ఓటర్లు 18 ఏళ్ల పార్థ్, వేదాంత్ లే. 

నేడు గుజరాత్ లో ఎన్నికల పోలింగ్ కావడంతో సోలంకి కుటుంబ సభ్యులు అనేక వాహనాల్లో నవగ్రామ్ లోని పోలింగ్ బూత్ కు వెళ్లారు. దీనిపై ఈ కుటుంబ సభ్యుల్లో ఒకరైన ఘనశ్యామ్ స్పందిస్తూ, తమ కుటుంబంలో పెళ్లికి అందరం ఎలా హాజరవుతామో, ఓటింగ్ ప్రక్రియలోనూ అంతే ఉత్సాహంతో పాల్గొంటామని చెప్పారు. 

ఈ కుటుంబం కమ్మరి పని చేస్తుంటుంది. వీరి స్వస్థలం బొటాద్ ప్రాంతంలోని లఖియాని గ్రామం కాగా, 1985లో వీరు సూరత్ లోని కమ్రేజ్ కు వలస వచ్చారు. ఇప్పటికీ ఈ కుటుంబానికి చెందిన 15 మంది లఖియానీ గ్రామంలో నివసిస్తున్నారు. వారందరితో కలిపితే ఈ కుటుంబంలోని వారి సంఖ్య 96 అని చెప్పుకోవాలి. ఈ జంబో ఫ్యామిలీ 'జ్యోతి' బ్రాండ్ పేరిట వ్యవసాయ పనిముట్లు తయారుచేస్తుంటుంది. 

ఇక, ఈ కుటుంబంలో ఆరు పదుల ఓట్లు ఉండడంతో రాజకీయ పార్టీలు ప్రత్యేక దృష్టి పెట్టాయని వేరే చెప్పనక్కర్లేదు. అయితే, తాము ఎలాంటి ప్రలోభాలకు లొంగబోమని, బలమైన దేశ నిర్మాణం కోసం తాము ఓటు వేస్తామని, అందరం కలిసి చర్చించుకుని ఒకే పార్టీకి ఓటు వేస్తామని ఆ కుటుంబానికి చెందిన భవేశ్ తెలిపారు. 

కాగా, ఈ కుటుంబంలోని వారు అత్యధికులు ఒకే ఇంట్లో ఉంటారు. కొందరు కుర్రవాళ్లు మాత్రం పెళ్లిళ్లు అయ్యాక ఇంట్లో స్థలం చాలకపోవడంతో వేరే ఇళ్లలో నివసిస్తున్నారట.

వాట్సాప్ గ్రూప్ లో షేర్ చేయండి
..ఇది కూడా చదవండి
నాటు బాంబు తయారు చేస్తుండగా పేలుడు.. రెండు చేతులు పోగొట్టుకున్న గ్యాంగ్ స్టర్
  • బాంబు పేలి చెన్నైకి చెందిన గ్యాంగ్ స్టర్ కు తీవ్ర గాయాలు
  • చేతులు పూర్తిగా ఛిద్రం.. చావు బతుకుల మధ్య ఆస్పత్రిలో చికిత్స
  • బాంబుల తయారీ ఘటనపై పూర్తి వివరాలు తెలుసుకునేందుకు ప్రయత్నిస్తున్న పోలీసులు 

ap7am

..ఇది కూడా చదవండి
పాకిస్థాన్ లో అక్రమంగా పఠాన్ చిత్ర ప్రదర్శనలు... టికెట్ రేటు రూ.900
  • జనవరి 25న రిలీజైన పఠాన్
  • ఇప్పటిదాకా రూ.700 కోట్లకు పైగా వసూలు
  • భారత చిత్రాలపై పాక్ లో నిషేధం
  • అయినప్పటికీ కొనసాగుతున్న పఠాన్ చిత్ర ప్రదర్శనలు
  • ప్రతి థియేటర్లోనూ హౌస్ ఫుల్ బోర్డులు

..ఇది కూడా చదవండి
ఇవే నా చివరి ఎన్నికలు.. కర్ణాటక మాజీ సీఎం సిద్ధరామయ్య
  • వచ్చే ఎన్నికల్లో మాత్రమే పోటీ చేస్తానన్న సిద్ధరామయ్య
  • రాజకీయాల నుంచి రిటైర్ కాబోనని వెల్లడి
  • మరో మూడు నెలల్లో కర్ణాటక అసెంబ్లీ ఎన్నికలు 


More Latest News
Australia gets another blow before first test
Huge blast in Pakistans Quetta leaves many injured
Yanamala targets Buggana and CM Jagan
Chandrababu visits K Viswanath house
dastagiri sensational comments on viveka murder case
Teachers held protest to remove CPS
Chennai gangster injured while making crude bomb loses both hands
Pathaan movie being screened illegally in Pakistan
Upcoming polls will be my last election says former Karnataka CM Siddaramaiah
Raghunandan Rao demands to send Telangana DGP to AP
Pathan becomes highest grosser worldwide hindi movie
Vinod Kambli wife accuses him of assaulting abusing her FIR registered
Madhyapradesh teenager rapes and kills a 58 old woman in rewa district
mla shilpa ravi counters bhuma ahilapriya
CM Jagan consoled MLC Talashila Raghuram
..more