-->

పురుషులలో ఈ సంకేతాలు కనిపిస్తే అప్రమత్తం కావాల్సిందే!

10-11-2022 Thu 13:45 | Health
Health checklist for men these subtle symptoms not to ignore

చాలా మంది అత్యవసర పరిస్థితి ఏర్పడితే కానీ, వైద్యులను కలుసుకోరు. మూడింట రెండొంతులు మంది తాము ఆరోగ్యంగానే ఉన్నామని అనుకుంటూ ఉంటారట. తమకు తాము ధైర్యం చెప్పుకుని, సానుకూల దృక్పథంతో ఉంటే మంచిదే. అలా అని, ముఖ్యమైన ఆరోగ్య సమస్యల విషయంలో అశ్రద్ధ అసలే పనికిరాదు. పురుషుల్లో కనిపించే కొన్ని రకాల సంకేతాలను ఎట్టి పరిస్థితుల్లోనూ నిర్లక్ష్యం చేయవద్దన్నది వైద్యుల సూచన. 


తీవ్ర అలసట
రోజులో ఉదయం నుంచి సాయంత్రం వరకు కష్టించిన తర్వాత వచ్చే అలసట గురించి ఆందోళన చెందక్కర్లేదు. కానీ, రాత్రి తగినంత సమయం నిద్ర పోయిన తర్వాత.. ఉదయం వేళల్లోనూ అలసట కనిపిస్తుంటే లైట్ గా తీసుకోవద్దు. ఎందుకంటే స్లీప్ అప్నియాకు ఇది సంకేతం కావచ్చు. స్లీప్ అప్నియాలో శ్వాస సరిగ్గా అందదు. శ్వాస మార్గంలో అడ్డంకులు ఏర్పడడం వల్ల.. ఆగి, ఆగి (విరామంతో) గాలి తీసుకుంటూ ఉంటారు. గురక పెడుతుంటారు. దీనివల్ల మంచి నిద్ర లేక అలసట అనిపిస్తుంది. స్లీప్ అప్నియాను నిర్లక్ష్యం చేస్తే గుండె జబ్బులకు దారితీయవచ్చు. అధిక బరువు ఎక్కువగా ఈ పరిస్థితికి కారణమవుతుంది. అంతేకాదు, అధిక బరువుతో రక్తపోటు, ఇతర సమస్యలు కూడా రావచ్చు.

బరువు తగ్గిపోవడం
సాధారణంగా 3-5 కిలోల బరువు తగ్గడం పెద్ద ప్రమాద సంకేతం కాబోదు. కానీ, స్వల్ప కాలంలోనే 10 కిలోలు, అంతకుమించి బరువు మీ ప్రమేయం లేకుండా తగ్గిపోతే కనుక వెంటనే మేల్కొని వైద్యులను సంప్రదించాలి. ఎందుకంటే కేన్సర్ సమస్యలు ఉన్నప్పుడు ఇలా జరగొచ్చు. ముఖ్యంగా లంగ్ కేన్సర్, గ్యాస్ట్రో కేన్సర్ లలో (పాంక్రియాస్, కొలన్, రెక్టమ్ కేన్సర్) ఇలాంటి పరిస్థితి ఏర్పడొచ్చు. ఒకవేళ మధుమేహం కారణంగానూ ఇలా జరగొచ్చు. సాధారణంగా మన శరీరం తీసుకున్న ఆహారాన్ని శక్తిగా మార్చుకుంటుంది. ఆహారం ద్వారా లభించే కార్బోహైడ్రేట్స్ ను శక్తిగా మార్చుకోలేనప్పుడు.. శరీరం నిల్వ చేసి ఉంచిన కొవ్వులను వాడేసుకుంటుంది. దీంతో బరువు తగ్గుతారు. ఆటో ఇమ్యూన్ డిజార్డర్ అయిన సెలియాక్ డిసీజ్ లోనూ ఇలా జరగొచ్చు. గ్లూటెన్ ఉండే పదార్థాలను తీసుకోవడం వల్ల ఆహారంలోని పోషకాలను శరీరం గ్రహించదు. అప్పుడు కూడా ఇలాంటి పరిస్థితి ఏర్పడొచ్చు.

మూత్రం, మలం
అప్పుడప్పుడు అయినా ప్రతి ఒక్కరూ తమ మూత్రం రంగు, మలం రంగును పరిశీలించుకుంటూ ఉండాలి. ఎందుకంటే కొన్ని రకాల ఆరోగ్య సమస్యలు ఎదురైనప్పుడు వీటి రూపంలో సంకేతాలు కనిపిస్తాయి. మూత్రం ముదురు రంగులోకి మారిపోతే బైలురూబిన్ సమస్యలు ఉండొచ్చు. కొలరెక్టల్ కేన్సర్ లో మలం రంగు, పరిమాణం తదితర మార్పులు కనిపిస్తాయి. మలంలో రక్తం కనిపిస్తుంటే అది కేన్సర్ సంకేతం అయి ఉండొచ్చు. ఎక్కువ సార్లు మూత్ర విసర్జన చేయాల్సి వస్తే అధి మధుమేహానికి సంకేతంగా.. ఒకేసారి మొత్తం మూత్రాన్ని పోయలేక, వెంట వెంట కొద్ది కొద్దిగానే వస్తుంటే ప్రొస్టేట్ సమస్యలు ఉన్నట్టు అనుమానించొచ్చు.

చిరాకు..
తరచూ చిరాకు పడుతున్నారా..? అయితే అలా చిరాకు పడడానికి తగిన కారణాలు ఉన్నాయా? లేక అనవసరంగా చిరాకు వస్తోందా? పరిశీలించుకోవాలి. టెస్టోస్టిరాన్ స్థాయి తగ్గినప్పుడు, ఆందోళన వల్ల కూడా ఇలా చిరాకు అనిపిస్తుంది.

వాట్సాప్ గ్రూప్ లో షేర్ చేయండి
..ఇది కూడా చదవండి
మీ షాంపూలో సల్ఫేట్స్ ఉన్నాయేమో చూసుకోండి..!
  • వీటివల్లే శిరోజాల రంగు మటుమాయం
  • తలవెంట్రుకలపై జిడ్డు, మురికి వదిలించేందుకు వాడే కెమికల్స్ ఇవి
  • సల్ఫేట్స్ లేని ఇతర షాంపూలను పరిశీలించొచ్చు

ap7am

..ఇది కూడా చదవండి
పంచదారను నెలపాటు మానేస్తే ఏమవుతుంది?
  • చక్కెర కారణంగా మన రక్తంలోకి అధిక కేలరీలు
  • దీని కారణంగా స్థూలకాయం, టైప్2 మధుమేహం, గుండె జబ్బులు
  • గణనీయంగా తగ్గించుకోవడం, లేదంటే మానివేస్తే మంచి ఫలితాలు

..ఇది కూడా చదవండి
బీపీ తగ్గించడానికి ఇంటి చిట్కాలు
  • గుండె నుంచి రక్తాన్ని పంప్ చేసినప్పుడు ధమనులపై పడే ఒత్తిడి రక్తపోటు
  • ఇది పెరగడానికి ఎన్నో రకాల కారణాలు ఉండొచ్చు
  • తేనె, యాపిల్ సైడర్ వెనిగర్ తో మంచి ఫలితం


More Latest News
Gudivada Amarnath replies to Hariramajogaiah letter
Bopparaju says employees will take further steps if govt not respond
KCR said if BRS wins country will glorify in two years
Indians spent crores for new houses in Dubai
Vani Jayaram last rites completed in Chennai with Tamilnadu state honours
Jaggareddy says he never a slave to anyone
GVL comments on Lokesh Yuvagalam Padayatra
Nara Lokesh offers special prayers at Kanipakam Vinayaka Temple
kcr meeting at nanded maharashtra
Gunmen breaks into tears after MLA Kotamreddy returns his security personnel
Australia gets another blow before first test
Huge blast in Pakistans Quetta leaves many injured
Yanamala targets Buggana and CM Jagan
Chandrababu visits K Viswanath house
dastagiri sensational comments on viveka murder case
..more