-->

ఫ్రీలాన్స్ చేసుకోవచ్చు.. ఉద్యోగులకు ఇన్ఫోసిస్ గుడ్ న్యూస్

21-10-2022 Fri 13:17 | Technology
After firing employees for moonlighting Infosys to allow employees to take up freelance work

మూన్ లైటింగ్ పేరుతో లోగడ ఉద్యోగులను తొలగించిన అగ్రగామి ఐటీ కంపెనీ ఇన్ఫోసిస్ మార్పు దిశగా అడుగులు వేస్తోంది. ఉద్యోగుల కోణం నుంచి ఆలోచిస్తోంది. ఫ్రీలాన్స్ పని చేసుకునేందుకు ఉద్యోగులను అనుమతించనుంది. మూన్ లైటింగ్ అంటే.. ఒక వ్యక్తి ఒక సంస్థలో అధికారికంగా పనిచేస్తూ, ఆ సంస్థకు తెలియకుండా మరో చోట మరొక ఉద్యోగం చేయడం. దీనివల్ల కంపెనీల ప్రయోజనాలకు విఘాతం కలుగుతుందన్న వాదన అయితే ఉంది.

విప్రో కూడా ఇటీవలే మూన్ లైటింగ్ పేరుతో 300 మంది ఉద్యోగులను గుర్తించి తొలగించింది. ఇది అనైతికమని, దీన్ని సహించేది లేదని పేర్కొంది. అలాంటిది ఇప్పుడు ఉద్యోగులను ఫ్రీలాన్స్ కు అనుమతించేందుకు ఇన్ఫోసిస్ ఎందుకు సానుకూలంగా ఉందన్న ప్రశ్న ఎదురుకావడం సహజం. వేరో చోట పార్ట్ టైమ్ పని చేసుకునేందుకు కుదరదని చెబితే.. అప్పుడు మంచి నైపుణ్యాలు ఉన్న వారు కూడా దూరం కావచ్చు. బహుశా ఇదే ఇన్ఫోసిస్ లో మార్పునకు కారణమై ఉంటుంది. 

ఫ్రీలాన్స్ కు అనుమతిస్తే, నిపుణుల వలసలను కొంత వరకు అడ్డుకునే అవకాశం లభిస్తుంది. ఐటీ రంగంలో ఇప్పుడు వలసలు పెద్ద సమస్యగా పరిణమించాయి. ఏ కంపెనీ అయినా మెరుగైన ప్రయోజనాలు ఆఫర్ చేస్తే, మారు మాట్లాడకుండా అక్కడికే ఉద్యోగులు జారుకుంటున్నారు. 

అదనపు ఆదాయం కోసం చూసే ఉద్యోగులకు అందుకు వీలు కల్పించాలన్నది ఇన్ఫోసిస్ ఆలోచనగా తెలుస్తోంది. కాకపోతే ఇలా ఫ్రీలాన్స్ చేయాలనుకునే వారు ముందుగా కంపెనీ నుంచి అనుమతి పొందాల్సి ఉంటుంది. ‘‘ఏ ఉద్యోగి అయినా కాంట్రాక్టు పని చేపట్టాలనుకుంటే అది చేసుకోవచ్చు. కాకపోతే వారి మేనేజర్, బీపీ హెచ్ఆర్ నుంచి అనుమతి తీసుకోవాలి. వారికి తాత్కాలిక పని కల్పించే కంపెనీ.. ఇన్ఫోసిస్ తో కానీ, ఇన్ఫోసిస్ క్లయింట్లతో కానీ పోటీ పడకూడదు’’ అంటూ ఉద్యోగులకు పంపిన మెయిల్ లో ఇన్ఫోసిస్ పేర్కొంది. పైగా ఇలా వేరే చోట కాంట్రాక్టు పని వల్ల, ఇన్ఫోసిస్ లో వారి పని సామర్థ్యాలు ప్రభావితం కాకూడదని, దీన్ని తాము సమీక్షిస్తుంటామని తెలిపింది.

వాట్సాప్ గ్రూప్ లో షేర్ చేయండి
..ఇది కూడా చదవండి
రెండు సిమ్ కార్డులు వాడుతున్నారా.. కేటుగాళ్లు వున్నారు.. జర భద్రం!
  • రీచార్జి చేయించని సిమ్ కార్డులను లాక్ చేస్తున్న టెలికాం కంపెనీలు
  • స్వల్ప మొత్తం చెల్లించి ఆ నంబర్లను కొనుగోలు చేస్తున్న సైబర్ కేటుగాళ్లు
  • ఆపై ఆ నంబర్లతో మీ బ్యాంకు ఖాతాలోని సొమ్ము కాజేస్తున్న వైనం

ap7am

..ఇది కూడా చదవండి
ఆవు పేడ ఇంధనంతో మారుతి సుజుకి కార్లు
  • వాతావరణంలో పెరిగిపోతున్న కర్బన ఉద్గారాల స్థాయి
  • పర్యావరణం పట్ల క్రమంగా పెరుగుతున్న చైతన్యం
  • గ్రీన్ బాటపడుతున్న ఆటోమొబైల్ సంస్థలు
  • ఆవుపేడతో బయోగ్యాస్
  • తమ సీఎన్జీ మోడళ్లలో బయోగ్యాస్ వాడతామన్న మారుతి

..ఇది కూడా చదవండి
ట్విట్టర్ లో పేరు మార్చుకున్న ఎలాన్ మస్క్
  • మిస్టర్ ట్వీట్ గా ప్రొఫైల్ కి పేరు
  • ట్విట్టర్ పై ప్రకటించిన ఎలాన్ మస్క్
  • దీన్ని తిరిగి మార్చుకునే అవకాశం లేదని స్పష్టీకరణ


More Latest News
10 injured in latest mass shooting in Florida
Supreme Court to hear AP 3 capitals petitions
Rare Green Comet To Make Closest Approach To Earth
Etela Rajender Responds Over Party Changing News
TDP MLC Batchula Arjunudu Health Condition Critical
Do not pay extra amount for gas delivery says AP Govt
BRS and AAP decided to walk out presidents speech in parliament
Mark Zuckerberg Hints At More Facebook Layoffs
Minister Vemula Prashant Reddy invites Governor to budget sessions inaugural speach
Nara Lokesh padayatra enters into Palamaneru constituency
Premadesham Pre Release Event
Rain forecast for AP
Huge response to Mahindra XUV400 electric SUV
I will quit politics says Kotamreddy
CID questioning on Chintakayala Vijay concludes
..more