డెంగీ.. కరోనా.. స్వైన్ ఫ్లూ.. ఏదన్నది అనుమానమా..?

30-09-2022 Fri 13:54
COVID19 Or Dengue or swine flue How To Differentiate Between Symptoms

ఈ ఏడాది కరోనాకు తోడు డెంగీ, స్వైన్ ఫ్లూ కేసులు కూడా పెద్ద సంఖ్యలో నమోదవుతున్నాయి. వీటిల్లో కొన్ని ఒకే మాదిరి లక్షణాలతో ఉంటుండడంతో సమస్య ఏంటన్నది తెలుసుకోలేని పరిస్థితి. వైద్య నిపుణులే వీటిల్లో ఏదన్నది నిర్ధారించగలరు. ముఖ్యంగా కరోనా, డెంగీ మధ్య లక్షణాల పరంగా కొన్ని వ్యత్యాసాలున్నా.. కరోనా, స్వైన్ ఫ్లూ ఈ రెండింటిలో అధిక శాతం లక్షణాలు ఒకే మాదిరిగా కనిపిస్తాయి. కనుక వ్యాధి నిర్ధారణ (లేబరేటరీ పరీక్ష) పరీక్షల ద్వారానే వచ్చిన సమస్యను గుర్తించి చికిత్స చేయడం సులభం అవుతుంది. కనుక వీటిల్లో ఏ లక్షణాలు ఉన్నప్పటికీ, వైద్యులను సంప్రదించడం ద్వారా పరిస్థితి చేయి దాటిపోకుండా చూసుకోవచ్చు.

కరోనా - స్వైన్ ఫ్లూ లో ఒకే మాదిరి లక్షణాలు
జ్వరం, చలి, దగ్గు, శ్వాస తీసుకోవడంలో సమస్యలు, శ్వాస ఆడకపోవడం, అలసిపోవడం, గొంతులో నొప్పి, మంట, ముక్కు కారడం, కండరాలు, ఒళ్లు నొప్పులు, తలనొప్పి, వాంతులు, చిన్న పిల్లల్లో అయితే నీళ్ల విరేచనాలు కనిపిస్తాయి. ఈ రెండూ ఒకరి నుంచి మరొకరికి వ్యాపించేవే. కరోనా అయితే సార్స్ కొవిడ్ 19 వైరస్ వల్ల వస్తే.. ఇన్ ఫ్లూయెంజా వైరస్ వల్ల స్వైన్ ఫ్లూ వస్తుంది.

వ్యత్యాసాలు 
స్వైన్ ఫ్లూ అయితే కొంచెం త్వరగా కోలుకుంటారు. లక్షణాలు నాలుగు రోజుల వరకు కనిపిస్తాయి. కరోనా అయితే కోలుకోవడానికి సమయం పట్టొచ్చు. కొన్ని కేసుల్లో రెండు వారాలు కూడా పడుతుంది. వాసన, రుచి కోల్పోవడం కరోనాలోనే కనిపిస్తుంది. స్వైన్ ఫ్లూ అయితే వైరస్ ప్రవేశించిన ఒక్క రోజులోనే లక్షణాలు కనిపిస్తాయి. కరోనా వైరస్ శరీరంలోకి ప్రవేశించిన 4-5 రోజుల తర్వాతే లక్షణాలు కనిపిస్తాయి. వీటిల్లో కరోనా మరింత ప్రమాదకరం. నిర్లక్ష్యం చేస్తే స్వైన్ ఫ్లూ వైరస్ లోనూ సీరియస్ అవుతుంది. 

కరోనా -  డెంగీ
డెంగీ ఏడిస్ ఈజిప్టై అనే దోమ కుట్టడం ద్వారానే వస్తుంది. ఇది రాకుండా నివారించుకోవచ్చు. గాలి ద్వారా, కరోనా రోగుల నుంచి, వారు తాకిన వస్తువుల ద్వారా వస్తుంది. ఈ రెండింటిలోనూ ఒళ్లు నొప్పులు, చలి, జ్వరం, వాంతులు కామన్ గా కనిపిస్తాయి. ఇక్కడ కరోనాలో ఫీవర్ భారీ స్థాయిలో రాదు. డెంగీలో మాత్రం 103-105 డిగ్రీల వరకు నమోదు కావచ్చు. కరోనాలో జ్వరం వచ్చిపోయినట్టు అనిపిస్తుంది. డెంగీలో జ్వరం స్థిరంగా ఉంటుంది. 

డెంగీ దోమ కుట్టిన తర్వాత లక్షణాలు కనిపించేందుకు 3-10 రోజులు పడుతుంది. కరోనాలో వైరస్ మన శరీరంలోకి వచ్చిన 4-5 రోజుల తర్వాత లక్షణాలు కనిపిస్తాయి. డెంగీలో సీరియస్ అయితే ప్లాస్మా లీకేజ్, షాక్, నీరు చేరడం, రక్తస్రావం, గుండె సమస్యలు, అవయవాల వైఫల్యం కనిపిస్తాయి. కరోనాలో పరిస్థితి తీవ్రరూపం దాలిస్తే హైపోక్సియా, ఊపిరితిత్తుల వైఫల్యం, షాక్, ఒకటికి మించిన అవయవాల వైఫల్యానికి దారితీస్తుంది.

వాట్సాప్ గ్రూప్ లో షేర్ చేయండి
..ఇది కూడా చదవండి
లైంగిక జీవితం బాగుండాలంటే.. ఇవి పాటించాలి!
  • రోజువారీ వ్యాయామం చేస్తూ చురుగ్గా ఉండాలి
  • జంక్ ఫుడ్ బదులు పోషకాహారానికి ప్రాధాన్యం ఇవ్వాలి
  • ఒత్తిళ్లను తగ్గించుకోవాలి.. మద్యపానానికి దూరంగా ఉండాలి

ap7am

..ఇది కూడా చదవండి
ఫ్లావనాయిడ్స్ ఉన్న ఆహారంతో గుండెకు రక్షణ
  • వయసులో ఉన్నప్పటి నుంచి తీసుకోవడం మంచిది
  • అబ్డామినల్ ఆరోటిక్ కాల్సిఫికేషన్ రిస్క్ తగ్గుతుంది
  • గుండె జబ్బులు, కేన్సర్ రిస్క్ నుంచి రక్షణ

..ఇది కూడా చదవండి
గుండె బలహీనపడుతోందని చెప్పే ఐదు సంకేతాలు ఇవే!
  • మనిషికి ప్రాణాధారం గుండె
  • శరీరానికి రక్తం పంప్ చేసే కీలక అవయవం
  • రక్త సరఫరా లోపిస్తే తీవ్ర అనారోగ్యం
  • గుండెను పదిలంగా చూసుకోవాలంటున్న వైద్యులు


More Latest News
Nakka Anand Babu fires over CV Subba Reddy appointment as new ENC
Poonam Kaur in suffering from rare decease
cpi telangana secretary kunamneni comments on political alliances
Jharkhand High Court gives nod to 15 years old girl marriage
ap minister jayaram responds on it notices to his wife
No alcohol for Delhi people for 3 days
Indian takes on G20 presidency today
Vijayasai comments on Chandrababu
ts government allotted the posts to new medical colleges
RBI launches Indian digital currency Digital Rupee
India womens cricketer Rajeshwari Gayakwad involved in altercation at super market
Delhi HC issues notices to Shashi Tharoor in Sunanda Pushkar death case
YS Sharmila slams CM KCR over her arrest
Shikhar Dhawan backs match winner Rishabh Pant over Sanju Samson
Etela comments on KCR and Kavitha
..more