బైక్ మీద లిఫ్ట్ అడిగాడు.. మధ్యలో ఇంజక్షన్ పొడిచి చంపేశాడు!

20-09-2022 Tue 06:59
Man Killed Biker Who Gave Lift To Him in Khammam District

బైక్‌పై వెళ్తున్న వ్యక్తిని లిఫ్ట్ అడిగి.. ఎక్కిన తర్వాత వెనక నుంచి ఇంజక్షన్ గుచ్చి చంపేశాడో కిరాతకుడు. ఖమ్మం జిల్లాలో జరిగిందీ ఘటన. పోలీసుల కథనం ప్రకారం.. జిల్లాలోని చింతకాని మండలం బొప్పారానికి చెందిన షేక్ జమాల్ సాహెబ్ (48).. ఏపీలోని జగ్గయ్యపేట మండలం గండ్రాయిలో తన పెద్ద కుమార్తె వద్దనున్న భార్య ఇమాంబీని తీసుకొచ్చేందుకు నిన్న ఉదయం బైక్‌పై బయలుదేరాడు. ముదిగొండ మండలంలోని వల్లభి సమీపంలో ఇద్దరు వ్యక్తులు రోడ్డుపై నిలబడి లిఫ్ట్ అడిగారు. తమ బైక్‌లో పెట్రోలు అయిపోయిందని, తమలో ఒకరికి లిఫ్ట్ ఇస్తే పెట్రోలు తెచ్చుకుంటామని చెప్పడంతో జమాల్ సరేనని ఎక్కించుకున్నాడు. 

కొంతదూరం వెళ్లాక బైక్ ఎక్కిన వ్యక్తి జమాల్ వీపుపై ఇంజక్షన్‌తో పొడిచాడు. ఏదో గుచ్చుకున్నట్టు అనిపించడంతో జమాల్ బండి వేగాన్ని తగ్గించి ఏం చేశావని అతడిని అడిగాడు. దీంతో అతడు బైక్ దూకి వెనకే వస్తున్న మరో నిందితుడి బైక్ ఎక్కి పరారయ్యాడు. మరోవైపు, ఇంజక్షన్ ప్రభావంతో కళ్లు బైర్లు కమ్ముతుండడంతో మరికొంత దూరం ముందుకు వెళ్లి రోడ్డుపక్కన ఉన్న వారిని నీళ్లు ఇవ్వాలని జమాల్ కోరాడు. నీళ్లు తాగిన తర్వాత తన భార్యకు ఫోన్ కలపాలని అడిగాడు. ఫోన్ కలవకపోవడంతో అక్కడి వారితో జరిగిన విషయం చెప్పాడు. తాను లిఫ్ట్ ఇచ్చిన వ్యక్తి వెనక నుంచి ఏదో గుచ్చి పారిపోయాడని చెప్పి పడిపోయాడు. 

వెంటనే అప్రమత్తమైన స్థానికులు అతడిని ప్రాథమిక ఆరోగ్య కేంద్రానికి తరలించారు. అయితే, అప్పటికే అతడు మరణించినట్టు వైద్యులు నిర్ధారించారు. కేసు నమోదు చేసుకున్న పోలీసులు ఘటనా స్థలానికి చేరుకుని పరిశీలించారు. అక్కడ పడివున్న సిరంజిని స్వాధీనం చేసుకున్నారు.

పిచ్చి కుక్కలను చంపేందుకు వాడే రసాయనంతో..
లిఫ్ట్ అడిగి.. ఇచ్చిన వ్యక్తిని ఎందుకు చంపాల్సి వచ్చిందన్న దానిపై పోలీసులు దర్యాప్తు ప్రారంభించారు. పోలీసుల ప్రాథమిక దర్యాప్తులో ఇది పథకం ప్రకారం జరిగిన హత్యేనని తేలింది. జమాల్ కంటే ముందు నిందితులు మైసయ్య అనే వ్యక్తిని లిఫ్ట్ అడిగారు. అతడు ఇవ్వకుండా వెళ్లిపోవడంతో బతికిపోయాడు. లేదంటే ఇంజక్షన్ అతడిపైనే  ప్రయోగించి ఉండేవారని పోలీసులు అనుమానిస్తున్నారు. 

అయితే, దీని వెనకున్న కారణాలు ఏంటనేవి మాత్రం తెలియరావడం లేదు. పిచ్చికుక్కలను చంపేందుకు వాడే రసాయనాన్ని ఇంజక్షన్‌లో ఎక్కించినట్టు గుర్తించారు. పరారీలో ఉన్న నిందితుల కోసం పోలీసు బృందాలు గాలిస్తున్నాయి. వారు పట్టుబడిన తర్వాత హత్యకు గల అసలు కారణాలు వెల్లడయ్యే అవకాశం ఉంది.

వాట్సాప్ గ్రూప్ లో షేర్ చేయండి
..ఇది కూడా చదవండి
ఎట్టకేలకు పోలీసులకు చిక్కిన గ్యాంగ్‌స్టర్ నయీం అనుచరుడు శేషన్న
  • ఇద్దరూ కలిసి దందాలు, హత్యలు
  • ఆరు హత్య కేసుల్లో నిందితుడిగా ఉన్న శేషన్న
  • వాహన తనిఖీల్లో  పోలీసులకు చిక్కిన వైనం

ap7am

..ఇది కూడా చదవండి
కేసీఆర్​ చూపు పడగానే ఇండియాగేట్​ వద్ద బతుకమ్మ వెలుగుతోంది: కల్వకుంట్ల కవిత
  • ఢిల్లీలో తెలంగాణ ఆత్మగౌరవ పతాక ఎగిరే రోజులు ఎంతో దూరంలో లేవన్న ఎమ్మెల్సీ
  • విభజన కావాలో, ఐక్యత కావాలో బీజేపీ తేల్చుకోవాలని డిమాండ్
  • టీఆర్ఎస్ ఏర్పాటయ్యాకే తెలంగాణ పండుగలకు గౌరవం దక్కిందని వ్యాఖ్య

..ఇది కూడా చదవండి
మంచిరెడ్డి కిష‌న్ రెడ్డి వాట్సాప్‌ను రిట్రీవ్ చేసిన ఈడీ... 9 గంట‌లుగా కొన‌సాగుతున్న విచార‌ణ‌
  • ఓ వ్య‌క్తి విచార‌ణ సంద‌ర్భంగా మంచిరెడ్డి లావాదేవీల‌పై ఈడీకి అనుమానం
  • అతి త‌క్కువ కాలంలో రూ.88 కోట్ల లావాదేవీలు నిర్వ‌హించిన మంచిరెడ్డి
  • శ్రీలంక‌, బంగ్లాదేశ్, థాయ్‌ల్యాండ్ ల‌లో పెట్టుబ‌డి పెట్టిన‌ట్లు అనుమానం
  • క్యాసినో, గోల్డ్ మైన్ల‌లో మంచిరెడ్డి పెట్టుబ‌డి?  


More Latest News
Tollywood Star Hero Mahesh Babu Mother Indira Devi Passed Away
There is no railway zone for Visakha center clarifies
gangster nayeem righ hand and close associate sheshanna arrested
Global recession ahead warns WTO chief
Kalwakuntla Kavitha participated in Bathukamma celebrations at telangana bhavan
Cinema theaters number decreases in India as the number raise in China
ed officials interrogates manchireddy kishan reddy for 9 hours
ECB shows keen interest to host test series between Team India and Pakistan
Modi improving medical infrastructure says amit shah
TDP sacked two state secretaries from the posts
Indian billionaire Gautam Adani slips to third spot in Bloomberg index
ap bags times of india award
cbi arrests Only Much Louder ceo vijay nair in delhi liquor scam
CM Jagan at Tirumala Temple
ts high court orders ed to detach1416 acres of vanpic lands
..more