ఎస్‌సీవో సమ్మిట్ కోసం ఉజ్బెకిస్థాన్ చేరుకున్న ప్రధాని మోదీ.. పుతిన్‌తో కీలక చర్చలు!

16-09-2022 Fri 10:08
PM Modi in Uzbekistan for SCO summit to hold talks with Putin

షాంఘై కోఆపరేషన్ ఆర్గనైజేషన్ (ఎస్‌సీవో) శిఖరాగ్ర సమావేశంలో పాల్గొనేందుకు భారత ప్రధానమంత్రి నరేంద్రమోదీ ఉజ్బెకిస్థాన్‌లోని సమర్‌కండ్ చేరుకున్నారు. రెండు రోజులపాటు జరగనున్న ఈ 22వ సమావేశంలో రష్యా అధ్యక్షుడు వ్లాదిమిర్ పుతిన్, ఇరాన్ అధ్యక్షుడు ఇబ్రహీం రైసీ, ఉజ్బెకిస్థాన్ అధ్యక్షుడు షావ్కత్ మిర్జియోయెవ్‌లతో మోదీ నిర్మాణాత్మక ద్వైపాక్షిక చర్చలు జరుపుతారు. ప్రాంతీయ భద్రతా సవాళ్లు, వాణిజ్యం, ఇంధన సరఫరాలను పెంచడం వంటివాటిపై ఈ సదస్సులో చర్చించనున్నారు.  

* ఉజ్బెకిస్థాన్ చేరుకున్న మోదీకి ఆ దేశ ప్రధాని అబ్దుల్లా అరిపోవ్, మంత్రులు, సమర్‌కండ్ గవర్నర్, సీనియర్ అధికారులు స్వాగతం పలికినట్టు భారత విదేశాంగ వ్యవహారాల మంత్రిత్వశాఖ (ఎంఈఏ) అధికార ప్రతినిధి అరిందమ్ బాగ్చి తెలిపారు. సమ్మిట్ లో పాల్గొనేందుకు వచ్చిన దేశాధినేతలకు బాణసంచా వెలుగుల మధ్య స్వాగతం పలికింది.

* ఎస్‌సీవో సమ్మిట్ లో పాల్గొన్న అనంతరం ఉజ్బెకిస్థాన్ అధ్యక్షుడితోపాటు ఈ సమ్మిట్‌కు హాజరవుతున్న ఇతర నేతలతో మోదీ సమావేశమవుతారు. కొవిడ్-19, ఉక్రెయిన్ సంక్షోభం తర్వాత జరుగుతున్న తొలి వ్యక్తిగత సమావేశం ఇదే. 

* రష్యా అధ్యక్షుడు పుతిన్, ఇరాన్ అధ్యక్షుడు ఇబ్రహీం రైసీ, ఉజ్బెక్ అధ్యక్షుడు షావ్కత్ మిర్జియోయెవ్‌లతో‌ మోదీ సమావేశమవుతారు. 

* ఈ శిఖరాగ్ర సమావేశంలో మోదీ, పుతిన్‌లు వాణిజ్యం, భౌగోళిక రాజకీయాలపై చర్చలు జరిపే అవకాశం ఉందని తెలుస్తోంది. అలాగే, ఆసియా-పసిఫిక్ ప్రాంతంలోని పరిస్థితులు, ఐక్య రాజ్యసమితి, జి20 దేశాల్లో ద్వైపాక్షిక సహకారంపైనా ఇరువురు నేతలు చర్చిస్తారని భావిస్తున్నారు. 
 
* ఈ ఏడాది ఫిబ్రవరిలో రష్యా-ఉక్రెయిన్ యుద్ధం ప్రారంభమైన తర్వాత జరుగుతున్న తొలి సమావేశం ఇదే. ఉక్రెయిన్ రాజధాని కీవ్‌లో మిలటరీ విన్యాసాల తర్వాత పుతిన్‌కు మోదీ ఫోన్ చేసి, ఉక్రెయిన్‌లో హింసను తక్షణమే నిలిపివేయాలని కోరినట్టు గతంలో భారత విదేశాంగ శాఖ తెలిపింది.

వాట్సాప్ గ్రూప్ లో షేర్ చేయండి
..ఇది కూడా చదవండి
భారత్ లో తగ్గిన థియేటర్ల సంఖ్య... చైనాలో మన సినిమా జోరు
  • భారత్ లో 8 వేలకు పడిపోయిన థియేటర్ల సంఖ్య
  • చైనాలో 70 వేలకు పెరిగిన థియేటర్ల సంఖ్య
  • చైనాలో అధిక బిజినెస్ చేస్తున్న భారతీయ చిత్రాలు
  • ఎఫ్ఎఫ్ఓ ఏర్పాటు చేసిన కేంద్రం
  • కొత్త థియేటర్ల నిర్మాణానికి సత్వర అనుమతులు

ap7am

..ఇది కూడా చదవండి
మోదీ వచ్చాకే ఆ రంగంలో సమూల మార్పులు: అమిత్​ షా
  • గత ప్రభుత్వాలు మౌలిక సదుపాయాల పేరుతో దోచుకున్నాయన్న కేంద్ర హోం మంత్రి
  • తాము ఆయుష్మాన్ భారత్ తో 60 కోట్ల మందికి ఉచిత వైద్యం అందిస్తున్నట్టు వెల్లడి
  • దేశంలో వైద్య కళాశాలల సంఖ్యను కూడా గణనీయంగా పెంచినట్టు వివరణ

..ఇది కూడా చదవండి
ఢిల్లీ లిక్క‌ర్ స్కామ్‌లో తొలి అరెస్ట్‌.. 'ఓన్లీ మ‌చ్ లౌడ‌ర్‌' సీఈఓ నాయర్ ను అరెస్ట్ చేసిన సీబీఐ
  • సీబీఐ ఎఫ్ఐఆర్‌లో ఐదో నిందితుడిగా ఉన్న నాయ‌ర్‌
  • ఈవెంట్ మేనేజ్‌మెంట్ లో సేవ‌లు అందిస్తున్న ఓన్లీ మ‌చ్ లౌడ‌ర్‌
  • నాయ‌ర్‌ను ముంబై నుంచి ఢిల్లీకి త‌ర‌లించిన సీబీఐ


More Latest News
Tollywood Star Hero Mahesh Babu Mother Indira Devi Passed Away
There is no railway zone for Visakha center clarifies
gangster nayeem righ hand and close associate sheshanna arrested
Global recession ahead warns WTO chief
Kalwakuntla Kavitha participated in Bathukamma celebrations at telangana bhavan
Cinema theaters number decreases in India as the number raise in China
ed officials interrogates manchireddy kishan reddy for 9 hours
ECB shows keen interest to host test series between Team India and Pakistan
Modi improving medical infrastructure says amit shah
TDP sacked two state secretaries from the posts
Indian billionaire Gautam Adani slips to third spot in Bloomberg index
ap bags times of india award
cbi arrests Only Much Louder ceo vijay nair in delhi liquor scam
CM Jagan at Tirumala Temple
ts high court orders ed to detach1416 acres of vanpic lands
..more