-->

బిడ్డా అమిత్​ షా.. ఈ ప్రశ్నలకు సమాధానం చెప్పు.. మునుగోడు సభలో కేసీఆర్​ సవాల్​!

20-08-2022 Sat 16:59 | Telangana
CM Kcr speech at Munugodu rally

తెలంగాణ కొత్త రాష్ట్రంగా ఏర్పడి ఎనిమిదేళ్లు అయిందని.. ఇప్పటికీ కృష్ణా నదిలో నీటి వాటా తేల్చకుండా తాత్సారం చేస్తున్నారని తెలంగాణ సీఎం కేసీఆర్ మండిపడ్డారు. నీటి వాటాలు ఎందుకు తేల్చడం లేదని, దీనిపై కేంద్ర ప్రభుత్వ విధానం ఏమిటో చెప్పాలని డిమాండ్ చేశారు. కేంద్రం తీరుపై పోరాడుతామన్నారు. పోరాటాలు తెలంగాణకు కొత్త కాదని.. కొట్లాడటం మొదలుపెడితే ఎక్కడిదాకా అయినా వస్తామని వ్యాఖ్యానించారు. మునుగోడు బహిరంగ సభలో కేసీఆర్ మాట్లాడుతూ బీజేపీపై మండిపడ్డారు.

మునుగోడు నుంచి ఢిల్లీ దాకా పోరాటం
‘‘దేశంలో జరుగుతున్న ప్రజా వ్యతిరేక విధానాలను, సమాజాన్ని విభజించే విద్వేష విధానాలను ఎలా ఎదుర్కోవాలన్న దానిపై చర్చిస్తున్నాం. దేశాన్ని, ప్రజలను ఎలా కాపాడుకోవాలనే దానిపై ఐదారు నెలలుగా తలలు బద్దలు కొట్టుకుంటూ ఆలోచిస్తూ ఉన్నాం. ఇప్పుడున్న పరిస్థితులతో దేశం యొక్క జీవిక దెబ్బతినే ప్రమాదం ఉంది. ప్రగతిశీల, క్రియాశీల శక్తులు ఏకం కావాలని నిర్ణయించుకున్నాం. పేదలు, రైతుల బతుకులు బాగుపడేదాకా పోరాడుతాం. దేశంలో ప్రగతిశీల శక్తులన్నింటినీ ఒకటి చేసి పోరాటం కొనసాగిస్తాం. ఈ పోరాటం ఒక్క రోజుతో ఆగేది కాదు. ఈ ఉప ఎన్నికకే పరిమితం కాదు. మునుగోడు నుంచి ఢిల్లీ దాకా సీపీఎం, సీపీఐ, టీఆర్ఎస్ సహా మిగతా క్రియాశీల శక్తులన్నీ కలిసి పోరాడుతాం” అని కేసీఆర్ పేర్కొన్నారు.

నీటి వాటా తేల్చడం లేదేం?
‘‘తెలంగాణ కొత్త రాష్ట్రంగా ఏర్పడి ఎనిమిదేళ్లు అయింది. కృష్ణా నదిలో నీటి వాటా తేల్చాలని కోరితే ప్రధాని నరేంద్ర మోదీ తేల్చడం లేదు. ఎందుకు తేల్చడం లేదు? ఇప్పుడు మునుగోడుకు ఎందుకు వస్తున్నారు. మా నీటి వాటా మాకు ఇవ్వనందుకే అమిత్ షా తెలంగాణకు వస్తున్నారా? బిడ్డా.. అమిత్ షా సమాధానం చెప్పాలి. కృష్ణా జలాల్లో తెలంగాణ వాటా తేల్చకపోవడానికి కారణమేంటో చెప్పాలి. మా నీటి వాటా తేల్చితే అందుకు అనుగుణంగా ప్రాజెక్టులను పూర్తిచేసుకుంటాం. కానీ తేల్చకుండా అడ్డం ఎందుకు పడుతున్నారు?” అని కేసీఆర్ ప్రశ్నించారు.

మీ చేతగానితనం ఏమిటో చెప్పండి..
‘‘పంద్రాగస్టు నాడు ప్రధాన మంత్రి మాట్లాడితే మైకులు పగలిపోయాయి. అందులో ఒక్క మాట అయినా మంచి మాట ఉందా? బీజేపీ నేతలుగానీ, ఇప్పుడు రాజగోపాల్ రెడ్డిగానీ, రాష్ట్రం నుంచి కేంద్ర మంత్రిగా ఉన్న వ్యక్తిగానీ ఢిల్లీ వెళ్లి.. తెలంగాణకు కృష్ణా నీటి వాటా తేల్చడం లేదేమని అడగగలరా? లేదు. కానీ రేపు డోలు, బాజాలు పట్టుకుని అమిత్ షాను మునుగోడుకు తీసుకొస్తారట. నేను కేంద్ర హోం మంత్రిని డిమాండ్ చేస్తున్నా.. మీరు కృష్ణా జలాల వాటా ఎందుకు తేల్చడం లేదు? ఈ విషయంలో మీ కేంద్ర ప్రభుత్వ విధానం ఏమిటో సమాధానం చెప్పాలి. మీ దద్దమ్మ, చేతగానితనం ఏమిటో రేపు మునుగోడు సభలో చెప్పాలని డిమాండ్ చేస్తున్నా..” అని కేసీఆర్ మండిపడ్డారు.

వాట్సాప్ గ్రూప్ లో షేర్ చేయండి
..ఇది కూడా చదవండి
రాష్ట్రపతి ప్రసంగాన్ని బహిష్కరిస్తున్నాం: బీఆర్ఎస్ నేత కె. కేశవరావు
  • అఖిలపక్ష సమావేశంలో నిర్ణయం
  • కేంద్రం అన్ని రంగాల్లోనూ విఫలమైందన్న కేశవరావు
  •  ప్రభుత్వం నడవకుండా తమిళిసై అడ్డుకుంటున్నారని ధ్వజం
  • తెలంగాణపై కుట్రలను ఎండగడతామన్న నామా

ap7am

..ఇది కూడా చదవండి
బడ్జెట్ సమావేశాల్లో ప్రసంగించాలంటూ గవర్నర్ ను స్వయంగా ఆహ్వానించిన మంత్రి ప్రశాంత్ రెడ్డి
  • ఫిబ్రవరి 3 నుంచి తెలంగాణ అసెంబ్లీ బడ్జెట్ సమావేశాలు
  • గవర్నర్ ప్రసంగం ఉండదంటూ ప్రచారం
  • గవర్నర్ బడ్జెట్ కు ఆమోదం తెలుపలేదన్న సర్కారు
  • హైకోర్టులో పిటిషన్
  • కోర్టు సూచనతో ఇరువర్గాల మధ్య సయోధ్య

..ఇది కూడా చదవండి
అధికారం ఎవరి అబ్బ సొత్తు కాదు: పొంగులేటి శ్రీనివాసరెడ్డి
  • బీఆర్ఎస్ నాయకత్వంపై మరోసారి ధ్వజమెత్తిన పొంగులేటి
  • ఎన్ని ఇబ్బందులు పెట్టినా వెనుకడుగు వేయబోనని వెల్లడి
  • తన వెంట లక్షలాది హృదయాలు ఉన్నాయని ధీమా


More Latest News
Rare Green Comet To Make Closest Approach To Earth
Etela Rajender Responds Over Party Changing News
TDP MLC Batchula Arjunudu Health Condition Critical
Do not pay extra amount for gas delivery says AP Govt
BRS and AAP decided to walk out presidents speech in parliament
Mark Zuckerberg Hints At More Facebook Layoffs
Minister Vemula Prashant Reddy invites Governor to budget sessions inaugural speach
Nara Lokesh padayatra enters into Palamaneru constituency
Premadesham Pre Release Event
Rain forecast for AP
Huge response to Mahindra XUV400 electric SUV
I will quit politics says Kotamreddy
CID questioning on Chintakayala Vijay concludes
AP minister Roja appointed as a member in Sports Authority Of India
Latest bulletin on Tarakaratna health released by Narayana Hrudayalaya
..more