/

ఏడాదిలో అమ్మిందే రూ. 350 కోట్లు.. ఇక డాక్టర్లకు వెయ్యి కోట్లు ఎలా ఖర్చు చేస్తామంటున్న 'డోలో 650' సంస్థ

20-08-2022 Sat 12:23
Dolo 650 makers rubbishes allegations of spending Rs 1000 crore as freebies on doctors

కరోనా మహమ్మారి సమయంలో వైరస్ బాధితులకు పారాసెటమాల్ డ్రగ్ ‘డోలో 650’ మాత్రను సిఫారసు చేసినందుకు గాను వైద్యులకు దాదాపు వెయ్యి కోట్ల రూపాయలు నజరానాగా ఇచ్చారనే వార్తలపై ఆ కంపెనీ స్పందించింది. ‘డోలో’ తయారుదారు మైక్రో ల్యాబ్స్ లిమిటెడ్ కమ్యూనికేషన్స్ వైస్ ప్రెసిడెంట్ జయరాజ్ గోవిందరాజు ఈ ఆరోపణలను నిరాధారం అని ఖండించారు.
 
డోలో-650 మాత్రను రాసేందుకు తయారీదారులు డాక్టర్లకు రూ.1000 కోట్ల తాయిలాలు ఇచ్చారని, దీనిపై చర్యలు తీసుకోవాలని కోరుతూ ఫెడరేషన్ ఆఫ్ మెడికల్ అండ్ సేల్స్ రిప్రజెంటేటివ్స్ అసోసియేషన్ ఆఫ్ ఇండియా సుప్రీంకోర్టులో పిటిషన్ దాఖలు చేసింది. దీనిపై విచారణ చేపట్టిన జస్టిస్ డీవై చంద్రచూడ్, జస్టిస్ ఏఎస్ బోపన్నలతో కూడిన ధర్మాసనం ఇది తీవ్రంగా పరిగణించాల్సిన విషయమని అభిప్రాయపడింది. ఈ వ్యవహారంలో కేంద్రం తన స్పందనను 10 రోజుల్లోగా తెలియజేయాలని సుప్రీం ధర్మాసనం ఆదేశించింది. 

ఈ విషయంపై జయరాజ్ గోవిందరాజు మాట్లాడుతూ.. ‘కోవిడ్ టైమ్ లో డోలో 650 కోసం మేము రూ. 1,000 కోట్లు ఖర్చు చేశామనడంలో వాస్తవం లేదు. ఎందుకంటే గత సంవత్సరంలో అత్యధికంగా అమ్ముడైన ఈ బ్రాండ్ ద్వారా మాకు రూ. 350 కోట్లు వచ్చాయి. అలాంటిది దీనికి కోసం మేం వెయ్యి కోట్లు ఎలా ఖర్చు చేస్తాం? మేమే కాదు ఏ కంపెనీ కూడా ఒక బ్రాండ్ కోసం అంత మొత్తాన్ని ఖర్చు చేయదు’ అని స్పష్టం చేశారు. వెయ్యి కోట్ల మొత్తం అనేది తమ కంపెనీ గత కొన్ని సంవత్సరాలుగా మార్కెటింగ్ కోసం చేసిన ఖర్చు అన్నారు. డోలో 650 తో పాటు అన్ని రకాల పారాసెటమాల్ మాత్రల ధరలు నియంత్రణలోనే ఉన్నాయని పేర్కొన్నారు. 

డోలో 650 మాత్రం దశాబ్దానికిపైగా ప్రసిద్ధ, విశ్వసనీయ బ్రాండ్ గా మార్కెట్ లో బ్రాండ్ లీడర్‌గా ఉందని ఆయన అన్నారు. కరోనా సమయంలో ట్రీట్‌మెంట్ ప్రోటోకాల్ ప్రకారం జ్వరాన్ని తగ్గించే మాత్రగా డోలో 650 మరింత ప్రాచుర్యం పొందిందని అభిప్రాయపడ్డారు. కేవలం డోలో మాత్రలు మాత్రమే కాకుండా విటమిన్ సి, జింక్ మాత్రలను కూడా కోవిడ్ కాలంలో విస్తృతంగా ఉపయోగించారని చెప్పారు. తమ కంపెనీపై ఇప్పటిదాకా ఎలాంటి ఎఫ్‌ఐఆర్ కాపీ తమకు అందలేదని చెప్పారు. సుప్రీంకోర్టులో వ్యాజ్యం విషయంలో ఏదైనా వివరణ ఇవ్వమని అడిగితే, డేటాను అందించడానికి తాము సిద్ధంగా ఉన్నామని ప్రకటించారు.

వాట్సాప్ గ్రూప్ లో షేర్ చేయండి
..ఇది కూడా చదవండి
ఇవి చేసి చూడండి.. కంటి చూపులో మార్పు కనిపిస్తుంది!
  • కను రెప్పలు కొట్టడం, కళ్లను మూసి తెరవడం చేయాలి
  • క్లాక్ వైజ్ లో కనుగుడ్లను తిప్పడం కూడా వ్యాయామమే
  • రెండు చేతులు రబ్ చేసి వేడెక్కిన తర్వాత కళ్లపై పెట్టుకోవాలి

ap7am

..ఇది కూడా చదవండి
రాత్రి భోజనం ఆలస్యం చేస్తే ఆరోగ్య సమస్యల ముప్పు!
  • డిన్నర్ కు, నిద్రకు మధ్య 4 గంటలు, అంతకంటే ఎక్కువ వ్యవధి ఉండాలి
  • 3 గంటలు, ఆ లోపు విరామంతో నిద్రిస్తే జీఈఆర్డీ రిస్క్ 
  • న్యూరాలజిస్ట్ డాక్టర్ సుధీర్ కుమార్ ట్వీట్

..ఇది కూడా చదవండి
ఈ సంకేతాలు కనిపిస్తే రక్త నాళాల్లో క్లాట్లు ఉన్నట్టే!
  • ధమనుల్లో రక్తం గడ్డకడితే హార్ట్ ఎటాక్, బ్రెయిన్ స్ట్రోక్ ముప్పు
  • సంకేతాలు కనిపిస్తే వెంటనే అప్రమత్తం కావాల్సిందే
  • చర్మంపై బ్లూ, ఎరుపు రంగులో, వాపు కనిపిస్తే వైద్యులను సంప్రదించాలి


More Latest News
Mandouse weakened into cyclonic storm
KCR tells BRS party slogan
CPI Narayana criticizes YCP govt over Kadapa steel plant
Ambati Rambabu counters Pawan Kalyan remarks
Sharmila lifted from hunger strike
YS Sharmil hunger strike
Chandrababu says he must return Dulhan scheme if TDP won the elections
Kuldeep Yadav returns BCCI names revised squad for 3rd ODI vs Bangladesh after Rohit Chahar Sen ruled out out
KCR connection with Telangana ended says Etela Rajender
 ways to improve your eye sight naturally
TRS became BRS
UPI single block multiple debit facility coming soon How it will help you
Is that an animal or a person Anand Mahindra post will leave you thoroughly amazed Watch
KCR lays foundation to express metro
Inflation pushes up cost of Irani chai to Rs 20
..more