తమిళనాడు బీజేపీలో చిచ్చు రేపిన ‘చెప్పు’.. పార్టీకి గుడ్‌బై చెప్పిన మధురై చీఫ్

15-08-2022 Mon 11:21
BJP expels its Madurai chief day after party workers hurled slippers at DMK minister

తమిళనాడు మంత్రి పళనివేల్ త్యాగరాజన్‌ వాహనంపై బీజేపీ కార్యకర్తలు చెప్పు విసిరిన ఘటన కాషాయ పార్టీలో కలకలానికి కారణమైంది. మంత్రి వాహనంపై కార్యకర్తలు చెప్పు విసరడంతో తీవ్ర మనస్తాపానికి గురైన మధురై నగర బీజేపీ అధ్యక్షుడు డాక్టర్ శరవణన్ పార్టీని వీడుతున్నట్టు ప్రకటించారు. అసెంబ్లీ ఎన్నికలకు ముందు బీజేపీలో చేరిన ఆయన మధురై నుంచి పోటీ చేసి ఓటమి పాలయ్యారు. ఆ తర్వాత ఆయనను పార్టీ మధురై నగర పార్టీ అధ్యక్షుడిగా అధిష్ఠానం నియమించింది. తాజాగా, ఆయన పార్టీని వీడుతున్నట్టు ప్రకటించి బీజేపీలో చర్చకు తెరలేపారు.

జమ్మూకశ్మీర్‌లోని రాజౌరిలో జరిగిన ఎన్‌కౌంటర్‌లో మధురైకి చెందిన రైఫిల్‌మ్యాన్ డి.లక్ష్మణ్ అమరుడయ్యారు. ఆయనకు నివాళులు అర్పించేందుకు మంత్రి త్యాగరాజన్ వెళ్లారు. అదే కార్యక్రమంలో పాల్గొనేందుకు బీజేపీ తమిళనాడు అధ్యక్షుడు కె. అన్నామలై కూడా వస్తున్న విషయం తెలుసుకున్న బీజేపీ కార్యకర్తలు పెద్ద ఎత్తున తరలివచ్చారు. అయితే, మిలటరీ ప్రొటోకాల్ ప్రకారం ఈ కార్యక్రమంలో కలెక్టర్, ఇతర అధికారులు మాత్రమే భాగం కావాలని, లేకపోతే ప్రొటోకాల్ ఉల్లంఘించినట్టు అవుతుందని మంత్రి పేర్కొన్నారు. 

మంత్రి ఆదేశాలతో అక్కడికొచ్చిన జనాన్ని తరలించేందుకు పోలీసులు ప్రయత్నించారు. అదే సమయంలో బీజేపీ కార్యకర్తలను కూడా అక్కడి నుంచి తరలించాలని మంత్రి ఆదేశించినట్టు వార్త గుప్పుమంది. దీంతో వారంతా ఆగ్రహం వ్యక్తం చేస్తూ మంత్రికి వ్యతిరేకంగా నినాదాలు చేశారు. అమరుడు లక్ష్మణ్‌కు మంత్రి నివాళులు అర్పించి తిరిగి వెళ్తుండగా ఆయన వాహనంపైకి చెప్పు విసిరారు. దీంతో అప్రమత్తమైన పోలీసులు ఐదుగురు బీజేపీ కార్యకర్తలను అదుపులోకి తీసుకున్నారు.

మంత్రిపై బీజేపీ నేతలు వ్యవహరించిన తీరుతో మనస్తాపం చెందిన శరవణన్ మంత్రి త్యాగరాజన్‌కు క్షమాపణలు చెప్పాలని నిర్ణయించారు. అర్ధరాత్రి వేళ మంత్రిని కలిసి, సారీ చెప్పారు. అంతటితో ఆగకుండా సొంతపార్టీపై తీవ్ర విమర్శలు చేశారు. బీజేపీ మతతత్వ పార్టీ అని నిప్పులు చెరిగారు. పార్టీకి రాజీనామా చేస్తున్నట్టు ప్రకటించారు. మరోవైపు, సొంతపార్టీపైనే తీవ్ర విమర్శలు చేసిన శరవణన్‌ను పార్టీ నుంచి తప్పిస్తున్నట్టు తమిళనాడు బీజేపీ చీఫ్ అన్నామలై పేర్కొన్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
పదవీ విరమణ చేసిన తర్వాతే నాకు స్వాతంత్ర్యం వచ్చినట్టు అనిపిస్తోంది: వెంకయ్యనాయుడు
  • ఇటీవల భారత ఉపరాష్ట్రపతిగా వెంకయ్య పదవీవిరమణ
  • నెల్లూరులో ఆత్మీయ అభినందన సభ
  • హాజరైన వెంకయ్యనాయుడు, లోక్ సభ స్పీకర్ బిర్లా
  • తనకు అన్ని పార్టీల నేతలతో సత్సంబంధాలు ఉన్నాయన్న వెంకయ్య

ap7am

..ఇది కూడా చదవండి
బండి సంజయ్ ఐదో విడత పాదయాత్ర వాయిదా
  • మునుగోడు ఉప ఎన్నికకు షెడ్యూల్ విడుదల
  • ఉప ఎన్నికపై ఫోకస్ చేయనున్న బండి సంజయ్
  • రేపటి నుంచి మునుగోడులో మకాం వేయనున్న బీజేపీ కీలక నేతలు

..ఇది కూడా చదవండి
గుజరాత్‌లో కేజ్రీవాల్‌కు దక్కేవి రెండు సీట్లేనట: ఏబీపీ న్యూస్-సీఓటర్ సర్వే
  • డిసెంబరులో గుజరాత్ అసెంబ్లీ ఎన్నికలు
  • వరుసగా ఏడోసారి కూడా బీజేపీదే విజయమన్న ఒపీనియన్ పోల్
  • ఎన్నికల్లో ఆప్ ప్రభావం ఉంటుందని తేల్చిన వైనం
  • కాంగ్రెస్‌కు గరిష్ఠంగా 44 స్థానాల వరకు వచ్చే అవకాశం ఉందని అంచనా
  • బీజేపీకి మాత్రం 143 స్థానాలు వస్తాయంటున్న ఒపీనియన్ పోల్


More Latest News
SP Balu statue removed in Guntur
Vitamin C helps shiny skin
CBI arrests Russian national in JEE software tampering issue
Bumrah ruled out of T20 World Cup
New menu in Airindia domestic planes
National Green Tribunal imposes huge penalty on Telangana govt
KA Paul starts indefinite hunger strike
AP CM Jagan conveys best wishes in advance for Vijaya Dashami
Venkaih Naidu visits Nellore along with Lok Sabha speaker Om Birla
Chiranjeevi God Father title song out now
Dasara lyrical song released
Hyderabad man set his bike on fire after police stopped him
Team India rested Kohli and KL Rahul
More flood water towards Vijayawada Prakasam Barrage
Royal Enfield September sales up by 145 percent
..more