కడుపుబ్బరంతో బాధపడుతున్నారా.. ఈ 12 ఆహార పదార్థాలతో ఉపశమనం ఉంటుందంటున్న నిపుణులు

13-08-2022 Sat 16:36
These 12 foods helps to reduce stomuch bloating

కడుపుబ్బరం.. ఇటీవలి కాలంలో దాదాపు ప్రతి ఒక్కరూ ఎదుర్కొంటున్న సమస్య. కడుపు ఉబ్బిపోయి నిలబడ్డా, కూర్చున్నా ఇబ్బంది పడే పరిస్థితి. ఒక్కోసారి ఊపిరి కూడా సరిగా ఆడదు. ఫాస్ట్ ఫుడ్ వినియోగం పెరగడం, నిద్ర సరిగా లేకపోవడం, వేళతప్పి వేళకు తినడం, మసాలా ఎక్కువగా ఉండే ఆహారం.. ఇలా ఏదైతే ఏం.. చాలా మంది కడుపు ఉబ్బరం, ఆహారం సరిగా జీర్ణం కాకపోవడం వంటి సమస్యలతో బాధపడుతున్నారు. మనం తినే ఆహార పదార్థాలు కడుపుబ్బరంపై ప్రభావం చూపుతాయని నిపుణులు చెబుతున్నారు. ముఖ్యంగా 12 రకాల ఆహార పదార్థాలు కడుపుబ్బరాన్ని తగ్గించగలవని వివరిస్తున్నారు.

దోసకాయలు
దోసకాయల్లో నీటి శాతం ఎక్కువ. కొన్ని రకాల పోషకాలు ఎక్కువ. దోసకాయలను మన ఆహారంలో చేర్చుకుంటే.. జీర్ణ శక్తి మెరుగవుతుందని, కడుపుబ్బరం తగ్గుతుందని నిపుణులు చెబుతున్నారు. ఇక మలబద్ధకం కడుపుబ్బరానికి కారణం అవుతుందని, దోసకాయలు ఈ సమస్యను తగ్గించగలవని వివరిస్తున్నారు.

అల్లం
  మన జీర్ణ వ్యవస్థకు అత్యంత మేలు చేసే ఆహార పదార్థాల్లో అల్లం ఒకటని నిపుణులు చెబుతున్నారు. దానికి ఉన్న యాంటీ ఇన్ ఫ్లమేటరీ లక్షణాలు, అల్లంలోని జింజిబైన్ అనే ఎంజైమ్ జీర్ణశక్తిని మెరుగుపర్చుతాయని వివరిస్తున్నారు. అందువల్ల వంటల్లో, డ్రింక్స్ లో అల్లంను చేర్చుకోవాలని సూచిస్తున్నారు.

అరటి పండ్లు
అరటి పండ్లలో ఫైబర్ తోపాటు పొటాషియం ఎక్కువ. తరచూ కడుపు ఉబ్బరంతో బాధపడుతున్న వారికి ఈ రెండూ మంచి ఉపశమనం కలిగిస్తాయని నిపుణులు చెబుతున్నారు. రోజూ అరటి పండ్లను తినడం వల్ల జీర్ణ శక్తి కూడా మెరుగవుతుందని అంటున్నారు.

పెరుగు
మంచి ప్రోబయాటిక్ ఆహారంలో పెరుగు కీలకమైనది. దీనిలోని ప్రోబయాటిక్స్ మన జీర్ణ వ్యవస్థలోని మంచి బ్యాక్టీరియా ఎదుగుదలకు తోడ్పడుతాయి. ఇది జీర్ణ శక్తి పెరిగి కడుపుబ్బరాన్ని తగ్గించేందుకు తోడ్పడుతుందని చెబుతున్నారు.

ఓట్స్
  ఆహారం ఏదైనా ఫైబర్ శాతం ఎక్కువగా ఉండటం జీర్ణ వ్యవస్థకు మేలు చేస్తుందని.. ఓట్స్ లో ఉండే అధిక ఫైబర్ బాగా పనిచేస్తుందని నిపుణులు చెబుతున్నారు. జీర్ణ వ్యవస్థలోని వివిధ భాగాల్లో ఆహారం ఆగిపోకుండా.. వేగంగా క్లియర్ కావడానికి ఫైబర్ దోహదం చేస్తుందని వివరిస్తున్నారు.

గ్రీన్ టీ
శరీరంలో జీవ క్రియలు సమర్థవంతంగా కొనసాగడానికి గ్రీన్ టీ దోహదం చేస్తుంది. జీవ క్రియలు సమర్థవంతంగా కొనసాగడమంటే.. ఆహారం కూడా బాగా జీర్ణమవుతుందని నిపుణులు వివరిస్తున్నారు. గ్రీన్ టీ తాగడం వల్ల కడుపు ఉబ్బరానికి ఉపశమనం లభిస్తుందని చెబుతున్నారు.

టమాటాలు
 కడుపు ఉబ్బరాన్ని తగ్గించే ఉత్తమ ఆహార పదార్థాల్లో టామాటాలు ఒకటని పోషకాహార నిపుణులు చెబుతున్నారు. ఇందులోని లైకోపీన్ అనే యాంటీ ఆక్సిడెంట్.. నేరుగా జీర్ణ వ్యవస్థను మెరుగు పర్చుతుందని అంటున్నారు.

నిమ్మ జాతి పండ్లు
నారింజ, నిమ్మ, బత్తాయి వంటి సిట్రస్ జాతి పండ్లు కడుపు ఉబ్బరాన్ని తగ్గించేందుకు దోహదపడతాయని నిపుణులు వివరిస్తున్నారు. వీటిలో పెద్ద సంఖ్యలో ఉండే పోషకాలు మంచి జీర్ణశక్తికి తోడ్పడతాయని అంటున్నారు.

గ్రీన్ లీఫీ వెజిటబుల్స్
  పాల కూర, క్యాబేజీ, లెట్యూస్ వంటి వాటిలో ఫైబర్, పలు రకాల పోషకాలు ఎక్కువగా ఉంటాయని.. అవి జీర్ణ వ్యవస్థలో ఇబ్బందులను పోగొట్టి, కడుపుబ్బరాన్ని తగ్గిస్తాయని నిపుణులు వెల్లడిస్తున్నారు.

పుచ్చకాయ
దోసకాయల తరహాలోనే పుచ్చకాయల్లో కూడా కొన్ని రకాల పోషకాలు, నీటి శాతం ఎక్కువ. అంతేగాకుండా వీటిలో లైకోపీన్ యాంటీ ఆక్సిడెంట్ ఉంటుంది. ఇవి జీర్ణశక్తిని మెరుగుపర్చుతాయి.

స్ట్రాబెర్రీ, బ్లూబెర్రీస్
  స్ట్రాబెర్రీలు, బ్లూ బెర్రీస్ తోపాటు ఇతర బెర్రీ జాతికి చెందిన పండ్లు యాంటీ ఆక్సిడెంట్లకు నిలయమని.. అవి కడుపు ఉబ్బరాన్ని సమర్థవంతంగా తగ్గిస్తాయని నిపుణులు చెబుతున్నారు. వీలైతే వాటిని రోజూ కొంత మేర ఆహారంలో చేర్చుకోవాలని సూచిస్తున్నారు.

పప్పు ధాన్యాలు
పప్పు ధాన్యాల్లో ఫైబర్ ఎక్కువగా ఉంటుందని, అది జీర్ణశక్తి మెరుగుపడేందుకు తోడ్పడుతుందని నిపుణులు చెబుతున్నారు. అయితే బాగా రిఫైన్ చేసిన, పైపొర తొలగించి పాలిష్ చేసినవాటి కంటే.. ముడి పప్పు ధాన్యాలతో ప్రయోజనం ఎక్కువని స్పష్టం చేస్తున్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
తెలుగులో రాగులు.... ఇంగ్లీషులో ఫింగర్ మిల్లెట్స్... లాభాలేంటో చూద్దాం!
  • ఎంతో చవకగా లభించే రాగులు
  • రాగుల్లో సమృద్ధిగా పోషకాలు
  • కీలకమైన అమైనో ఆమ్లాలకు కేరాఫ్ అడ్రస్ రాగులు
  • అన్ని వయసుల వారికి ఉపయుక్తమైన ఆహారం
  • తృణధాన్యాల్లో ప్రముఖమైనవి రాగులు

ap7am

..ఇది కూడా చదవండి
సీపీఆర్ చేయడం తెలిస్తే.. ప్రతి పదిమంది రోగుల్లో ఏడుగురిని కాపాడొచ్చు!
  • దీని కారణంగా దేశంలో ఏటా 20 లక్షల మంది బలి
  • రక్త సరఫరా ఆగిపోతే మూడు నిమిషాల్లో మెదడు డెడ్
  • కార్డియాక్ అరెస్ట్, గుండె పోటు వేర్వేరు

..ఇది కూడా చదవండి
కరోనా బారినపడిన పిల్లలకు డయాబెటిస్ ముప్పు: తాజా అధ్యయనంలో వెల్లడి
  • 13 దేశాల్లో 10 లక్షల మంది పిల్లలపై అధ్యయనం
  • కొవిడ్ సోకని పిల్లలతో పోలిస్తే సోకిన వారిలో 73 శాతం అధికముప్పు
  • కరోనా సోకిన ఆరు నెలల్లోపే మధుమేహం బారినపడుతున్న చిన్నారులు


More Latest News
Global recession ahead warns WTO chief
Kalwakuntla Kavitha participated in Bathukamma celebrations at telangana bhavan
Cinema theaters number decreases in India as the number raise in China
ed officials interrogates manchireddy kishan reddy for 9 hours
ECB shows keen interest to host test series between Team India and Pakistan
Modi improving medical infrastructure says amit shah
TDP sacked two state secretaries from the posts
Indian billionaire Gautam Adani slips to third spot in Bloomberg index
ap bags times of india award
cbi arrests Only Much Louder ceo vijay nair in delhi liquor scam
CM Jagan at Tirumala Temple
ts high court orders ed to detach1416 acres of vanpic lands
PM Modi pays tributes to Shinzo Abe
team india t20 series with south africa starts fromtomorrow
heavy rains for three days in Telangana
..more