మరో చారిత్రక కనిష్ఠానికి రూపాయి.. ఎలక్ట్రానిక్ వస్తువులు, నూనెల ధరలు పెరిగే చాన్స్!

14-07-2022 Thu 17:17
Rupee to another historic low Chances of price increase of electronic goods and oil

డాలర్ తో పోలిస్తే రూపాయి మారకం విలువ ఏకంగా రూ.79.90 పైసలకు పడిపోయింది. ముందటి నుంచీ రూ.80 వరకు పడిపోవచ్చన్న అంచనాలకు అనుగుణంగానే రూపాయి పతనం కొనసాగుతోంది. గురువారం డాలర్ తో మారకం విలువ రూ.79.72 పైసల వద్ద ప్రారంభం కాగా.. ఒక దశలో 79.92 పైసల వరకు పడిపోయింది. చివరికి రూ.79.90 పైసల వద్ద ముగిసింది. నిజానికి చమురు ధరలు తగ్గడం కొంత వరకు రూపాయి పతనాన్ని అడ్డుకున్నాయని, లేకుంటే మరింతగా పడిపోయేదని ఆర్థిక వేత్తలు అంటున్నారు. చమురు ధర గురువారం 2.2 శాతం పడిపోయి.. 97.38 డాలర్లకు చేరిందని వివరించారు.

ఆరు నెలల్లో 27 సార్లు పతనం
ఉక్రెయిన్ యుద్ధం మొదలైనప్పటి నుంచి ఇప్పటివరకు రూపాయి 27 సార్లు పతనమైనట్టు ఆర్థిక నిపుణులు తెలిపారు. ఉక్రెయిన్ యుద్ధానికి ముందు డాలర్ తో రూపాయి మారకం విలువ రూ.74కు కాస్త అటూ ఇటుగా కొనసాగగా.. ప్రస్తుతం రూ.80కి చేరువలోకి వచ్చింది. అంటే సుమారు 9.1శాతం పడిపోయిందని నిపుణులు చెబుతున్నారు.  

దిగుమతులపై మరింత భారం
భారతదేశం చమురుతోపాటు ఎలక్ట్రానిక్ పరికరాలు, వంట నూనెలను భారీగా దిగుమతి చేసుకుంటుంది. వాటన్నింటికీ డాలర్లలోనే చెల్లింపులు చేయాల్సి ఉంటుంది. ప్రస్తుతం డాలర్ తో రూపాయి మారకం పడిపోవడంతో.. మరిన్ని ఎక్కువ రూపాయలు ఖర్చు కానున్నాయి. దీనితో ఆయా ఉత్పత్తుల ధరలపై ప్రభావం పడే అవకాశం ఉందని ఆర్థిక నిపుణులు అంటున్నారు. ముఖ్యంగా ఎలక్ట్రానిక్ పరికరాలు, వంట నూనెలు, ప్యాకేజ్ చేసిన ఆహార పదార్థాలు, విదేశీ ప్రయాణాలు, విదేశీ విద్య వంటి వాటికి ఎక్కువగా ఖర్చవుతుందని వివరిస్తున్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
వరుసగా రెండో రోజూ జీవితకాల గరిష్ఠాలను నమోదు చేసిన స్టాక్ మార్కెట్లు
  • వరుసగా నాలుగో రోజు మార్కెట్లకు లాభాలు
  • 21 పాయింట్లు పెరిగిన సెన్సెక్స్
  • 29 పాయింట్లు లాభపడ్డ నిఫ్టీ

ap7am

..ఇది కూడా చదవండి
ఈ కారు ప్రారంభ ధర రూ.4.22 కోట్లు... భారత్ లో కొత్త మోడల్ తెచ్చిన లాంబోర్ఘిని
  • సూపర్ స్పోర్ట్స్ కార్లకు ప్రసిద్ధి చెందిన లాంబోర్ఘిని
  • భారత్ లోనూ మార్కెట్ పెంచుకుంటున్న ఇటలీ దిగ్గజం
  • సెలెబ్రిటీలకు ఇష్టమైన కారుగా గుర్తింపు
  • తాజాగా పెర్ఫార్మెంటే ఎస్ యూవీని లాంచ్ చేసిన ఉరుస్

..ఇది కూడా చదవండి
వేతన సీలింగ్ సవరణకు ఈపీఎఫ్‌వో రెడీ.. 75 లక్షల మందికి స్వీట్ న్యూస్!
  • వేతన పరిమితిని రూ.15 వేల నుంచి రూ. 21 వేలకు పెంచే యోచన
  • పెరగనున్న ఉద్యోగులు, యజమానులు చెల్లించే వాటా
  • రిటైర్మెంట్ సమయంలో పెద్దమొత్తంలో ఉద్యోగుల చేతికి సొమ్ము


More Latest News
Nellore TDP in charge Kotamreddy hit Srinivas with a car
Paramilitary Personnel On Gujarat Election Duty Shoots 2 Colleagues Dead
problems with vitamin b 12 deficiency are inevitable
AP Minister Gudivada Amarnath Told AP Ruling From Visakha Soon
40 Pilgrims Rescued After Boat Capsizes In Varanasi
Anti Covid protests flare up in Xinjiang
Rain Stops Play India Kiwis Second One day
Rishi Sunak to restrict number of foreign students in UK to control migration
SC order to pay remuneration to imams is in violation of Constitution says CIC
Kiwis Won the toss and opt bowl first in 2nd One Day
6 Naxals killed in encounter with security forces in Chhattisgarhs Bijapur
American media story on Rajamouli
Imran Khan attends first rally after attack
Pawan Kalyan met Thutpu Kapu leaders
CM KCR congratulates Skyroot Aerospace and Dhruva Space Tech startups
..more