ఇక్కడ రాక్షసుడైనా .. భగవంతుడైనా ఈ బింబిసారుడు ఒక్కడే: ట్రైలర్ రిలీజ్

04-07-2022 Mon 18:33 | Entertainment

'బింబిసార'గా కనిపించనున్న కల్యాణ్ రామ్
సొంత బ్యానర్లో నిర్మితమైన భారీ బడ్జెట్ సినిమా
సంగీత దర్శకుడిగా చిరంతన్ భట్
ఆగస్టు 5వ తేదీన సినిమా విడుదల

కల్యాణ్ రామ్ హీరోగా 'బింబిసార' రూపొందింది. తన సొంత బ్యానర్లో కల్యాణ్ రామ్ నిర్మించిన ఈ సినిమాకి మల్లిడి వశిష్ఠ దర్శకత్వం వహించాడు. ఈ సినిమాకి చిరంతన్ భట్ స్వరాలను సమకూర్చగా, నేపథ్య సంగీతాన్ని కీరవాణి అందించారు. కొంతసేపటి క్రితం ఈ సినిమా నుంచి ట్రైలర్ ను రిలీజ్ చేశారు.

"వర్తమానంలోను .. గతంలోను ఈ కథ నడుస్తుందనే విషయం ట్రైలర్ ను బట్టి అర్థమవుతోంది. 'బింబిసార' ధోరణి ఎలా ఉండేది .. ఆయన కాలంతో ముడిపడిన నిధిని ఈ కాలంలో చేజిక్కించుకోవాలనుకున్న వారికి ఎలాంటి పరిస్థితులు ఎదురయ్యాయి? అనేదే ప్రధానమైన కథగా కనిపిస్తోంది.

'ఇక్కడ రాక్షసుడైనా .. భగవంతుడైనా ఈ బింబిసారుడు ఒక్కడే' అనే డైలాగ్, ఈ సినిమాలో ఆయన పాత్ర ఎంత పవర్ఫుల్ అనే విషయాన్ని స్పష్టం చేస్తున్నాయి. ప్రకాశ్ రాజ్ .. వెన్నెల కిశోర్ ముఖ్యమైన పాత్రలలో కనిపించనున్నారు. కేథరిన్ .. సంయుక్త మీనన్ కథానాయికలుగా నటించిన ఈ సినిమా, ఆగస్టు 5వ తేదీన విడుదల చేయనున్నారు

వాట్సాప్ గ్రూప్ లో షేర్ చేయండి

..ఇది కూడా చదవండి

వైభవంగా నటి పూజాహెగ్డే సోదరుడి వివాహం.. ఎప్పుడూ లేనంత సంతోషంగా ఉందంటూ పోస్ట్!