ప్రపంచ అతిపెద్ద చాకొలేట్ తయారీ కర్మాగారంలో బ్యాక్టీరియా కలకలం

30-06-2022 Thu 15:53
Salmonella bacteria found in World largest chocolate factory in Belgium

స్విట్జర్లాండ్ కు చెందిన దిగ్గజ చాక్లెట్ తయారీ సంస్థ బారీ కాలెబాట్ కు బెల్జియం దేశంలోని వీజ్ పట్టణంలో ప్రపంచంలోనే అతిపెద్ద చాక్లెట్ తయారీ కర్మాగారం ఉంది. అయతే, ఈ ఫ్యాక్టరీలో బ్యాక్టీరియా కలకలం రేగింది. ప్రమాదకర బ్యాక్టీరియా సాల్మొనెల్లా ఆనవాళ్లు గుర్తించడంతో ఈ భారీ చాక్లెట్ ఫ్యాక్టరీని మూసివేశారు. 

దీనిపై బారీ కాలెబాట్ ప్రతినిధి కొర్నీల్ వార్లాప్ స్పందిస్తూ, ప్రస్తుతం కర్మాగారంలో ఉత్పత్తి నిలిపివేశామని వెల్లడించారు. బ్యాక్టీరియా కలుషిత చాక్లెట్ పదార్థాన్ని అందుకున్న తమ వినియోగదారులను ఇప్పటికే సంప్రదించామని, తదుపరి ప్రకటన చేసేంతవరకు వీజ్ పట్టణంలో చాక్లెట్ తయారీ నిలిపివేశామని వార్లాప్ వివరించారు. 

అయితే, బ్యాక్టీరియా ఆనవాళ్లు గుర్తించిన చాక్లెట్ పదార్థంలో అత్యధిక భాగం వీజ్ లోని తమ ప్లాంట్ లోనే ఉందని వెల్లడించారు. ముందు జాగ్రత్తగా తమ కస్టమర్ సంస్థలను అప్రమత్తం చేశామని, జూన్ 25 నుంచి అందిన సరుకుతో తయారైన చాక్లెట్ ఉత్పత్తులను ఎగుమతి చేయొద్దని సూచించామని తెలిపారు.

ఈ విశాలమైన యూనిట్ లో ద్రవరూప చాక్లెట్ ను ఉత్పత్తి చేస్తారు. వివిధ రూపాల్లో చాక్లెట్లు తయారుచేసే 73 కంపెనీలకు ఈ ద్రవరూప చాక్లెట్ ను సరఫరా చేస్తారు. అయితే, ఈ సంస్థ నుంచి లిక్విడ్ చాక్లెట్ అందుకున్న ఫెర్రెరో ఫ్యాక్టరీలో పెద్ద సంఖ్యలో చాక్లెట్లలో సాల్మొనెల్లా బ్యాక్టీరియాను గుర్తించడంతో ఈ విషయం వెలుగులోకి వచ్చింది. బెల్జియంకు చెందిన ఫెర్రెరో సంస్థ కిండర్ బ్రాండ్ తో చాక్లెట్లు తయారుచేస్తుంది. 

తాజాగా సాల్మోనెల్లా బ్యాక్టీరియా వెలుగుచూసిన నేపథ్యంలో, ఇటీవల కాలంలో సరఫరా చేసిన చాక్లెట్ ను, తయారైన అనుబంధ ఉత్పత్తులను ఎక్కడికక్కడ నిలిపివేశారు. బారీ కాలెబాట్ సంస్థ నుంచి ద్రవరూప చాక్లెట్ ను అనేక దిగ్గజ సంస్థలు కొనుగోలు చేస్తుంటాయి. వాటిలో నెస్లే, హెర్షీ, మాండెలజ్ వంటి కంపెనీలు ఉన్నాయి. 

2020-21 సీజన్ లో 2.2 మిలియన్ టన్నుల చాక్లెట్ విక్రయంతో బారీ కాలెబాట్ ఈ రంగంలో ప్రపంచంలోనే అగ్రగామిగా ఉంది. ఈ సంస్థకు ప్రపంచవ్యాప్తంగా 60 ఉత్పాదక కేంద్రాలు ఉండగా, 13 వేల మంది ఉద్యోగులు ఉన్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
భారీ నష్టాల్లో ముగిసిన మార్కెట్లు
  • 638 పాయింట్లు నష్టపోయిన సెన్సెక్స్
  • 207 పాయింట్లు కోల్పోయిన నిఫ్టీ
  • 3 శాతానికి పైగా నష్టపోయిన మారుతి సుజుకి షేరు విలువ

ap7am

..ఇది కూడా చదవండి
సెప్టెంబరు మాసంలో మారుతి సుజుకి అమ్మకాల రికార్డు
  • గతేడాది సెప్టెంబరుతో పోల్చితే భారీ వృద్ధి
  • 135.10 శాతం అమ్మకాల పెరుగుదల
  • ఈ ఏడాది సెప్టెంబరులో 1.48 లక్షల యూనిట్ల అమ్మకం
  • గతేడాది సెప్టెంబరులో 63 వేల యూనిట్ల విక్రయం

..ఇది కూడా చదవండి
డబ్బు మీ కోసం పనిచేయాలంటే.. మీరు ఇవి చేయాల్సిందే
  • ప్రతి లక్ష్యానికీ విడిగా ప్రణాళిక అవసరం
  • ఆర్జించే మొత్తంలో 40 శాతం పెట్టుబడులకు మళ్లించాలి
  • అత్యవసర నిధి, జీవిత బీమా, రిటైర్మెంట్ కు ప్రాధాన్యం ఇవ్వాలి


More Latest News
Bandla Ganesh Interview
TRS will win in Munugode says Jagadish Reddy
Karnataka man smashes 42 coconuts on heads in a minute with Nunchaku
Prachand Helicopters inducted into Indian Air Force
KCR national party will bring changes in all states says Errabelli
IT companies rejecting offer letters to freshers
Teacher drinking beer while teaching students in UP
markets ends in losses
Nobel Prize in medicine goes to Sweden born Svante Paabo
Praveen Sattharu Interview
CM KCR talks to Akilesh Yadav over Mulayam Singh Yadav health
Roja visits Vizag Swaroopanandrendra peetam
Karnataka man tries to kiss cobra after rescuing it gets bitten
Minister Mutyala Naidu fires on TDP leader Ayyanna Patrudu
Maoists can kill corrupted TRS leaders in 10 minutes says Gone Prakash Rao
..more