జనసేన కొత్త కార్యక్రమం 'జన వాణి'... ప్రజల నుంచి స్వయంగా విజ్ఞప్తులు స్వీకరించనున్న పవన్ కల్యాణ్

28-06-2022 Tue 22:08
Pawan Kalyan will start Jana Vani in Vijayawada

పవన్ కల్యాణ్ నాయకత్వంలోని జనసేన పార్టీ కొత్త కార్యాచరణకు శ్రీకారం చుట్టింది. సామాన్యుడి గళం వినిపించేలా 'జన వాణి' పేరిట వినూత్న కార్యక్రమానికి రూపకల్పన చేసింది. ఇకపై జనసేనాని పవన్ కల్యాణ్ స్వయంగా ప్రజల నుంచి విజ్ఞప్తులు స్వీకరిస్తారు. ఈ కార్యక్రమానికి 'జన వాణి' అని పవన్ కల్యాణ్ నామకరణం చేశారు. 'జన వాణి'లో భాగంగా వచ్చే ఐదు ఆదివారాలు పవన్ కల్యాణ్ ప్రజలకు ప్రత్యక్షంగా అందుబాటులో ఉంటారు. వారి నుంచి వివిధ అంశాలపై అర్జీలు స్వీకరిస్తారు. 

జులై 3న విజయవాడలోని మాకినేని బసవపున్నయ్య ఆడిటోరియంలో తొలి విడత 'జన వాణి' నిర్వహిస్తారు. ఆ తర్వాత రెండో ఆదివారం కూడా విజయవాడలోనే 'జన వాణి' ఉంటుందని జనసేన పార్టీ వెల్లడించింది. ఆపై ఉత్తరాంధ్ర, రాయలసీమ, ఉభయగోదావరి ప్రాంతాల్లో జన వాణి ఉంటుంది. 

కాగా, విజయవాడలో ఉదయం 10 గంటల నుంచి మధ్యాహ్నం 3 గంటల వరకు పవన్ కల్యాణ్ ప్రజలకు అందుబాటులో ఉండనున్నారు. పవన్ కల్యాణ్ స్వీకరించే ప్రతి అర్జీకి రసీదు ఇస్తారు. అంతేకాదు, అదే రోజు సాయంత్రానికి ఆ సమస్యలను సంబంధిత అధికారులకు చేరేట్టు ప్రయత్నిస్తారు. ఆపై, తమ కార్యాలయం నుంచి ఆ అర్జీల పురోగతిని ఫాలో అప్ చేస్తారు. 

రాజకీయాలకు అతీతంగా, సామాన్యుడికి న్యాయం జరిగేలా ఈ కార్యక్రమాన్ని రూపొందించినట్టు జనసేన పార్టీ రాజకీయ వ్యవహారాల కమిటీ చైర్మన్ నాదెండ్ల మనోహర్ వెల్లడించారు. పవన్ తో చెప్పుకుంటే తమకు న్యాయం జరుగుతుందన్న నమ్మకం ప్రజల్లో ఉందని తెలిపారు. ప్రజల విశ్వాసాన్ని బలపరిచే విధంగా ఈ 'జన వాణి' కార్యక్రమాన్ని చేపడుతున్నామని వివరించారు.

..Read this also
జగన్ ను కలిసి థ్యాంక్స్ చెప్పిన నాయీ బ్రాహ్మణులు
  • నాయీబ్రాహ్మణులను కించపరిచే పదాలపై నిషేధం విధించిన ఏపీ ప్రభుత్వం
  • నిషేధిత పదాలు వాడితే చట్టపరమైన చర్యలు తీసుకునేలా ఉత్తర్వులు
  • తమ ఆత్మగౌరవాన్ని కాపాడారంటూ సీఎంకు కృతజ్ఞతలు తెలిపిన నాయీబ్రాహ్మణులు


..Read this also
మహిళలను కించపరిచిన బాలకృష్ణపై చంద్రబాబు ఎందుకు చర్యలు తీసుకోలేదు?: రోజా
  • తమ ప్రభుత్వంపై నారా లోకేశ్ విషం చిమ్ముతున్నారన్న రోజా 
  • రాష్ట్రంలో అభివృద్ధి కనిపించలేదంటే కంటి వైద్యుడిని కలవాలని సలహా 
  • రాష్ట్రంలో మళ్లీ గెలిచేది వైసీపీనేనని మంత్రి ధీమా 

..Read this also
వచ్చే ఆరు నెలల్లో ఏపీలో అందుబాటులోకి 1,600 మెగావాట్ల విద్యుత్
  • ఈ వేసవిలో విద్యుత్ కు అధిక డిమాండ్
  • ఏపీలో తీరనున్న కరెంటు సమస్యలు
  • కృష్ణపట్నం నుంచి 800 మెగావాట్లు
  • ఎన్టీపీఎస్ నుంచి మరో 800 


More Latest News
Nayee Brahmins thanks Jagan
Team India bundled Zimbabwe for 189 runs
Vijayashanti dissatisfaction on BJP leaders
Monkey calls emergency service from zoo
Komatireddy Venkat Reddy to meet Sonia Gandhi
Markets ends in profits
Tourism agreement between Ramoji Film City and IRCTC
Any dieting is better if you follow these seven ideas experts suggest
Why Chandrabadu does not take action on Balakrishna says Roja
More electricity for AP
RTI reveals how much government spent on donald trumps india visit
CID Chief Sunil Kumar press meet over MP Gorantla Madhav issue
India Vs Zimbabwe score card
Madhavan comments on Laal Singh Chadda flop and Rocketry hit
All new Alto K10 launched in India
..more