జీ7లో చర్చలు ఫలవంతమవుతాయని ఆశిస్తున్నా.. జర్మనీలో దిగగానే ప్రధాని మోదీ ట్వీట్​

26-06-2022 Sun 13:34
Looking Forward To fruitful Discussions With G7 Leaders says PM Modi

జీ7 దేశాల అధినేతలతో చర్చలు ఫలవంతంగా సాగుతాయని ఆశిస్తున్నానని ప్రధాన మంత్రి నరేంద్ర మోదీ ఆకాంక్షించారు. ఆదివారం ఆయన ప్రత్యేక విమానంలో జర్మనీలోని మ్యూనిచ్ కు చేరుకున్నారు. ఈ మేరకు మోదీ ట్వీట్ చేశారు. ‘‘జీ7 సదస్సులో పాల్గొనేందుకు ఇప్పుడే జర్మనీలోని మ్యూనిచ్ కు చేరుకున్నా.. సదస్సులో ప్రపంచ దేశాల నేతలతో చర్చలు ఫలవంతమవుతాయని ఆశిస్తున్నా..” అని పేర్కొన్నారు. తన పర్యటనకు సంబంధించిన ఫొటోలను కూడా ట్వీట్ కు జత చేశారు. 

ఎన్నో అంశాలపై చర్చలు..
జర్మనీ చాన్సలర్ ఓలాఫ్ షూల్జ్ ఆహ్వానం మేరకు ప్రధాన మంత్రి నరేంద్ర మోదీ జీ7 దేశాల సదస్సుకు హాజరవుతున్నారు. ఈ నెల 26, 27 తేదీల్లో జరగనున్న ఈ సదస్సులో ప్రపంచ దేశాల నేతలు కలిసి పర్యావరణం, విద్యుత్, ఆహార భద్రత, ఉగ్రవాద నియంత్రణ, లింగ వివక్షను రూపుమాపడం, ప్రజాస్వామ్య పరిరక్షణ అంశాలపై చర్చలు జరపనున్నారు.

ప్రధాని మోదీని ఆహ్వానిస్తూ జర్మనీ రాజధాని బెర్లిన్ లోని భారత రాయబార కార్యాలయం కూడా ట్వీట్ చేసింది. “జీ7 సదస్సు కోసం జర్మనీకి వచ్చిన ప్రధాని నరేంద్ర మోదీకి సాదరంగా ఆహ్వానం పలుకుతున్నాం. జర్మనీలోని భారత సంతతి ప్రజలు కూడా మోదీకి ప్రత్యేకంగా స్వాగతం పలుకుతున్నారు..” అని పేర్కొంది.

కాగా.. జీ7 సదస్సు అనంతరం ఈ నెల 28న ప్రధాని నరేంద్ర మోదీ యునైటెడ్ అరబ్ ఎమిరేట్స్ కు వెళ్లనున్నారు. ఆ దేశ మాజీ అధ్యక్షుడు షేక్ ఖలీఫా బిన్ జాయేద్ కు నివాళి అర్పించనున్నారు.

..Read this also
అమెరికా అధ్యక్షుడు ట్రంప్, ఆయన కుమార్తె ఇవాంక పర్యటనకు భారత ప్రభుత్వం పెట్టిన ఖర్చు ఇదీ..!
  • 2020 ఫిబ్రవరిలో అమెరికా అధ్యక్షుడి హోదాలో పర్యటించిన ట్రంప్
  • ఆయన వెంట వచ్చిన కుమార్తె ఇవాంక, అల్లుడు జేరడ్ కుష్నర్
  • వారి 36 గంటల పర్యటనకు అయిన ఖర్చు సుమారు రూ.38 లక్షలేనన్న కేంద్ర ప్రభుత్వం
  • సమాచార హక్కు చట్టం దరఖాస్తుకు సమాధానంగా వెల్లడి


..Read this also
ఆధునిక లుక్స్ తో వచ్చేసిన మారుతి సరికొత్త ఆల్టో కే10
  • ఎక్స్ షోరూమ్ ఆరంభ ధర రూ.3.99 లక్షలు
  • రూ.11,000తో వెంటనే బుకింగ్ చేసుకునే సదుపాయం
  • ఏడు రకాల వేరియంట్లను అందిస్తున్న సంస్థ
  • కారులోపల, బయటా పలు మార్పులు

..Read this also
బడ్జెట్ ధరలో రియల్ మీ నుంచి 5జీ ఫోన్
  • 4జీ ఫోన్ కు అప్ డేటెడ్ వెర్షన్ విడుదల
  • రూ.14,999 నుంచి ధరలు ప్రారంభం
  • రెండు రకాల వేరియంట్లు
  • ఆరంభంలో రూ.1,000 డిస్కౌంట్


More Latest News
Elephant returns shoe that fell in enclosure
Hadi Matar would not believe Salman Rushdie survival from attack
Nayee Brahmins thanks Jagan
Team India bundled Zimbabwe for 189 runs
Vijayashanti dissatisfaction on BJP leaders
Monkey calls emergency service from zoo
Komatireddy Venkat Reddy to meet Sonia Gandhi
Markets ends in profits
Tourism agreement between Ramoji Film City and IRCTC
Any dieting is better if you follow these seven ideas experts suggest
Why Chandrabadu does not take action on Balakrishna says Roja
More electricity for AP
RTI reveals how much government spent on donald trumps india visit
CID Chief Sunil Kumar press meet over MP Gorantla Madhav issue
India Vs Zimbabwe score card
..more