వన్డేల్లో తన వరల్డ్ రికార్డు తానే బద్దలు కొట్టిన ఇంగ్లండ్... నెదర్లాండ్స్ పై 50 ఓవర్లలో 498 పరుగులు

17-06-2022 Fri 19:30
England breaks world record after sensational batting against Nederlands

పసికూన నెదర్లాండ్స్ పై ఇంగ్లండ్ ఆటగాళ్లు ఆకాశమే హద్దుగా చెలరేగిన వేళ వన్డేల్లో వరల్డ్ రికార్డు బద్దలయింది. అంతర్జాతీయ వన్డే క్రికెట్ లో అత్యధిక స్కోరు రికార్డు మరోసారి ఇంగ్లండ్ పేరిట నమోదైంది. ఇవాళ నెదర్లాండ్స్ తో ఆమ్ స్టెల్వీన్ వేదికగా తొలివన్డేలో ఇంగ్లండ్ విశ్వరూపం ప్రదర్శించింది. 50 ఓవర్లలో 4 వికెట్లకు 498 పరుగులు చేసింది. 

గతంలో వన్డేల్లో అత్యధిక స్కోరు రికార్డు ఇంగ్లండ్ పేరిటే ఉంది. 2018లో ఆస్ట్రేలియాపై ఇంగ్లండ్ 50 ఓవర్లలో 481 పరుగులు చేసింది. ఇప్పుడా రికార్డును ఇంగ్లండ్ జట్టు తానే తిరగరాసింది. ఇవాళ ఆమ్ స్టెల్వీన్ లో నెదర్లాండ్స్ పై  జోస్ బట్లర్, డేవిడ్ మలాన్, ఫిలిప్ సాల్ట్ వీరవిహారం చేశారు. 

ఓపెనర్ సాల్ట్ 93 బంతుల్లో 14 ఫోర్లు, 3 సిక్సులతో 122 పరుగులు చేశాడు. డేవిడ్ మలాన్ 109 బంతుల్లో 9 ఫోర్లు, 3 సిక్సులతో 125 పరుగులు నమోదు చేశాడు. ఇక, జోస్ బట్లర్ శివాలెత్తిపోయాడు. నెదర్లాండ్స్ పసికూనల బౌలింగ్ ను ఊచకోత కోశాడు. బట్లర్ కేవలం 70 బంతుల్లోనే 162 పరుగులు చేసి అజేయంగా నిలిచాడు. బట్లర్ స్కోరులో 7 ఫోర్లు, 14 సిక్సులు ఉన్నాయంటే అతడి విధ్వంసం ఏ రీతిలో సాగిందో అర్థం చేసుకోవచ్చు. 

ఇంగ్లండ్ కెప్టెన్ ఇయాన్ మోర్గాన్ (0) డకౌట్ అయినా ఆ ప్రభావం కనిపించలేదు. ఆ తర్వాత బ్యాటింగ్ కు వచ్చిన లియామ్ లివింగ్ స్టోన్ సైతం ప్రత్యర్థి బౌలింగ్ ను ఉతికారేశాడు. లివింగ్ స్టోన్ 22 బంతుల్లో 6 ఫోర్లు, 6 సిక్సులతో 66 పరుగులు చేసి నాటౌట్ గా నిలిచాడు. అంతకుముందు, నెదర్లాండ్స్ టాస్ గెలిచి ఇంగ్లండ్ కు బ్యాటింగ్ అప్పగించగా, ఓపెనర్ జాసన్ రాయ్ ఒక్క పరుగు చేసి అవుటయ్యాడు. 

ఇయాన్ మోర్గాన్ నాయకత్వంలో గత కొన్నేళ్లుగా పరిమిత ఓవర్ల క్రికెట్లో ఇంగ్లండ్ విధ్వంసక శక్తిగా ఎదిగింది. నేటి మ్యాచ్ ఇంగ్లండ్ పవర్ హిట్టింగ్ కు సిసలైన నిదర్శనంలా నిలిచింది.

..Read this also
ఒక రోజు ముందుగానే వస్తున్న ఫుట్​ బాల్​ మెగా టోర్నీ
  • ఖతార్ లో  నవంబర్ 21న మొదలవ్వాల్సిన టోర్నీ
  • నవంబర్ 20నే ప్రారంభిస్తున్నట్టు వెల్లడించిన ఫిఫా
  • ఆరంభ వేడుకలు కూడా ఒక రోజు ముందుకు మార్పు  


..Read this also
అత్యధిక వికెట్ల వీరుడిగా డ్వేన్ బ్రావో రికార్డు
  • టీ20 ల్లో అత్యధికంగా వికెట్లు పడగొట్టిన ఆటగాడిగా బ్రావోకు గుర్తింపు
  • ఓవల్ ఇన్విసిబుల్స్ తో జరిగిన మ్యాచ్ లో ఘనత 
  • బ్రావో ఖాతాలో 600 వికెట్లు 
  • ప్రపంచవ్యాప్తంగా వివిధ లీగ్ లలో ఆడిన నేపథ్యం

..Read this also
ముంబైకి గుడ్‌బై చెప్పేస్తున్న అర్జున్ టెండూల్కర్.. ఇకపై గోవాకు ఆడనున్న సచిన్ తనయుడు
  • ముస్తాక్ అలీ టోర్నీలో రెండే మ్యాచ్‌లు ఆడిన అర్జున్
  • ఐపీఎల్‌లో ముంబై ఇండియన్స్‌కు ఆడినా మైదానంలోకి దిగని సచిన్ తనయుడు
  • అర్జున్ ను ఆహ్వానించామన్న గోవా క్రికెట్ సంఘం


More Latest News
raptadu mla challenge to tdp leader paritala sreeram
Will retire after making Jagadeka Veerudu Athiloka Sundari 2 movie says Ashwini Dutt
Online stalkings on international sports woman from Hyderabad
Nagul Meera fires on Jagan
Rajani in Lokesh kanagaraj
Tejaswi Yadav reveals what his father told when he said about his love
telangana eamcet engineeering counselling starts from 21st of this month
Sita Ramam Movie Update
MP Ragurama Krishna Raju met President Of India Droupadi Murmu
inflation declines and industrial production raises
Over 1 cr national flags sold in 10 days Har Ghar Tiranga
Liger Song Released
Center clarifies on 18 percent GST for tenants
trs munugodu leaders opposes kusukuntla prabhakar reddy candidature for bypoll
..more