జూబ్లీహిల్స్ అత్యాచారం కేసు.. వెలుగులోకి మరిన్ని సంచలన విషయాలు!

05-06-2022 Sun 06:46
Hyderabad minors gang rape Incident happened in the car

జూబ్లీహిల్స్‌లో ఓ బాలికపై జరిగిన సామూహిక అత్యాచారం కేసులో మరిన్ని సంచలన విషయాలు వెలుగులోకి వచ్చాయి. ఓ సంస్థ చైర్మన్‌కు ప్రభుత్వం కేటాయించిన అధికారిక వాహనంలోనే బాధిత బాలికపై అత్యాచారం జరిగినట్టు తెలుస్తోంది. ఆ కారుపై ‘ప్రభుత్వ వాహనం’ అన్న స్టిక్కర్ కూడా ఉంది. మొయినాబాద్ సమీపంలో ఈ కారును స్వాధీనం చేసుకున్న పోలీసులు.. పుప్పాలగూడకు చెందిన సాదుద్దీన్ మాలిక్ (18), ఓ ఎమ్మెల్యే సోదరుడి కుమారుడు అమేర్‌ఖాన్ (18), ప్రభుత్వ సంస్థ చైర్మన్ కుమారుడు (16), బల్దియా కార్పొరేటర్ కుమారుడు, సంగారెడ్డి జిల్లా టీఆర్ఎస్ పార్టీ నాయకుడి కుమారుడు కలిసి బాలికపై అత్యాచారం చేసినట్టు పోలీసులు సాక్ష్యాధారాలను సేకరించినట్టు తెలుస్తోంది. 

శుక్రవారం రాత్రే సాదుద్దీన్‌ను అరెస్ట్ చేసి చంచల్‌గూడ జైలుకు తరలించారు. అలాగే, ప్రభుత్వ సంస్థ చైర్మన్ కుమారుడిని, బల్దియా కార్పొరేటర్ కుమారుడిని జువైనల్ హోంకు తరలించారు. ఓ ఎమ్మెల్యే కుమారుడు (17) కూడా బాలికతో సన్నిహితంగా ప్రవర్తించిన దృశ్యాలు సామాజిక మాధ్యమాల్లో చక్కర్లు కొడుతున్న నేపథ్యంలో అతడిపైనా కేసు నమోదు చేసేందుకు పోలీసులు సన్నద్ధమవుతున్నారు. కాగా, నిందితుల్లో ముగ్గురు ప్రజాప్రతినిధుల కుమారులే కావడం గమనార్హం.

అత్యాచారానికి ముందు అసలేం జరిగిందంటే?.. గత నెల 28న జూబ్లీహిల్స్‌లోని అమ్నీషియా పబ్‌కు వచ్చిన బాలికను ఇంటి వద్ద దిగబెడతామంటూ  చైర్మన్ కుమారుడు, ఎమ్మెల్యే కుమారుడు బెంజికారులో ఎక్కించుకున్నారు. పబ్ నుంచి బంజారాహిల్స్‌కు వెళ్తున్న సమయంలో కారులోనే బాలికపై అత్యాచారయత్నం చేశారు. ఇందుకు సంబంధించిన ఆధారాలను పోలీసులు సేకరించారు. ఆ తర్వాత బంజారాహిల్స్ రోడ్డు నంబరు 14లో ఉన్న కాన్సు బేకరీ వద్ద కాసేపు ఆగారు. అక్కడికి డ్రైవర్ ఇన్నోవా కారును తీసుకొచ్చాడు. చైర్మన్ కుమారుడు కారు తీసుకుని ఇప్పుడే వస్తామని డ్రైవర్‌కు చెప్పి వెళ్లినట్టు అక్కడి సీసీటీవీ కెమెరాలో రికార్డైన దృశ్యాలను బట్టి తెలుస్తోంది.

ఆ తర్వాత నిందితులందరూ కలిసి బాలికను బెంజి కారు నుంచి ఇన్నోవా కారులోకి మార్చి తీసుకెళ్లారు. ఆ సమయంలో ఇన్నోవా కారులో ఎమ్మెల్యే కుమారుడు కూడా ఉన్నప్పటికీ ఆ తర్వాత కాసేపటికే అతడు కారు దిగి బేకరీవైపు వెళ్లినట్టు పోలీసులు పేర్కొన్నారు. అయితే, అతడు కూడా బాధిత బాలికతో అసభ్యంగా ప్రవర్తించినట్టు సోషల్ మీడియాలో ఓ వీడియో వైరల్ అవుతుండడంతో అతడిని ఎ6గా చేర్చాలని పోలీసులు యోచిస్తున్నట్టు తెలుస్తోంది.

పోలీసులను పక్కదారి పట్టించేందుకు నిందితులు పక్కాగా ప్లాన్ సిద్ధం చేసుకున్నారు. తామంతా గోవా వెళ్తున్నట్టు గత నెల 29న స్నేహితులకు చెప్పారు. అయితే, వీరు గోవా వెళ్లకుండా ఇద్దరు వ్యక్తులకు సెల్‌ఫోన్లు ఇచ్చి అక్కడికి పంపారు.  నిందితులు మరో సిమ్‌కార్డు తీసుకుని కర్ణాటక వెళ్లారు. మరోవైపు, అమ్నీషియా పబ్‌లో జరిగిన ఓ విద్యార్థి వీడ్కోలు పార్టీలో మద్యం సరఫరా కాలేదని ఎక్సైజ్ పోలీసులు చెబుతున్నారు. ఈ పార్టీకి బాధిత విద్యార్థిని సహా 153 మంది హాజరయ్యారు. మరోవైపు, బాధిత బాలిక ఇప్పటికీ షాక్‌లోనే ఉన్నట్టు ఆమె తల్లిదండ్రులు చెబుతున్నారు.

..Read this also
నా తోడబుట్టిన అన్నతో పాటు దేవుడిచ్చిన ప్రతి అన్నకు, తమ్ముడికి రాఖీ పండుగ శుభాకాంక్షలు: వైఎస్ షర్మిల
  • రక్షా బంధన్ శుభాకాంక్షలు తెలిపిన షర్మిల
  • కొడంగల్ నియోజకవర్గంలో పర్యటన
  • కార్యకర్తలకు రాఖీలు కట్టిన వైనం


..Read this also
నా రాజీనామా ఊర‌కే పోలేదు... ఈ నెల 21న బీజేపీలో చేరుతున్నా: కోమ‌టిరెడ్డి రాజ‌గోపాల్ రెడ్డి
  • త‌న రాజీనామా త‌ర్వాతే చేనేత కార్మికుల‌కు పెన్ష‌న్లు ప్ర‌క‌టించార‌న్న కోమ‌టిరెడ్డి
  • మునుగోడులో రోడ్ల ప‌నులు మొద‌ల‌య్యాయ‌ని వెల్ల‌డి
  • వెంక‌ట్ రెడ్డి కూడా స‌రైన స‌మ‌యంలో స‌రైన నిర్ణ‌యం తీసుకుంటార‌న్న మాజీ ఎమ్మెల్యే

..Read this also
మునుగోడు ఉప ఎన్నిక‌ ప్ర‌చారానికి వెళ్ల‌బోను: కోమ‌టిరెడ్డి వెంక‌ట్ రెడ్డి
  • పిల‌వ‌ని పేరంటానికి వెళ్లే అల‌వాటు లేద‌న్న వెంక‌ట్ రెడ్డి
  • చండూరు స‌భ‌కు త‌న‌కు ఆహ్వాన‌మే అంద‌లేద‌ని ఆరోప‌ణ‌
  • స‌భ‌లో సొంత పార్టీ నేత‌ల‌తోనే తిట్టించార‌ని ఆవేద‌న‌
  • రేవంత్ రెడ్డి త‌న‌కు క్ష‌మాప‌ణ చెప్పాల‌న్న భువ‌న‌గిరి ఎంపీ


More Latest News
NASA has revealed that four planetary fragments will arrive in five days from today
ys jagan popularity grows 17 percent in just 8 months
Assam CM requests Aamir Khan to postpone his visit to Guwahati
supreme court dismisses raghuramakrishnaraju petition
Markets ends in profits for straight fourth week
YS Sharmila extends Raksha Bandhan wishes
Macharla Niyojakavargam movie review
Wizz Air passenger plane skimming just yards above tourists heads
Urvasi Rautela replies to Rishabh Pant deleted post
Kannada singer Shivamogga Subbanna passes away
Woman approaches Delhi High Court to stop her friend who set to go Switzerland for Euthanasia
komatireddy rajagopal reddy talks about his resignation
rajamahendravaram court extends mlc anantha babu remand upto 26th of this month
Vista Dome coach in Secunderabad to Pune Shatabdi Express
..more