భారత అతిపెద్ద వాణిజ్య భాగస్వామిగా అమెరికా.. చైనాతో తగ్గిన భారత లావాదేవీలు

29-05-2022 Sun 12:44
US Becomes Top Trading Partner Of India

భారత అతిపెద్ద వాణిజ్య భాగస్వామిగా అమెరికా అవతరించింది. చైనాను దాటేసి అగ్రరాజ్యం ముందంజ వేసింది. 2021–2022 ఆర్థిక సంవత్సరంలో చైనాతో పోలిస్తే అమెరికాతోనే భారత వాణిజ్య కలాపాలు ఎక్కువగా నమోదయ్యాయి. ఈ ఆర్థిక సంవత్సరంలో భారత్–అమెరికా మధ్య 11,942 కోట్ల డాలర్ల (సుమారు రూ.9.28 లక్షల కోట్లు) వాణిజ్యం జరిగింది. అదే సమయంలో అంతకుముందు ఏడాది ఆ వాణిజ్య కలాపాల విలువ 8,051 కోట్ల డాలర్లుగానే (సుమారు రూ.6.25 లక్షల కోట్లు) ఉండేది. 

అమెరికాకు ఎగుమతులు 5,162 కోట్ల డాలర్ల (సుమారు రూ.4.01 లక్షల కోట్లు) నుంచి 7,611 కోట్ల డాలర్లకు (సుమారు రూ.5.91 లక్షల కోట్లు) పెరిగాయి. దిగుమతులు కూడా అదే స్థాయిలో పెరిగాయి. 2,900 కోట్ల డాలర్లు (సుమారు రూ.2.25 లక్షల కోట్లు)గా ఉన్న దిగుమతులు.. గత ఆర్థిక సంవత్సరంలో 4,331 కోట్ల డాలర్లకు (సుమారు రూ.3.36 లక్షల కోట్లు) పెరిగాయి. 

చైనా విషయానికొస్తే ఆ దేశంతో భారత వాణిజ్య విలువ 11,542 కోట్ల డాలర్లు (సుమారు రూ.8.96 లక్షల కోట్లు)గా ఉండగా.. గత ఆర్థిక సంవత్సరం ఆ విలువ 8,640 కోట్ల డాలర్ల (సుమారు రూ.6.71 లక్షల కోట్ల)కు పడిపోయింది. 

కాగా, అమెరికాతో వాణిజ్య సంబంధాలు మున్ముందు మరింత బలపడతాయని విశ్లేషకులు భావిస్తున్నారు. ప్రపంచంలోని చాలా సంస్థలు చైనాపై ఆధారపడడం తగ్గించుకుంటున్నాయని, ఈ నేపథ్యంలోనే వారికి భారత్ ఒక విశ్వసనీయ వాణిజ్య భాగస్వామిగా ఎదుగుతోందని ఫెడరేషన్ ఆఫ్ ఇండియన్ ఎక్స్ పోర్ట్ ఆర్గనైజేషన్స్ ఉపాధ్యక్షుడు ఖాలిద్ ఖాన్ అన్నారు. 

అమెరికా నేతృత్వంలోని ఇండో పసిఫిక్ ఎకనామిక్ ఫ్రేమ్ వర్క్ (ఐపీఈఎఫ్)లో భారత్ చేరిందని, తద్వారా అమెరికా–భారత్ మధ్య ఆర్థిక సంబంధాలు మరింత బలపడే అవకాశాలున్నాయని ఆయన పేర్కొన్నారు. 

వాస్తవానికి 2013–14 నుంచి 2017–18 వరకు చైనానే భారత్ కు అతిపెద్ద వాణిజ్య భాగస్వామిగా ఏకచ్ఛత్రాధిపత్యాన్ని కొనసాగించింది. ఆ తర్వాత కరోనా కారణంగా ఒక సంవత్సరం దెబ్బపడినా.. మళ్లీ 2020–2021లో తన స్థానాన్ని తిరిగి దక్కించుకుంది. అయితే, ఇప్పుడు అమెరికాను దాటి ముందుకెళ్లలేకపోయింది. చైనాకు ముందు మనకు యూఏఈ అతిపెద్ద వాణిజ్య భాగస్వామిగా ఉండడం గమనార్హం. గత ఆర్థిక సంవత్సరంలో యూఏఈతో భారత వాణిజ్య విలువ 7290 కోట్ల డాలర్లు (సుమారు రూ.5.66 లక్షల కోట్లు) కావడం విశేషం. అమెరికా, చైనా తర్వాత భారత్ తో ఎక్కువ వాణిజ్యం జరిపిన మూడో దేశం యూఏఈనే.

..Read this also
ద్రౌపది ముర్ముపై మరోసారి వ్యాఖ్యలు చేసిన వర్మ
  • ఎన్డీయే రాష్ట్రపతి అభ్యర్థిగా ద్రౌపది ముర్ము
  • పాండవులు, కౌరవులు ఎక్కడన్న వర్మ
  • బీజేపీ నేతల ఆగ్రహం
  • పోలీసులకు ఫిర్యాదు
  • కించపరిచే ఉద్దేశం లేదన్న వర్మ 


..Read this also
మహారాష్ట్ర రాజకీయాలను 'కోతులాట'తో పోల్చిన అసదుద్దీన్ ఒవైసీ
  • శివసేనలో ఒక్కసారిగా చీలిక
  • రెబెల్ ఎమ్మెల్యేలతో క్యాంపు నిర్వహిస్తున్న ఏక్ నాథ్ షిండే
  •  శివసేన అంతర్గత వ్యవహారమన్న అసదుద్దీన్ 

..Read this also
24 గంటల్లో మీ పదవులు పోతాయి... షిండే వర్గంలోని మంత్రులకు శివసేన వార్నింగ్
  • మహారాష్ట్రలో కొనసాగుతున్న రాజకీయ సంక్షోభం
  • శివసేనను చీల్చిన ఏక్ నాథ్ షిండే
  • రెబెల్ మంత్రులను క్యాబినెట్ నుంచి తొలగిస్తామన్న రౌత్
  • షిండేనే నిర్ణయం తీసుకుంటారన్న రెబెల్ ఎమ్మెల్యే పాటిల్


More Latest News
Actor Sai Kiran approaches police
tdp leader n amarnath reddy says mantri developers is the accused in jagan ed cases
RGV tweets again on Droupadi Murmu
Five rowdy sheeters expelled from Bezawada
hardik pandya talks about t20 series with ireland
Asaduddin Owaisi describes Maha politics as dance of monkeys
Sanjay Raut warns rebel ministers
ts government take back its decision on teachers properties issue
Corona active cases number crosses three thousand mark in Telangana
Mallikarjun Kharge tweet on bank frauds in modi regime
Chandrababu attends personal assistant marriage in Vijayawada
pawan kalyan mother anjana devi gives one and half lacks janasena koulu raitu bharosa
ED has arrested Mantri Developers Director Sushil P Mantri
Biden signs on key bill to restrict gun culture
Pushpa 2 movie update
..more