వైసీపీకి చిత్తశుద్ధి ఉంటే ఎమ్మెల్సీ అనంత ఉదయభాస్కర్ ను పార్టీ నుంచి, పెద్దల సభ నుంచి పంపించేసే వాళ్లు: పవన్ కల్యాణ్

24-05-2022 Tue 16:51
Pawan Kalyan opines on MLC Anantha Udayabhaskar issue

కాకినాడలో ఎస్సీ యువకుడు సుబ్రహ్మణ్యం హత్య కేసులో పోలీసుల వైఖరి, తానే హత్య చేశానని వైసీపీ ఎమ్మెల్సీ అనంత ఉదయభాస్కర్ అంగీకరించిన తర్వాత అధికారులు అతడికి అత్యంత గౌరవ మర్యాదలు కనబరిచిన తీరు విస్మయం కలిగిస్తోందని జనసేనాని పవన్ కల్యాణ్ పేర్కొన్నారు. సామాన్యుల పట్ల కూడా ఇంత సహృదయత కనబరుస్తారా? అని ప్రశ్నించారు. నేరస్థులకు వత్తాసు పలికేలా అధికార యంత్రాంగాన్ని పాలకులు వినియోగించుకుంటుంటే ఇక శాంతిభద్రతల గురించి ఆలోచన కూడా చేయలేమని పేర్కొన్నారు. 

"కోడి కత్తి కేసులో ఏపీ పోలీసులపై నమ్మకం లేదు అన్నవారే ఇప్పుడు పోలీసు శాఖకు దిశానిర్దేశం చేస్తున్నారు. కోడి కత్తి కేసు పురోగతి ఏమిటో తెలియదు. పులివెందులలో వివేకానందరెడ్డి హత్య కేసు వ్యవహారం గుండెపోటు నుంచి గొడ్డలిపోటు వరకు వెళ్లింది. ఇప్పటివరకు దోషులు ఎవరో తేలలేదు. 

సామర్లకోట మున్సిపల్ ఎన్నికల్లో ఇండిపెండెంట్ గా పోటీచేసిన గిరీశ్ బాబు అనే ఎస్సీ యువకుడిపై అధికార పార్టీ పోలీసుల సాయంతో వేధింపులకు పాల్పడింది. దాంతో ఆ యువకుడు ఆత్మహత్య చేసుకున్నాడు. విశాఖలో రాష్ట్ర మత్స్యశాఖ మంత్రి పోలీసు అధికారి కాలర్ పట్టుకుని దుర్భాషలాడినా పోలీసులు మౌనం వహించాల్సి వచ్చింది. ఇలాంటివే ఇంకా చాలా ఉన్నాయి. 

ఈ రాష్ట్రంలో హత్యలు, అత్యాచారాలకు పాల్పడినా, దాడులు చేసినా ఏం జరగదు అనే ధైర్యం నేరస్థులకు కలగడానికి కారణం పాలకుల వైఖరే. ఇలాంటి పరిస్థితుల్లో రాష్ట్రంలో శాంతిభద్రతల పరిరక్షణను వైసీపీ పాలకుల నుంచి ఎంతమాత్రం ఆశించలేం. వారికే చిత్తశుద్ధి ఉంటే... హత్య చేశానని ఒప్పుకున్న ఎమ్మెల్సీని ఈ పాటికే పార్టీ నుంచి, పెద్దల సభ నుంచి పంపించివేసేలా చర్యలు తీసుకుని ఉండేవారు. కాబట్టి పోలీసు అధికారులే బాధ్యత తీసుకుని రాజకీయ బాసుల ఒత్తిళ్లకు తలొగ్గకుండా శాంతిభద్రతల పరిరక్షణలో స్వతంత్రంగా వ్యవహరించాలి. అప్పుడే ప్రజలకు పోలీసు వ్యవస్థపై, చట్టాలపై విశ్వాసం కలుగుతుందని" అని పవన్ కల్యాణ్ పేర్కొన్నారు. ఈ మేరకు ఓ ప్రకటన చేశారు.

..Read this also
ఆత్మకూరు బరిలో టీడీపీ లేకపోయినా చాలా కుట్రలు చేసింది: అంబటి రాంబాబు
  • ఆత్మకూరులో వైసీపీ విక్టరీ
  • తాడేపల్లి పార్టీ ఆఫీసులో అంబటి ప్రెస్ మీట్
  • ప్రజలు తమవైపే ఉన్నారని వెల్లడి
  • ప్రతి ఎన్నికకు వైసీపీ ఓట్ల శాతం పెరుగుతోందని వివరణ


..Read this also
బీజేపీపై ప్రజల్లో నమ్మకం పెరుగుతోంది... ఆత్మకూరులో ఓటింగ్ శాతమే అందుకు నిదర్శనం: విష్ణువర్ధన్ రెడ్డి 
  • ఆత్మకూరులో విక్రమ్ రెడ్డి విజయం
  • రెండోస్థానంలో బీజేపీ అభ్యర్థి భరత్ కుమార్
  • స్పందించిన విష్ణువర్ధన్ రెడ్డి
  • గతంతో పోల్చితే ఓటింగ్ శాతం పెరిగిందని వెల్లడి

..Read this also
ఈ విజయం గౌతమ్ కు నివాళి... మేకపాటి విక్రమ్ రెడ్డి గెలుపుపై సీఎం జగన్ స్పందన
  • ఆత్మకూరు ఉప ఎన్నికలో విక్రమ్ రెడ్డి విజయం
  • గౌతమ్ రెడ్డి మరణంతో ఉప ఎన్నికలు
  • గౌతమ్ సోదరుడికి పట్టం కట్టిన నియోజకవర్గ ప్రజలు


More Latest News
Ambati Rambabu press meet over Atmakur pole result
rythu bandhu money credit from june 28th in farmers accounts says minister niranjan reddy
Madhya Pradesh wins first ever Ranji Trophy by beating Mumbai in one sided final
People Defeated BJPs Dirty Politics says Arvind Kejriwal On Delhi Bypoll
Pakistan cricketer Ahmed Shehzad comments on former cricketers
17 peopl found dead in a South Africa night club
Centre arrange Y Plus security for Shiv Sena rebel MLAs
Vishnu Vardhan Reddy opines on Atamkur by election polling trends
Sri Lankas Big Fuel Price Hike As Financial Crisis
CM Jagan responds to Mekapati Vikram Reddy victory in Atmakur constituency
Satrucharla clan fires on former minister Pushpa Srivani
light to moderate rains for three days in telangana
Mekapati Vikram Reddy talks about his victory in Atmakur
Investigate the cancellation of 19 lakh ration cards Bandi Sanjay complains to NHRC
aap defeated in sangrur bypolls in punjab
..more