సంచలన పేసర్ ఉమ్రాన్ మాలిక్ కు టీమిండియాలో చోటు... దక్షిణాఫ్రికాతో టీ20 సిరీస్ కు జట్టు ఎంపిక

22-05-2022 Sun 18:09
Umran Malik gets maiden Team India call for t20 series against South Africa

ఐపీఎల్ తాజా సీజన్ లో 150 కిమీ పైచిలుకు వేగంతో బంతులేస్తూ సంచలనం సృష్టించిన సన్ రైజర్స్ హైదరాబాద్ పేసర్ ఉమ్రాన్ మాలిక్ కు టీమిండియాలో చోటు దక్కింది. దక్షిణాఫ్రికాతో త్వరలో జరిగే టీ20 సిరీస్ కు నేడు టీమిండియాను ఎంపిక చేశారు. ఈ జట్టులో ఉమ్రాన్ మాలిక్ కు కూడా స్థానం కల్పించారు. అంతేకాదు, అర్షదీప్ సింగ్, రుతురాజ్ గైక్వాడ్, రవి బిష్ణోయ్, హర్షల్ పటేల్, దీపక్ హుడా కూడా భారత జట్టుకు ఎంపికయ్యారు. 

పొట్టి ఫార్మాట్లో దినేశ్ కార్తీక్, హార్దిక్ పాండ్యా మరోసారి జాతీయ జట్టులోకి వచ్చారు. కాగా, రోహిత్ శర్మ, విరాట్ కోహ్లీ, జస్ప్రీత్ బుమ్రా, మహ్మద్ షమీలకు ఈ సిరీస్ నుంచి విశ్రాంతి కల్పించారు. ఈ సిరీస్ లో భారత జట్టుకు కేఎల్ రాహుల్ కెప్టెన్ గా వ్యవహరిస్తాడు. 

ఈ టీ20 సిరీస్ జూన్ 9 నుంచి 19వ తేదీ వరకు జరగనుంది. ఈ సిరీస్ లో మూడో మ్యాచ్ కు విశాఖపట్నంలోని డాక్టర్ వైఎస్సార్ ఏసీఏ-వీడీసీఏ స్టేడియం ఆతిథ్యమివ్వనుంది. 

అటు, ఇంగ్లండ్ తో గతంలో నిలిచిపోయిన ఐదో టెస్టుకు కూడా సెలెక్టర్లు జట్టును ఎంపిక చేశారు. అప్పట్లో భారత జట్టులో కరోనా కలకలం రేగడంతో ఈ టెస్టును రీషెడ్యూల్ చేశారు. ఈ మ్యాచ్ జులై 1 నుంచి 5వ తేదీ వరకు ఎడ్జ్ బాస్టన్ లో జరగనుంది.

టీ20 జట్టు ఇదే...
కేఎల్ రాహుల్ (కెప్టెన్), రుతురాజ్ గైక్వాడ్, ఇషాన్ కిషన్, దీపక్ హుడా, శ్రేయాస్ అయ్యర్, రిషబ్ పంత్ (వైఎస్ కెప్టెన్), దినేశ్ కార్తీక్, హార్దిక్ పాండ్యా, వెంకటేశ్ అయ్యర్, యజువేంద్ర చహల్, కుల్దీప్ యాదవ్, అక్షర్ పటేల్, రవి బిష్ణోయ్, భువనేశ్వర్ కుమార్, హర్షల్ పటేల్, అవేష్ ఖాన్, అర్షదీప్ సింగ్, ఉమ్రాన్ మాలిక్.


ఇంగ్లండ్ తో ఐదో టెస్టుకు జట్టు ఇదే...
రోహిత్ శర్మ (కెప్టెన్), కేఎల్ రాహుల్ (వైస్ కెప్టెన్), శుభ్ మాన్ గిల్, విరాట్ కోహ్లీ, శ్రేయాస్ అయ్యర్, హనుమ విహారి, చటేశ్వర్ పుజారా, రిషబ్ పంత్, కేఎస్ భరత్, రవీంద్ర జడేజా, రవిచంద్రన్ అశ్విన్, శార్దూల్ ఠాకూర్, మహ్మద్ షమీ, జస్ప్రీత్ బుమ్రా, మహ్మద్ సిరాజ్, ఉమేశ్ యాదవ్, ప్రసిద్ధ్ కృష్ణ.

..Read this also
తొలిసారి రంజీ ట్రోఫీని ముద్దాడిన మధ్యప్రదేశ్ జట్టు... ఫైనల్లో ముంబయి జట్టుపై గ్రాండ్ విక్టరీ
  • 2021-22 సీజన్ రంజీ చాంపియన్ గా మధ్యప్రదేశ్
  • ఫైనల్లో ముంబయిపై 6 వికెట్ల తేడాతో విజయం
  • మధ్యప్రదేశ్ జట్టుపై ప్రశంసల జడివాన
  • చంద్రకాంత్ పండిట్ శిక్షణలో రాటుదేలిన మధ్యప్రదేశ్ ఆటగాళ్లు


..Read this also
దురదృష్టవశాత్తు పాక్ లో ధోనీ వంటి వ్యక్తులు లేరు... ఒకరు బాగా ఆడితే మా సీనియర్లు ఓర్వలేరు: పాక్ ఆటగాడు షేజాద్
  • పాక్ జట్టులో స్థానం కోల్పోయిన షేజాద్
  • రెండు మ్యాచ్ ల్లో విఫలమైతే జట్టు నుంచి తప్పించారని వెల్లడి
  • దేశవాళీల్లో రాణించినా చోటివ్వలేదని ఆరోపణ

..Read this also
చరిత్ర సృష్టించిన తెలుగు ఆర్చర్​ వెన్నం జ్యోతి సురేఖ
  • ఆర్చరీ ప్రపంచకప్ స్టేజ్3 లో స్వర్ణం, రజతం
  • మిక్స్ డ్  కాంపౌండ్ విభాగంలో భారత్ కు తొలి స్వర్ణం అందించిన ఆర్చర్లుగా జ్యోతి, అభిషేక్ రికార్డు
  • వ్యక్తిగత విభాగంలో రజతం గెలిచిన విజయవాడ అమ్మాయి 


More Latest News
Ambati Rambabu press meet over Atmakur pole result
rythu bandhu money credit from june 28th in farmers accounts says minister niranjan reddy
Madhya Pradesh wins first ever Ranji Trophy by beating Mumbai in one sided final
People Defeated BJPs Dirty Politics says Arvind Kejriwal On Delhi Bypoll
Pakistan cricketer Ahmed Shehzad comments on former cricketers
17 peopl found dead in a South Africa night club
Centre arrange Y Plus security for Shiv Sena rebel MLAs
Vishnu Vardhan Reddy opines on Atamkur by election polling trends
Sri Lankas Big Fuel Price Hike As Financial Crisis
CM Jagan responds to Mekapati Vikram Reddy victory in Atmakur constituency
Satrucharla clan fires on former minister Pushpa Srivani
light to moderate rains for three days in telangana
Mekapati Vikram Reddy talks about his victory in Atmakur
Investigate the cancellation of 19 lakh ration cards Bandi Sanjay complains to NHRC
aap defeated in sangrur bypolls in punjab
..more