సినిమా వాళ్ల కంటే సుందర్ పిచాయ్ కే ఫ్యాన్స్ ఎక్కువ: సినీ హీరో మాధవన్

19-05-2022 Thu 20:29
Madhavan says Sundar Pichai have more fans than cine people

ప్రపంచ ప్రఖ్యాత కేన్స్ ఫిలిం ఫెస్టివల్లో ఈ ఏడాది కూడా భారతీయ చిత్రాలు సందడి చేస్తున్నాయి. నటుడు మాధవన్ స్వీయదర్శకత్వంలో నటించిన 'రాకెట్రీ: ద నంబి ఎఫెక్ట్' చిత్రం కూడా కేన్స్ లో ప్రదర్శితం కానుంది. ఈ చిత్రం  ప్రీమియర్ షో  నేడు కేన్స్ లో ప్రదర్శించనున్నారు. ఈ సందర్భంగా కేన్స్ లో తన చిత్రానికి ప్రచారం నిర్వహిస్తున్న నటుడు మాధవన్ ఆసక్తికర వ్యాఖ్యలు చేశారు. భారత్ వద్ద తెరకెక్కించదగిన ఎన్నో కథలు ఉన్నాయని వెల్లడించారు. 

నాటి ఆర్యభట్ట నుంచి నేటి సుందర్ పిచాయ్ వరకు ప్రతిదీ సినిమా కథకు అర్హమేనని అన్నారు. శాస్త్ర, సాంకేతిక రంగాలకు సంబంధించిన అద్భుతగాథలు భారత్ లో ఉన్నాయని, అయితే అలాంటివారిపై సినిమాలేవీ రావడంలేదని తెలిపారు. ప్రపంచవ్యాప్తంగా ఉన్న యువతకు వారు స్ఫూర్తి ప్రదాతలు అని మాధవన్ పేర్కొన్నారు. సుందర్ పిచాయ్ వంటి వ్యక్తులకు సినిమా వాళ్ల కంటే ఎక్కువమంది అభిమానులు ఉంటారని వ్యాఖ్యానించారు. 

కాగా, మాధవన్ దర్శకత్వం వహించి, నటించిన చిత్రం 'రాకెట్రీ: ద నంబి ఎఫెక్ట్' ఓ రియల్ లైఫ్ స్టోరీ. ప్రఖ్యాత అంతరిక్ష శాస్త్రవేత్త నంబి నారాయణన్ జీవితగాథను ఇందులో చూపించారు. 

ఇస్రోలో శాస్త్రవేత్తగా పనిచేసిన నారాయణపై 1994లో అంతర్గత గూఢచర్యానికి సంబంధించిన తీవ్ర ఆరోపణలు వచ్చాయి. దాంతో ఉద్యోగం కోల్పోయిన ఆయన ఎన్నో అవమానాలకు గురయ్యారు. మాల్దీవులకు చెందిన మరియం రషీదా అనే మహిళతో ఆయనకు సంబంధం అంటగట్టారు. అప్పటికి ఆయన కీలకమైన క్రయోజనిక్ మిషన్ డైరెక్టర్ గా ఉన్నారు. ఎంతో విలువైన క్రయోజనిక్ సాంకేతిక పరిజ్ఞానం పత్రాలను మరియం రషీదాకు అందించారన్నది ఆయనపై ప్రధాన అభియోగం. 

అయితే, 1998లో ఆయన నిర్దోషి అని సుప్రీంకోర్టు తీర్పు నిచ్చింది. రూ.50 లక్షల నష్టపరిహారం చెల్లించాలంటూ 2018లో కేంద్రాన్ని ఆదేశించింది. అయితే, నంబి నారాయణన్ తన న్యాయపోరాటాన్ని అంతటితో ఆపలేదు. తనను కుట్రపూరితంగా ఈ కేసులో ఇరికించింది ఎవరో బయటికి లాగాలంటూ పిటిషన్ చేశారు. దీనిపై సుప్రీంకోర్టు ఓ కమిటీ కూడా వేసింది. 

ఇప్పుడు ఆయన జీవిత కథలోని ఆసక్తికర అంశాల ఆధారంగానే మాధవన్ 'రాకెట్రీ: ద నంబి ఎఫెక్ట్' చిత్రాన్ని రూపొందించారు. నటన, దర్శకత్వం మాత్రమే కాదు, చిత్రనిర్మాణంలో కూడా మాధవన్ పాలుపంచుకున్నారు. ఈ చిత్రం త్వరలోనే ప్రేక్షకుల ముందుకు రానుంది.

..Read this also
ద్రౌపది ముర్ముపై మరోసారి వ్యాఖ్యలు చేసిన వర్మ
  • ఎన్డీయే రాష్ట్రపతి అభ్యర్థిగా ద్రౌపది ముర్ము
  • పాండవులు, కౌరవులు ఎక్కడన్న వర్మ
  • బీజేపీ నేతల ఆగ్రహం
  • పోలీసులకు ఫిర్యాదు
  • కించపరిచే ఉద్దేశం లేదన్న వర్మ 


..Read this also
మహారాష్ట్ర రాజకీయాలను 'కోతులాట'తో పోల్చిన అసదుద్దీన్ ఒవైసీ
  • శివసేనలో ఒక్కసారిగా చీలిక
  • రెబెల్ ఎమ్మెల్యేలతో క్యాంపు నిర్వహిస్తున్న ఏక్ నాథ్ షిండే
  •  శివసేన అంతర్గత వ్యవహారమన్న అసదుద్దీన్ 

..Read this also
24 గంటల్లో మీ పదవులు పోతాయి... షిండే వర్గంలోని మంత్రులకు శివసేన వార్నింగ్
  • మహారాష్ట్రలో కొనసాగుతున్న రాజకీయ సంక్షోభం
  • శివసేనను చీల్చిన ఏక్ నాథ్ షిండే
  • రెబెల్ మంత్రులను క్యాబినెట్ నుంచి తొలగిస్తామన్న రౌత్
  • షిండేనే నిర్ణయం తీసుకుంటారన్న రెబెల్ ఎమ్మెల్యే పాటిల్


More Latest News
Actor Sai Kiran approaches police
tdp leader n amarnath reddy says mantri developers is the accused in jagan ed cases
RGV tweets again on Droupadi Murmu
Five rowdy sheeters expelled from Bezawada
hardik pandya talks about t20 series with ireland
Asaduddin Owaisi describes Maha politics as dance of monkeys
Sanjay Raut warns rebel ministers
ts government take back its decision on teachers properties issue
Corona active cases number crosses three thousand mark in Telangana
Mallikarjun Kharge tweet on bank frauds in modi regime
Chandrababu attends personal assistant marriage in Vijayawada
pawan kalyan mother anjana devi gives one and half lacks janasena koulu raitu bharosa
ED has arrested Mantri Developers Director Sushil P Mantri
Biden signs on key bill to restrict gun culture
Pushpa 2 movie update
..more