/

యుద్ధంలో భారీగా నష్టపోతున్న రష్యా.. ఉక్రెయిన్‌కు లొంగిపోతున్న రష్యా సైనికులు!

17-05-2022 Tue 07:06
Ukrainian Soldiers Counter Offensive Reaches Russian Border

ఉక్రెయిన్‌పై రష్యా యుద్ధం ప్రకటించి నెలలు దాటిపోతోంది. అయినప్పటికీ ఆ చిన్న దేశాన్ని లొంగదీసుకోవడంలో విఫలమవుతోంది. రష్యా సేనలను సమర్థంగా తిప్పికొడుతున్న ఉక్రెయిన్ క్రమంగా పట్టుసాధిస్తూ రష్యాకు సవాలు విసురుతోంది. ఇరువైపులా భారీగా నష్టం సంభవిస్తున్నప్పటికీ ఎవరూ వెనక్కి తగ్గడం లేదు. 

ఈ క్రమంలో ఉక్రెయిన్‌లోని పరిస్థితులపై యూకే తాజాగా ఓ ప్రకటన విడుదల చేసింది. దాని ప్రకారం.. యుద్ధం మొదలైనప్పటి నుంచి రష్యన్ సైన్యం క్రమంగా బలహీనపడుతోంది. ఫిబ్రవరిలో యుద్ధం ప్రారంభమైన తర్వాతి నుంచి ఇప్పటి వరకు రష్యా తన సైన్యంలో మూడింట ఒకవంతు నష్టాన్ని చవిచూసింది. తూర్పు ఉక్రెయిన్‌పై రష్యా పట్టుకోల్పోయింది. రష్యా పాచికలు అక్కడ ఏమాత్రం పారడం లేదని యూకే రక్షణ మంత్రిత్వశాఖ తన ట్వీట్‌లో పేర్కొంది.

యుద్ధంలో కోల్పోతున్న సైన్యాన్ని వెంటనే భర్తీ చేయడంలో రష్యా విఫలమవుతోందని, ఫలితంగా ఉక్రెయిన్‌లో ఆ దేశ బలగాల శక్తిసామర్థ్యాలు క్రమేణా క్షీణిస్తున్నాయని తెలిపింది. అనుకున్న ప్రకారం కార్యకలాపాలు ముందుకు సాగకపోవడంతో రష్యా సైనికులు లొంగిపోతున్నారని పేర్కొంది. అంతేకాదు, వచ్చే నెల రోజుల్లోనూ రష్యా పరిస్థితి ఇంతేనని, ఆక్రమణ చర్యలను రష్యా వేగవంతం చేసే పరిస్థితులు కనిపించడం లేదని పేర్కొంది.

మరోవైపు, ఖార్కివ్ ప్రాంతంలోని తమ దేశ సైన్యం రష్యా సరిహద్దుల వరకు వెళ్లిందని ఉక్రెయిన్ అంతర్గత వ్యవహారాల శాఖ సలహాదారు వాదిమ్ డెనిసెంకో తెలిపారు. ఉక్రెయిన్ రక్షణ శాఖ కూడా ఫేస్‌బుక్‌లో ఇలాంటి పోస్టే పెట్టింది. ఉక్రెయిన్ టెరిటోరియల్ డిఫెన్స్ ఫోర్సెస్ 127 బ్రిగేడ్ బెటాలియన్ రష్యా సరిహద్దుకు చేరుకుందని, తాము విజయానికి చేరువలో ఉన్నామని ఆ పోస్టులో పేర్కొంది. ఆస్ట్రియా మాజీ రాయబారి అలెగ్జాండర్ చెర్బా తన ట్విట్టర్‌ ఖాతాలో ఓ వీడియోను పోస్టు చేశారు. అందులో ఉక్రెయిన్ సైన్యం రష్యా సరిహద్దుకు చేరుకున్నట్టుగా ఉంది. ఆ వీడియోలో సైనికులు మాట్లాడుతూ.. ‘మిస్టర్ ప్రెసిడెంట్.. శత్రుదేశ సరిహద్దులకు వచ్చేశాం’ అని పేర్కొన్నారు.

వాట్సాప్ గ్రూప్ లో షేర్ చేయండి
..ఇది కూడా చదవండి
హిజాబ్ వ్యతిరేక ఆందోళనల్లో పాల్గొన్న వ్యక్తికి మరణశిక్ష అమలు చేసిన ఇరాన్
  • రోడ్డును బ్లాక్ చేయడం, పారామిలిటరీ సిబ్బందిలో ఒకరిని గాయపరిచినట్టు షెకారీపై అభియోగాలు
  • షెకారీని దోషిగా తేల్చిన న్యాయస్థానం
  • సమర్థించిన సుప్రీంకోర్టు
  • అంతర్జాతీయ సమాజం స్పందించకుంటే మరణశిక్షలు నిత్యకృత్యం అవుతాయంటూ ఆందోళన

ap7am

..ఇది కూడా చదవండి
ఉక్రెయిన్ పై సైనిక చర్య ఇప్పట్లో ముగియదు: పుతిన్
  • రష్యా మానవ హక్కుల మండలి సమావేశంలో మాట్లాడిన పుతిన్ 
  • ఎవరిపైనా మొదటగా అణుబాంబు వేయబోమని వెల్లడి
  • ఎవరైనా అణుదాడి చేస్తే ప్రతిగా అణుదాడి చేస్తామని స్పష్టీకరణ

..ఇది కూడా చదవండి
దగ్గితేనే విరిగిపోయిన మహిళ పక్కటెముకలు.. ఎందుకు విరిగాయో చెప్పిన వైద్యులు!
  • చైనాలోని షాంఘైలో ఘటన
  • ఘాటైన ఆహారం తీసుకోవడం వల్ల ముంచెత్తిన దగ్గు
  • విపరీతమైన దగ్గు కారణంగా ఛాతీలో విరిగిపోయిన నాలుగు ఎముకలు
  • ఎముకలకు ఆధారంగా ఉండే కండరం లేకపోవడం వల్లేనన్న వైద్యులు


More Latest News
Mandous barrels towards North Tamilnadu and South Coastal Andhra
Police rescues kidnapped dental doctor Vaishali
Jogi Ramesh satires on Pawan Kalyan bus Varahi
Sea comes forth in Mypadu beach
Ravi Teja first look teaser will be out now on December 12
Panchatantram movie review
Pawan flurry of tweets targeted YCP
Devineni Uma fires on CM Jagan over Polavaram
100 men kidnap a woman in Rangareddy district
Kodali Nani once again fires on TDP leaders
Tides intensifies at Uppada beach due to Cyclone Mandouse
KCR support is there for Sajjala comments says Revanth Reddy
Sathya Kumar said CM Jagan thinks about early elections
Markets ends in losses
Impact Player rule in IPL only for Indian Players
..more