ఈ వారం థియేటర్లు, ఓటీటీల్లో వస్తున్న సినిమాలు ఇవే!

16-05-2022 Mon 12:05
Telugu movies releasing this week

కరోనా మహమ్మారి ప్రభావం తగ్గిన తర్వాత సినీ పరిశ్రమ మళ్లీ గాడిలో పడుతోంది. ఇప్పటికే పలు చిత్రాలు థియేటర్లు, ఓటీటీల్లో విడుదలై ఘన విజయాలను అందుకున్నాయి. ఈ వారం కూడా పలు చిత్రాలు సందడి చేయడానికి సిద్ధమయ్యాయి. ఒకవైపు థియేటర్లలో.. మరోవైపు ఇంట్లో టీవీలు, చేతిలోని సెల్ ఫోన్లలో అభిమానులను ఉర్రూతలూగించడానికి రెడీగా ఉన్నాయి. ఈ వారం సందడి చేయనున్న సినిమాలు ఇవే. 

థియేటర్లలో విడుదల కాబోతున్న చిత్రాలు:

శేఖర్:  రాజశేఖర్ ప్రధాన పాత్రను పోషించిన చిత్రం 'శేఖర్'. జీవితా రాజశేఖర్ దర్శకత్వం వహించిన ఈ చిత్రంలో... వీరి పెద్ద కుమార్తె శివాని కీలక పాత్రను పోషించింది. మలయాళంలో సూపర్ హిట్ అయిన 'జోసెఫ్' చిత్రానికి రీమేక్ గా ఈ సినిమా వస్తోంది. ఈ చిత్రం మే 20న థియేటర్లలో రిలీజ్ కాబోతోంది. ఈ సినిమా ద్వారా రాజశేఖర్ మరో ఘన విజయాన్ని అందుకోబోతున్నారనే అంచనాలు అభిమానుల్లో నెలకొన్నాయి. 

ధగడ్ సాంబ: బర్నింగ్ స్టార్ సంపూర్ణేశ్ బాబు, సోనాక్షి జంటగా నటించిన 'ధగడ్ సాంబ' చిత్రం ఈ నెల 20న ప్రేక్షకుల ముందుకు వస్తోంది. ఈ చిత్రానికి ఎస్ఆర్ రెడ్డి దర్శకత్వం వహించారు. ఎలాంటి అసభ్యత లేకుండా కుటుంబం మొత్తం కలిసి చూసేలా ఈ సినిమా చాలా క్లీన్ గా ఉంటుందని యూనిట్ సభ్యులు చెపుతున్నారు. ఈ చిత్రంలో జ్యోతి, చలాకీ చంటి, మిర్చి మాధవి తదితరులు నటించారు. 

ధాకడ్: బాలీవుడ్ ఫైర్ బ్రాండ్ కంగనా రనౌత్ నటించిన 'ధాకడ్' సినిమా ట్రైలర్ కు ఇప్పటికే ఎంతో స్పందన లభించింది. ఏజెంట్ అగ్ని పాత్రలో కంగన యాక్షన్ సన్నివేశాలు అభిమానులను ఆకట్టుకున్నాయి. ఈ సినిమా కూడా ఈ నెల 20న ప్రేక్షకుల ముందుకు వస్తోంది. 

భూల్ భులయ్యా2: హారర్ కామెడీ నేపథ్యంలో తెరకెక్కిన బాలీవుడ్ చిత్రం ఇది. కార్తీక్ ఆర్యన్, కియారా అద్వానీ జంటగా నటించిన ఈ చిత్రంలో టబూ కీలక పాత్రను పోషించారు. ఈ నెల 20న ఈ చిత్రం థియేటర్లలో విడుదల కాబోతోంది. 

ఓటీటీల్లో విడుదల కాబోతున్న చిత్రాలు:

ఆర్ఆర్ఆర్: జూనియర్ ఎన్టీఆర్, రామ్ చరణ్, రాజమౌళి కాంబినేషన్లో వచ్చిన 'ఆర్ఆర్ఆర్' సినిమా థియేటర్లలో విడుదలై కాసుల వర్షం కురిపించిన సంగతి తెలిసిందే. ఈ చిత్రం బాక్సాఫీస్ దుమ్ము దులిపింది. మే 20 నుంచి జీ5 ఓటీటీ వేదికగా ఈ చిత్రం స్ట్రీమింగ్ కానుంది. 

ఆచార్య: చిరంజీవి, రామ్ చరణ్, కొరటాల శివ కాంబినేషన్లో వచ్చిన ఈ చిత్రం మెగా అభిమానులకు కాస్తంత నిశాశను మిగిల్చింది. ఇప్పుడు అమెజాన్ ప్రైమ్ వీడియో వేదికగా మే 20 నుంచి స్ట్రీమింగ్ కాబోతోంది. 

భళా తందనాన: శ్రీవిష్ణు, కేథరిన్, గరుడరామ్, పోసాని కృష్ణమురళి నటించిన ఈ చిత్రం మే 6న థియేటర్లలో విడుదలయింది. రెండు వారాల వ్యవధిలోనే ఓటీటీలో రాబోతోంది. డిస్నీ ప్లస్ హాట్ స్టార్ లో ఈ నెల 20 నుంచి ఈ సినిమాను స్ట్రీమింగ్ చేయబోతున్నారు.

..Read this also
ధనుశ్ కోసం కొనసాగుతున్న కథల వేట!
  • కోలీవుడ్ ప్రాజెక్టులతో బిజీగా ఉన్న ధనుశ్
  • టాలీవుడ్ కథలపై చూపుతున్న ఉత్సాహం
  • ఆయనను లైన్లో పెట్టే  పనిలో బడా నిర్మాతలు 
  • కొత్త కథల కోసం సాగుతున్న కసరత్తు


..Read this also
'బింబిసార' నాకు పునర్జన్మనిచ్చింది: కల్యాణ్ రామ్
  • 'బింబిసార'గా మెప్పించిన కల్యాణ్ రామ్ 
  • విడుదలైన ప్రతి ప్రాంతంలో భారీ వసూళ్లు
  • ప్రెస్ మీట్ లో హర్షాన్ని వ్యక్తం చేసిన కల్యాణ్ రామ్ 
  • కంటెంట్ ఉంటే ఆడియన్స్  ఆదరిస్తారంటూ వ్యాఖ్య

..Read this also
కల్యాణ్ రామ్ అతిపెద్ద విజయాన్ని అందించాడు: దిల్ రాజు 
  • ఈ నెల 5వ తేదీన విడుదలైన 'బింబిసార'
  • ప్రెస్ మీట్ ను నిర్వహించిన టీమ్ 
  • ఇది పెద్ద విజయమన్న దిల్ రాజు
  • కల్యాణ్ రామ్ అద్భుతంగా చేశాడంటూ ప్రశంస


More Latest News
narsapuram MP Raghurama raju slams vijayasai reddy
Constable murdered in Nadyal
TSRTC Bumper Offer to children who born on august 15th
Man opens fire injures 3 children in delhi
Kerala woman and son to join government service together
ICET results released in AP
Missing Parvathidevi idol spotted in New York
The earth has sunk the biggest crater in Chile
Team India announced for Asia Cup
Telangana corona bulletin
Police arrest old man who duping youngster
Protests in bangladesh over fuel price hike
PV Sindhu parents reacts to their daughter golden achievement in Commonwealth Games
Center mulls ban on cheaper China smart phones
TDP leaders fires on Sajjala in Gorantla Madhav row
..more