అప్పుడు కేసీఆర్ రాకూడదంటూ పీఎంఓ నుంచి స్పష్టమైన మెసేజ్ వచ్చింది.. ఒక సీఎంను ప్రధాని అవమానించారు: కేటీఆర్

26-04-2022 Tue 11:46
PMO said KCR should not come to Modis program says KTR

హైదరాబాద్ లోని ముచ్చింతల్ ఆశ్రమంలో చినజీయర్ స్వామి ఏర్పాటు చేసిన సమతామూర్తి రామానుజాచార్య విగ్రహావిష్కరణకు ప్రధాని మోదీ ముఖ్య అతిథిగా విచ్చేసిన సంగతి తెలిసిందే. ఆయన చేతుల మీదుగానే విగ్రహావిష్కరణ కార్యక్రమం జరిగింది. ఈ కార్యక్రమానికి ముఖ్యమంత్రి కేసీఆర్ హాజరు కాకపోవడం పెద్ద చర్చనీయాంశంగా మారింది. 

ప్రధానికి స్వాగతం పలకడానికి విమానాశ్రయానికి కూడా కేసీఆర్ వెళ్లలేదు. వీడ్కోలు పలకడానికి కూడా పోలేదు. అంతకు ముందు గత నవంబర్ లో హైదరాబాదులోని భారత్ బయోటెక్ కోవిడ్ వ్యాక్సిన్ ఫెసిలిటీని పరిశీలించేందుకు మోదీ వచ్చినప్పుడు కూడా కేసీఆర్ కనిపించలేదు. దీంతో రకరకాలు చర్చలు జరిగాయి. కేసీఆర్ ప్రొటోకాల్ ను ఉల్లంఘించారనే ఆరోపణలు కూడా వినిపించాయి. ప్రధాని కార్యక్రమాలకు కేసీఆర్ గైర్హాజరు కావడంపై ఇంతవరకు ఎవరూ స్పందించ లేదు. ఎవరికి వారు ఊహించుకోవడం తప్ప... ఈ అంశానికి సంబంధించి క్లారిటీ లేదు. 

అసలు ఏం జరిగింది? కేసీఆర్ గైర్హాజరుకు కారణం ఏమిటి? అనే విషయంపై మంత్రి కేటీఆర్ తాజాగా స్పష్టతను ఇచ్చారు. ఓ జాతీయ మీడియాకు ఇచ్చిన ఇంటర్వ్యూలో కేటీఆర్ మాట్లాడుతూ... ప్రధాని మోదీ హైదరాబాదుకు వచ్చిన రెండు సార్లూ పీఎంవో (ప్రధాని కార్యాలయం) నుంచి స్పష్టమైన మెసేజ్ వచ్చిందని... ముఖ్యమంత్రి రావాల్సిన అవసరం లేదనేది ఆ మెసేజ్ సారాంశమని చెప్పారు. ఇది ముమ్మాటికీ ఒక ముఖ్యమంత్రిని ప్రధాని అవమానించడమేనని అన్నారు. ప్రధాని కార్యాలయం ప్రొటోకాల్ ను ఉల్లంఘించిందని విమర్శించారు. 

తెలంగాణ గవర్నర్ తమిళిసై జిల్లాల పర్యటనలకు వెళ్లినప్పుడు ప్రొటోకాల్ ఎందుకు పాటించలేదనే ప్రశ్నకు కేటీఆర్ సమాధానమిస్తూ... గవర్నర్ బీజేపీ నాయకురాలి మాదిరి వ్యవహరిస్తున్నారని ఆరోపించారు. ఆమె చదివిన రిపబ్లిక్ డే స్పీచ్ కూడా మంత్రివర్గం ఆమోదించినది కాదని చెప్పారు. ఆమె రాజకీయపరమైన వ్యాఖ్యలు చేస్తున్నారని విమర్శించారు. ఇటీవల తమిళిసై యాదాద్రి పర్యటనకు వెళ్లినప్పుడు ప్రొటోకాల్ ప్రకారం ఆమెకు స్వాగతం పలికేందుకు ఒక్క మంత్రి కానీ, ఎమ్మెల్యే కానీ, అధికారి కానీ రాని సంగతి తెలిసిందే. దీనిపై గవర్నర్ నేరుగానే విమర్శలు గుప్పించారు.

వాట్సాప్ గ్రూప్ లో షేర్ చేయండి
..ఇది కూడా చదవండి
80 యూనిట్లు, ఒక్కో యూనిట్ కు ఒక్కో ఎమ్మెల్యే ఇంఛార్జ్... మునుగోడు ఉప ఎన్నికకు కేసీఆర్ భారీ ప్లాన్
  • జాతీయ పార్టీని ప్రారంభించబోతున్న కేసీఆర్
  • మునుగోడు ఉప ఎన్నికను అత్యంత ప్రతిష్ఠాత్మకంగా తీసుకున్న టీఆర్ఎస్ అధినేత
  • దసరా మరుసటి రోజు నుంచి నేతలంతా మునుగోడులోనే

ap7am

..ఇది కూడా చదవండి
మునుగోడు ఉప ఎన్నికలో ఘన విజయం సాధిస్తాం: జగదీశ్ రెడ్డి
  • మునుగోడు ఉప ఎన్నికకు టీఆర్ఎస్ సిద్ధంగా ఉంది
  • బీజేపీకి మునుగోడు ప్రజలు బుద్ధి చెపుతారు
  • కేసీఆర్ ను ఓడించడం ఎవరి వల్ల కాదు

..ఇది కూడా చదవండి
కేసీఆర్ జాతీయ పార్టీతో ఇతర రాష్ట్రాల రాజకీయ సమీకరణాల్లో కూడా మార్పులు వస్తాయి: ఎర్రబెల్లి
  • ఇతర రాష్ట్రాల్లోని అసంతృప్తులు బయటకు వస్తారు
  • రాష్ట్రానికి ఒక ఎంపీ, ఎమ్మెల్యే గెలిచినా లక్ష్యం చేరుకున్నట్టే
  • జాతీయ స్థాయిలో మార్పు కచ్చితంగా వస్తుంది


More Latest News
Can lack of sleep invite health risks like blood pressure stroke obesity diabetes and heart attack
Shimron Hetmyer Out Of West Indies Squad For T20 World Cup After Missing Flight
KCR big plan for Munugode by polls
Aditya Birla Health Insurance launches Activ Fit a health policy for young and healthy adults
God Father Pre Release Event
Ranveer Singh shuts down separation rumours with Deepika Padukone again
Jio laptop launched in India under Rs 20000 but not everyone can buy it yet
Mangalyaan reaches end of life confirms Isro
The Ghost movie song released
Priyanka Chopra tells US Vice President Kamala Harris we are daughters of India
Excess social media consumption likely develop depression in young adults study
Praveen Sattharu Interview
Passenger was stopped from carrying gulab jamuns at Phuket airport Viral video shows what he did next
Flipkart Big Dussehra sale begins for Plus users
Cheetahs from Nigeria got Lumpy Virus to India says Maha Congress chief
..more