మళ్లీ పెట్రోల్, డీజిల్ ధరల బాదుడు.. ఏపీలో రూపాయి, తెలంగాణలో 57 పైసలు పెరుగుదల

27-03-2022 Sun 12:20
Petrol Diesel Rates Raised Fifth Time In Six Days

దేశంలో పెట్రోల్, డీజిల్ రేట్ల బాదుడు కొనసాగుతూనే ఉంది. రోజువారీ ధరల సవరణను పున:ప్రారంభించిన మార్చి 22 నుంచి ఇప్పటిదాకా ఆరు రోజుల్లో ఐదు సార్లు చమురు సంస్థలు ధరలను బాదేశాయి. ఈ ఐదు రోజుల్లో పెట్రోల్ పై లీటర్ కు రూ.3.70, డీజిల్ పై రూ.3.75 పెంచేశాయి. తాజాగా ఇవాళ కూడా చమురు సంస్థలు పెట్రోల్ పై మరో 50 పైసలు, డీజిల్ పై 55 పైసలను పెంచి వినియోగదారులకు షాక్ ఇచ్చాయి. 

ప్రస్తుతం పెంచిన ధరలతో తెలంగాణ (హైదరాబాద్)లో పెట్రోల్ ధర రూ.112.37, డీజిల్ ధర రూ.98.69గా ఉంది. వ్యాట్ తో కలిపి లీటర్ పెట్రోల్ పై 57 పైసలు, డీజిల్ పై 59 పైసలు పెరిగింది. ఆదిలాబాద్ జిల్లాలో అత్యధికంగా లీటర్ పెట్రోల్ ధర రూ.115.09 (98 పైసలు)గా ఉండగా.. డీజిల్ ధర రూ.101.22 (98 పైసల పెంపు)కు పెరిగింది. ములుగు, సిద్దిపేట జిల్లాల్లో రూపాయికి పైగా ధరలు పెరిగాయి. 

ఏపీలో లీటర్ పెట్రోల్ ధర రూ.113.59గా ఉంది. లీటర్ డీజిల్ ధర రూ.99.54కి పెరిగింది. వ్యాట్ తో కలిపి ఇవాళ రాష్ట్రంలో పెట్రోల్ మీద రూ.0.95, డీజిల్ పై రూ.0.90 పెరిగాయి. జిల్లాలను బట్టి కూడా ధరలు మారుతున్నాయి. అక్కడి రవాణా తదితరాలను పరిగణనలోకి తీసుకుంటే కొన్ని జిల్లాల్లో రూపాయికి పైగా ధరలు పెరిగాయి. చిత్తూరు, గుంటూరు, కర్నూలు, ప్రకాశం, పశ్చిమగోదావరి జిల్లాల్లో రూపాయికిపైగా ధరలు పెరిగాయి. విజయనగరంలో అయితే దాదాపు రూ.2 పెంపు నమోదైంది. ఢిల్లీలో రూ.99.11, రూ.90.42గా ఉంది. ముంబైలో లీటర్ పెట్రోల్ ధర రూ.113.88గా ఉండగా.. డీజిల్ ధర రూ.98.13గా ఉంది. 

ఐదు రాష్ట్రాల ఎన్నికల నేపథ్యంలో దాదాపు నాలుగున్నర నెలల పాటు పెట్రోల్ ధరల జోలికి పోని కేంద్ర ప్రభుత్వం.. అవి అయిపోయి ఫలితాలు వచ్చిన వెంటనే మళ్లీ ధరల సవరణను మొదలు పెట్టేసింది. వినియోగదారునికి చుక్కలు చూపిస్తోంది. ఎన్నికల టైంలో బ్యారెల్ ముడిచమురు ధర 82 డాలర్లుగా ఉంది. అయితే, ఇప్పుడు ఉక్రెయిన్ పై రష్యా యుద్ధం నేపథ్యంలో ఒకానొక సందర్భంలో బ్యారెల్ చమురు 132 డాలర్లకు ఎగబాకింది. 

అయినా కూడా ధరల భారాన్ని మాత్రం వినియోగదారులపై వెయ్యలేదు. దీంతో ఆయిల్ సంస్థలకు దాదాపు రూ.19 వేల కోట్ల నష్టం వచ్చినట్టు అధికారిక వర్గాల ద్వారా తెలుస్తోంది. ఆ నష్టాన్ని పూడ్చుకోవాలంటే లీటర్ డీజిల్ పై రూ.13.10 నుంచి రూ.24.90, పెట్రోల్ మీద రూ. 10.60 నుంచి రూ.22.30 వరకు పెంచాల్సిన అవసరం ఉంటుందని కోటక్ ఇనిస్టిట్యూషనల్ ఈక్విటీస్ నిపుణులు చెబుతున్నారు. 

క్రిసిల్ రీసెర్చ్ ప్రకారం.. బ్యారెల్ ముడి చమురు ధర 100 డాలలు ఉంటే చమురు ధరలను లీటర్ పై రూ.9 నుంచి 12 వరకు వినియోగదారుల మీద భారం మోపాల్సి ఉంటుందని అంటున్నారు. ఒకవేళ బ్యారెల్ చమురు ధర 110 నుంచి 120 డాలర్ల మధ్య ఉంటే లీటర్ పై రూ.15 నుంచి రూ.20 వరకు పెంచాల్సి ఉంటుందని చెబుతున్నారు.

..Read this also
వీధిలో ఆడుకోవద్దంటూ పిల్లలపై కాల్పులు.. ముగ్గురు పిల్లలకు గాయాలు.. ఈశాన్య ఢిల్లీలో ఘటన..
  • వీధిలో ఆడుకోవద్దని, వెళ్లిపోవాలని బెదిరించిన ఆమిర్ అనే వ్యక్తి
  • స్థానికులు నిలదీయడంతో ఆగ్రహంతో పిల్లలపై కాల్పులు జరిపిన వైనం
  • సెమీ ఆటోమేటిక్ రివాల్వర్ ను స్వాధీనం చేసుకుని.. దర్యాప్తు చేస్తున్నామన్న పోలీసులు


..Read this also
కుమారుడిని చదివించేందుకు తాను చదివి.. కుమారుడితోపాటు తానూ జాబ్​ కొట్టిన మహిళ!
  • పదేళ్లుగా కుమారుడి చదువులో తోడ్పాటు అందిస్తూ వచ్చిన బిందు
  • కుమారుడితోపాటు కోచింగ్ సెంటర్ లో చేరి ప్రభుత్వ ఉద్యోగానికి ప్రయత్నం
  • ఇటీవలి కేరళ పబ్లిక్ సర్వీస్ కమిషన్ పరీక్షల్లో తల్లి, కుమారుడు ఇద్దరికీ ఉద్యోగాలు

..Read this also
అర్ధశతాబ్దం కిందట కనిపించకుండా పోయిన పార్వతీదేవి విగ్రహం న్యూయార్క్ లో గుర్తింపు
  • నాదన్ పురేశ్వర్ శివన్ ఆలయంలో మాయమైన విగ్రహం
  • ఇది చోళుల కాలం నాటి పార్వతీదేవి విగ్రహం
  • కేసులో దర్యాప్తు చేసిన తమిళనాడు సీఐడీ పోలీసులు
  • ప్రత్యేక శ్రద్ధ తీసుకున్న ఇన్ స్పెక్టర్ చిత్ర


More Latest News
TSRTC Bumper Offer to children who born on august 15th
Man opens fire injures 3 children in delhi
Kerala woman and son to join government service together
ICET results released in AP
Missing Parvathidevi idol spotted in New York
The earth has sunk the biggest crater in Chile
Team India announced for Asia Cup
Telangana corona bulletin
Police arrest old man who duping youngster
Protests in bangladesh over fuel price hike
PV Sindhu parents reacts to their daughter golden achievement in Commonwealth Games
Center mulls ban on cheaper China smart phones
TDP leaders fires on Sajjala in Gorantla Madhav row
Fish jump like popcorns to flee from nets
Dhanush in Mythri Movie
..more