చివరి టీ20లోనూ భారత్‌దే విజయం.. విండీస్ మళ్లీ వైట్‌వాష్!

21-02-2022 Mon 06:41
India defeat west indies in their final t20 also

భారత పర్యటనకు వచ్చిన వెస్టిండీస్ జట్టు ఘోర పరాభవ భారంతో స్వదేశానికి బయలుదేరుతోంది. మూడు వన్డేల సిరీస్‌లో 0-3తో దారుణంగా ఓడిన విండీస్‌.. మూడు మ్యాచ్‌ల టీ20 సిరీస్‌లోనూ తేరుకోలేకపోయింది. ఇందులోనూ వైట్‌వాష్ అయింది. ఫలితంగా వరుసగా ఆరు మ్యాచుల్లో ఓటమి పాలైంది. కోల్‌కతాలోని ఈడెన్ గార్డెన్స్‌లో గత రాత్రి జరిగిన చివరి టీ20లో భారత్ 17 పరుగుల తేడాతో విజయం సాధించి 3-0తో సిరీస్‌ను ఎగరేసుకుపోయింది.

సూర్యకుమార్ (65) అద్భుత ఆటతీరుకు తోడు వెంకటేశ్ అయ్యర్ మెరుపులతో భారత జట్టు తొలుత 184 పరుగులు చేసింది. అనంతరం భారీ విజయ లక్ష్యంతో బరిలోకి దిగిన విండీస్ 20 ఓవర్లలో 9 వికెట్ల నష్టానికి 167 పరుగులు మాత్రమే చేసి పరాజయం పాలైంది. పర్యాటక జట్టులో నికోలస్ పూరన్, రొమారియో షెపర్డ్ తప్ప మరెవరూ క్రీజులో కుదురుకోలేకపోయారు. పూరన్ 47 బంతుల్లో 8 ఫోర్లు, సిక్సర్‌తో 61 పరుగులు చేయగా, రొమారియో 21 బంతుల్లో ఫోర్, 3 సిక్సర్లతో 29 పరుగులు చేశాడు. రోవ్‌మన్ పావెల్ 14 బంతుల్లో 2 ఫోర్లు, 2 సిక్సర్లతో 25 పరుగులు చేశాడు. మిగతా వారిలో ఎవరూ పట్టుమని పది పరుగులు కూడా చేయలేకపోవడంతో విండీస్‌కు ఓటమి తప్పలేదు. భారత బౌలర్లలో హర్షల్ పటేల్ 3 వికెట్లు తీసుకోగా, దీపక్ చాహర్, వెంకటేశ్ అయ్యర్, శార్దూల్ ఠాకూర్ తలా రెండు వికెట్లు తీసుకున్నారు.

అంతకుముందు టాస్ ఓడి తొలుత బ్యాటింగ్ చేసిన భారత జట్టు 20 ఓవర్లలో 5 వికెట్ల నష్టానికి 184 పరుగులు చేసింది. ఇషాన్ కిషన్ 34, శ్రేయాస్ అయ్యర్ 25 పరుగులు సాధించగా, సూర్యకుమార్ యాదవ్ చిచ్చర పిడుగల్లే చెలరేగిపోయాడు. 31 బంతుల్లో ఫోర్, 7 సిక్సర్లతో 65 పరుగులు చేసి  టీ20ల్లో తన నాలుగో అర్ధ సెంచరీ పూర్తి చేసుకున్నాడు. వెంకటేశ్ అయ్యర్ కూడా బ్యాట్‌కు పనిచెప్పాడు. 19 బంతుల్లో 4 ఫోర్లు, 2 సిక్సర్లతో 35 పరుగులు చేశాడు. ఓపెనర్ రుతురాజ్ గైక్వాడ్ (4), కెప్టెన్ రోహిత్ శర్మ (7) తీవ్రంగా నిరాశ పరిచారు.

విండీస్ బౌలర్లలో హోల్డర్, రొమారియో, రోస్టన్ చేజ్, హేడెన్ వాల్ష్, డొమినిక్ డ్రేక్స్‌కు తలా ఓ వికెట్ దక్కింది. బ్యాటింగ్‌లో చెలరేగిన సూర్యకుమార్ యాదవ్‌కు ప్లేయర్ ఆఫ్ ది మ్యాచ్ అవార్డు లభించింది.

..Read this also
ధనశ్రీతో విడాకులు అంటూ ప్రచారం... స్పందించిన టీమిండియా బౌలర్ చహల్
  • సోషల్ మీడియాలో పోస్టులతో గందరగోళం
  • అవన్నీ పుకార్లేనన్న చహల్
  • వాటిని నమ్మవద్దని విజ్ఞప్తి
  • ప్రచారానికి ఇంతటితో ముగింపు పలకాలని పిలుపు


..Read this also
తొలివన్డేలో జింబాబ్వేపై అలవోకగా గెలిచిన టీమిండియా
  • టీమిండియా, జింబాబ్వే జట్ల మధ్య తొలి వన్డే
  • టాస్ గెలిచి బౌలింగ్ ఎంచుకున్న భారత్
  • 40.3 ఓవర్లలో 189 రన్స్ కు ఆలౌటైన జింబాబ్వే
  • 30.5 ఓవర్లలోనే లక్ష్యాన్ని ఛేదించిన టీమిండియా
  • అర్ధసెంచరీలతో అజేయంగా నిలిచిన ఓపెనర్లు

..Read this also
టాలీవుడ్ వాళ్లు షూటింగులు ఆపేసి ఏం చేస్తున్నారని బాలీవుడ్ వాళ్లు ఆరా తీస్తున్నారు: దిల్ రాజు
  • చిత్ర పరిశ్రమ అంశాలపై దిల్ రాజు వివరణ
  • త్వరలోనే సినిమా షూటింగులు
  • ఫిలిం చాంబర్, 'మా'తో ఒప్పందం కుదుర్చుకున్నామన్న దిల్ రాజు
  • మన ఇండస్ట్రీని బాలీవుడ్ గమనిస్తోందని వెల్లడి


More Latest News
Chahal reacts rumors in his marital life
Supreme Court hears a petition on pharma marketing practices
BJP MLA CK Rauji comments on Bilkis Bano rapists
Employees unions calls for Chalo Vijayawada
Telangana state corona media bulletin
Madhya Pradesh minister Narottam Mishra counters Arjun Kapoor comments on Boycott trend
Censor Board suggests seven cuts to Liger
Harish Rao condemns union minister Shekawat allegations on Kaleswaram project
Karthikeya 2 movie update
Team India registers very easy win against Zimbabwe
Pattabhi responds on CID Chief Sunil Kumar press meet
Dhamaka movie update
Dil Raju opines on Tollywood issues
Mahesh Babu and Trivikram Movie Update
Boat triggers terror fears after police found rifles
..more