పుజారా, రహానేలకు షాకిచ్చిన బీసీసీఐ.. కాంట్రాక్ట్ ల గ్రేడ్ తగ్గింపు!

26-01-2022 Wed 12:54
BCCI Demotes Pujara and Rahane

ఇటీవలి కాలంలో చటేశ్వర్ పుజారా, అజింక్యా రహానేలు ఘోరంగా విఫలమవుతూ జట్టులో చోటుకే ఎసరు తెచ్చుకునే పరిస్థితి దాకా వచ్చారు. వరుస సిరీస్ లలో వైఫల్యంతో విమర్శలను ఎదుర్కొంటున్నారు. ఈ క్రమంలోనే బోర్డ్ ఫర్ క్రికెట్ కంట్రోల్ ఇన్ ఇండియా (బీసీసీఐ) వారిద్దరికి షాకిచ్చే నిర్ణయం తీసుకుంది. వారి కాంట్రాక్టులకు సంబంధించి గ్రేడ్ లను తగ్గించినట్టు తెలుస్తోంది.

ఇప్పటికే 2021 అక్టోబర్ నుంచి 2022కుగానూ ఆటగాళ్ల సెంట్రల్ కాంట్రాక్ట్స్ ముసాయిదాను వరల్డ్ కప్ పూర్తయిపోగానే బీసీసీఐ సిద్ధం చేసింది. దానిని త్వరలోనే అధికారికంగా ప్రకటించే అవకాశం ఉంది. ఆ కాంట్రాక్టుల్లో ప్రస్తుతం గ్రేడ్ ఏలో ఉన్న పుజారా, రహానేలను గ్రేడ్ బీకి తగ్గించినట్టు బీసీసీఐ వర్గాలు చెబుతున్నాయి. ఇటు ఇషాంత్ శర్మ గ్రేడ్ నూ బీకి తగ్గించినట్టు పేర్కొంటున్నాయి. ఉమేశ్ యాదవ్ ను సీ గ్రేడ్ లోకి డిమోట్ చేస్తున్నట్టు తెలుస్తోంది.

హైదరాబాదీ పేసర్ మహ్మద్ సిరాజ్ కు ఒకేసారి భారీ ప్రమోషన్ దక్కే సూచనలు కనిపిస్తున్నాయి. ప్రస్తుతం ‘సీ’ గ్రేడ్ లో ఉన్న  అతడు.. బీ గ్రేడ్ కు ప్రమోట్ కానున్నాడు. అయితే, ఏ గ్రేడ్ లోకీ మార్చే అవకాశాలున్నాయని అంటున్నారు. అక్షర్ పటేల్ ను సీ నుంచి బీ గ్రేడ్ లోకి వేయనున్నట్టు సమాచారం.  

ఇక ప్రస్తుతం ‘ఏ ’ ప్లస్ గ్రేడ్ లో ఉన్న రోహిత్ శర్మ, విరాట్ కోహ్లీ, జస్ ప్రీత్ బుమ్రాలు.. అదే గ్రేడ్ లో కొనసాగనున్నారు. కె.ఎల్. రాహుల్, రిషభ్ పంత్, మహ్మద్ షమీ, అశ్విన్, రవీంద్ర జడేజాలు ఏ గ్రేడ్ లోనే ఉంటారు.

‘‘టీ 20 వరల్డ్ కప్ అయిపోగానే కాంట్రాక్ట్ ల ముసాయిదాను తయారు చేశాం. దానిపై త్వరలోనే తుది నిర్ణయం తీసుకుంటాం. కొత్త ఆటగాళ్ల ప్రదర్శనను దృష్టిలో పెట్టుకునే కాంట్రాక్టును తయారు చేశారు’’ అని బీసీసీఐ అధికారి ఒకరు చెప్పారు. క్లిష్ట పరిస్థితుల్లో మెరుగ్గా రాణించాల్సిన బాధ్యత సీనియర్ ఆటగాళ్లపై ఉంటుందని అన్నారు. అశ్విన్ విషయంలో ఆచితూచి నిర్ణయం తీసుకోవాల్సి వచ్చిందని, లేటు వయసులో రీఎంట్రీ ఇచ్చినా ప్రదర్శన బాగా చేస్తున్నాడని వివరించారు.

ప్రస్తుతం యువ ఆటగాళ్లైన రాహుల్, పంత్, సిరాజ్, శుభ్ మన్ గిల్ లపై బీసీసీఐ దృష్టి పెట్టినట్టు తెలుస్తోంది. తొలుత రాహుల్, పంత్ లను ఏ ప్లస్ గ్రేడ్ కు ప్రమోట్ చేయాలని భావించినప్పటికీ.. మళ్లీ వెనకడుగు వేసింది. పంత్ ను భవిష్యత్ నాయకుడిగా బీసీసీఐ పెద్దలు భావిస్తున్నారు. అయితే, అందుకు మరింత సమయం పడుతుందనడంలో సందేహమైతే లేదు. గిల్ కూ ప్రమోషన్ దక్కినా.. గాయాల బెడదతో అతడూ పలు సిరీస్ లకు దూరమవుతున్నాడు.

కాగా, ఏ ప్లస్ గ్రేడ్ లో ఉన్న ఆటగాళ్లకు రూ.7 కోట్లు, ఏ గ్రేడ్ లోని వారికి రూ.5 కోట్లు, బీ గ్రేడ్ ప్లేయర్లకు రూ.3 కోట్లు, సీ గ్రేడ్ లో ఉన్న వారికి రూ.కోటి చొప్పున వార్షిక పారితోషికం అందిస్తారు.

..Read this also
కోహ్లీ మరోసారి కెప్టెన్సీ చేపడతాడని అనుకోవడంలేదు: చిన్ననాటి కోచ్ రాజ్ కుమార్ శర్మ
  • ఇంగ్లండ్ తో టెస్టు ఆడనున్న టీమిండియా
  • కెప్టెన్ రోహిత్ శర్మకు కరోనా
  • జులై 1 నుంచి టెస్టు
  • అప్పట్లోగా రోహిత్ కోలుకోవడంపై అనిశ్చితి
  • కెప్టెన్ ఎవరన్నది ఆసక్తికరంగా మారిన వైనం


..Read this also
ఐర్లాండ్ యువ ఆటగాడికి తన బ్యాట్ కానుకగా ఇచ్చిన హార్దిక్ పాండ్యా
  • డబ్లిన్ లో టీమిండియా, ఐర్లాండ్ టీ20
  • విజయం సాధించిన టీమిండియా
  • అందరినీ ఆకట్టుకున్న ఐర్లాండ్ యువ కిశోరం టెక్టర్
  • 33 బంతుల్లోనే 64 పరుగులు చేసిన వైనం

..Read this also
రోహిత్ శర్మ కరోనా బారినపడడంతో మయాంక్ అగర్వాల్ కు పిలుపు
  • టీమిండియా, ఇంగ్లండ్ మధ్య రీషెడ్యూల్డ్ టెస్టు
  • జులై 1 నుంచి షురూ
  • రోహిత్ శర్మకు కరోనా పాజిటివ్
  • ముందు జాగ్రత్తగా మయాంక్ అగర్వాల్ కు జట్టులో స్థానం
  • ఇంగ్లండ్ బయల్దేరిన మయాంక్


More Latest News
Ambati Rambabu says Pawan never become CM
Minister Jogi Ramesh slams TDP Chief Chandrababu
apiic new offer to industrialists in ap
telangana government regularises contract junior lecturers services
Aaditya Thackeray viral comments on revel mlas
Rahul Gandhi reacts to Mohammed Zubair arrest
Mahindra Scorpio N launched
Vijayasanthi slams Telangana govt
Telangana corona media bulletin
ap cm ys jagan paris tour will start tomorrow night
Sachin Pilot recalls Ashok Gehlot comments
muslins try to attack ysrcp mla rachamallu siva prasada reddy in proddatur
Ram Charan hosts Salman Khan and Pooja Hegde
ysrcp leader ramanamma resigns to piduguralla mpp post
..more