ఈ ఉదయం కొండచరియలు విరిగిపడి తిరుమల రెండో ఘాట్ రోడ్డు ఎలా మారిపోయిందో చూడండి!

01-12-2021 Wed 14:06
Once again landslides hit Tirumala second ghat road

కుండపోత వానలు ఇటీవల చిత్తూరు జిల్లాను అతలాకుతలం చేశాయి. తిరుపతి నగరంతో పాటు తిరుమల కొండపైనా వర్ష బీభత్సం కొనసాగింది. శ్రీవారి మెట్టు మార్గంపై కూడా వరద నీరు ప్రవహించింది. కొండచరియలు తీవ్రస్థాయిలో విరిగిపడ్డాయి. ఈ ఉదయం కూడా రెండో ఘాట్ రోడ్డులో కొండచరియలు విరిగిపడ్డాయి. గతంలో కొండచరియలు విరిగిపడినప్పుడు రోడ్డుకు భారీ స్థాయిలో నష్టం జరిగిన దాఖలాలైతే లేవు.

కానీ ఇవాళ విరిగిపడిన కొండచరియల ధాటికి రోడ్డు తుత్తునియలైంది. ఒక వైపు భాగమంతా లోయలోకి జారిపోయింది. ఏదైనా వాహనాలు వచ్చే సమయంలో ఆ కొండచరియలు విరిగిపడుంటే ఏం జరిగేదో ఊహించడానికే భయం కలిగేలా విజువల్స్ ఉన్నాయి.

కాగా, కొండచరియలు విరిగిపడిన ప్రాంతాన్ని టీటీడీ చైర్మన్ వైవీ సుబ్బారెడ్డి పరిశీలించారు. గత 3 దశాబ్దాల కాలంలో ఎన్నడూ లేనంత వర్షపాతం ఈసారి నమోదైందని వెల్లడించారు. దాంతో తిరుమల ఘాట్ రోడ్డులో కొండచరియలు విపరీతంగా విరిగిపడుతున్నాయని తెలిపారు. కొండపైకి వచ్చే అప్ ఘాట్ రోడ్డులో ఐదారు ప్రాంతాల్లో కొండచరియలు విరిగిపడే ప్రదేశాలను గుర్తించామని, యుద్ధ ప్రాతిపదికన ధ్వంసమైన రోడ్డు మరమ్మతు పనులు చేస్తున్నామని వివరించారు.

కొండచరియలు విరిగిపడుతున్న నేపథ్యంలో ఢిల్లీ ఐఐటీ నిపుణులు ఈ సాయంత్రానికి తిరుమల చేరుకుంటారని, టీటీడీ ఇంజినీరింగ్, విజిలెన్స్ అధికారులతో కలిసి వారు ఘాట్ రోడ్డుల పరిశీలన చేస్తారని వైవీ సుబ్బారెడ్డి వెల్లడించారు. కొండచరియలు విరిగిపడకుండా తీసుకోవాల్సిన చర్యలపై సమగ్ర అధ్యయనం చేసి, రెండు మూడ్రోజుల్లో నివేదిక సమర్పిస్తారని చెప్పారు. భవిష్యత్తులో ఇలాంటి ఘటనలు జరగకుండా చర్యలు తీసుకుంటామని అన్నారు.


More Telugu News
Sanjay Manjrekar reacts to Ravishastri remarks over Kohli issue
Pushpa mania in cricket field
CM Jagan wrote PM Modi on All India Service Rules amendment
CM KCR announces Kinnera Veena artist Mogilayya huge reward
Daniil Medvedev fires on chair umpire in Australian Open
Telangana corona daily report
CM KCR reviews on drugs control in state
Tamannah starts dance challenge in social media
ICC imposed ban on Zimbabwe cricketer Brendan Taylor
Suman Toor sensational allegations on Navjot Singh Sidhu
Sajjala slams employees union leaders
Employees unions leaders slams AP Govt
Americas stealth fighter plane crashed in South China Sea
Khiladi movie update
TV actress Shweta Tiwari apologizes for her comments
..more