నిన్నటితో మీ వంద తప్పులూ అయిపోయాయి.. చంద్రబాబును అవమానించడంపై నారా రోహిత్ స్పందన

20-11-2021 Sat 12:19
Your 100 Mistakes Are Over Nara Rohit Responded Over Chandrababu Humiliation

అసెంబ్లీలో టీడీపీ అధినేత చంద్రబాబుకు జరిగిన అవమానంపై సినీ నటుడు నారా రోహిత్ స్పందించారు. పశువుల కంటే హీనంగా కొందరు నేతలు ప్రవర్తించారంటూ అధికార పార్టీ నేతలపై మండిపడ్డారు. ప్రజా సమస్యలపై అర్థవంతమైన చర్చలు జరగాల్సిన అసెంబ్లీలో చంద్రబాబును, ఆయన సతీమణి భువనేశ్వరిని అసభ్యపదజాలంతో దూషించడం దిగ్భ్రాంతికి గురిచేసిందన్నారు. విధానాలపై రాజకీయ విమర్శలు ఉండాలిగానీ.. కుటుంబ సభ్యులను అందులోకి లాగడం క్షమించరానిదన్నారు.

రాజ్యాంగం కల్పించిన వాక్ స్వాతంత్ర్యం హక్కును దుర్వినియోగపరిచేలా నోటికొచ్చినట్టు మాట్లాడడం సరికాదన్నారు. అయినా వ్యక్తిగతంగా టార్గెట్ చేసి చంద్రబాబు నైతిక స్థైర్యాన్ని దెబ్బతీయాలనుకోవడం వారి భ్రమే అవుతుందన్నారు. ఆయన అధికారంలో ఉన్నప్పుడు ప్రజాస్వామిక విలువలకు కట్టుబడి ఉన్నారని, అందుకే వారి మనుగడ సాగిందని అన్నారు.

శిశుపాలుడిలాగే నిన్నటితో వారి వంద తప్పులు పూర్తయ్యాయని, వారి అరాచకాన్ని ఉపేక్షించేది లేదని చెప్పారు. ప్రతి ఒక్క తెలుగు దేశం కార్యకర్త.. వైసీపీ దుశ్శాసనుల భరతం పడతారని రోహిత్ హెచ్చరించారు. 'స్థాయిలేని వ్యక్తుల మధ్య రాజకీయాలు చేయాల్సి రావడం దురదృష్టకరం పెదనాన్న’ అంటూ ఆవేదన వ్యక్తం చేశారు. ప్రజలు అన్నీ గమనిస్తున్నారన్నారు.


More Telugu News
 victims protested in front off Sajjala
Lionel Messi Wins Mens Ballon d Or For record Seventh Time
Indian Origin Parag Agrawal Twitter Next CEO
Ayurveda Doctor Anandayya Said he would soon float political party
Punjab CM Takes Children On Chopper Ride
Telangana corona cases report
Japanese old age woman turns romantic killer
CM Jagan visits Goshala near his residence in Tadepally
Shashi Tharoor selfie with women MPs
 Chiranjeevi appreciates Konidela Niharika on her debut production OCFS
BJP MLA Raja Singh doubts after Ravi elimination from Bigg Boss show
Sivasankar Master last rites held at Mahaprasthanam
Thaman said about Aeavinda Sametha song
VVS Laxman lauds New Zealand debut player Rachin Ravindra
CM KCR fires on Centre
..more