ఛత్తీస్‌గఢ్‌లో దారుణం.. భక్తులపైనుంచి దూసుకెళ్లిన కారు.. చెల్లాచెదరుగా ఎగిరిపడిన భక్తులు.. వీడియో వైరల్!

16-10-2021 Sat 10:11
Horrifying Video Shows Car Mowing Down Devotees in Chhattisgarh

ఉత్తరప్రదేశ్‌లోని లఖింపూర్ ఖేరిలో రైతులపైకి కారు దూసుకెళ్లిన ఘటనను మర్చిపోకముందే ఛత్తీస్‌గఢ్‌లో అలాంటి ఘటనే నిన్న జరిగింది. దుర్గామాత విగ్రహాన్ని ఊరేగిస్తున్న భక్తులపైకి వేగంగా వచ్చిన కారు దూసుకెళ్లింది. ఈ ఘటనలో ఒకరు అక్కడికక్కడే మృతి చెందగా, మరో 16 మంది తీవ్రంగా గాయపడ్డారు. వీరిలో ఇద్దరి ఎముకలు విరిగిపోవడంతో వారి పరిస్థితి విషమంగా ఉంది.  

ఛత్తీస్‌గఢ్‌లోని జాస్పూరు జిల్లా పాతల్‌గావ్‌లో ఈ దారుణం చోటుచేసుకుంది. నవరాత్రుల్లో దుర్గాదేవిని భక్తిశ్రద్ధలతో పూజించిన భక్తులు విగ్రహాన్ని నిమజ్జనానికి తీసుకెళ్తున్న సమయంలో వేగంగా వచ్చిన కారు వారి మీదుగా దూసుకుపోయింది. ఈ ఘటనతో స్థానికంగా ఉద్రిక్త పరిస్థితులు నెలకొన్నాయి.

ఆగ్రహంతో స్థానికులు పలు వాహనాలకు నిప్పు పెట్టారు. ప్రమాదానికి కారణమైన కారు డ్రైవర్‌ను పట్టుకుని చితకబాదారు. పాతల్‌గావ్ పోలీస్ స్టేషన్‌కు చేరుకుని ఆందోళనకు దిగారు. అర్ధరాత్రి వరకు నిరసన కొనసాగింది. నిందితులను కఠినంగా శిక్షించాలని డిమాండ్ చేశారు. ప్రమాదానికి కారణమైన కారులో గంజాయి ఉన్నట్టు ఆరోపించారు.

ఇద్దరు నిందితులను అదుపులోకి తీసుకున్న పోలీసులు వారిని మధ్యప్రదేశ్‌కు చెందిన బబ్లూ విశ్వకర్మ (21), శిశుపాల్ సాహు (26)గా గుర్తించారు. ఒడిశా నుంచి డ్రగ్స్ తీసుకుని మధ్యప్రదేశ్ వెళ్తుండగా ఈ ఘటన జరిగినట్టు తెలుస్తోంది. అలాగే, వారి కారు నుంచి పెద్ద ఎత్తున గంజాయిని స్వాధీనం చేసుకున్నట్టు జాస్పూర్ ఐజీ అజయ్ యాదవ్, ఎస్పీ విజయ్ అగర్వాల్ తెలిపారు.

మరోపక్క, ఈ ఘటనపై ముఖ్యమంత్రి భూపేష్ బఘేల్ తీవ్రంగా స్పందించారు. నిందితులను అరెస్ట్ చేశామని, ఎవ్వరినీ వదిలిపెట్టే ప్రసక్తే లేదన్నారు. ఘటనపై విచారణకు ఆదేశించినట్టు ట్వీట్ చేశారు. ఈ ఘటనపై నిర్లక్ష్యంగా వ్యవహరించిన పోలీసులపైనా చర్యలు తప్పవని హెచ్చరించారు. మృతుల కుటుంబాలకు ప్రగాఢ సంతాపం తెలిపారు. గాయపడిన వారు త్వరగా కోలుకోవాలని ఆకాంక్షించారు.

కాగా, మృతుడి కుటుంబానికి ప్రభుత్వం గత రాత్రి రూ. 50 లక్షల పరిహారం ప్రకటించింది. క్షతగాత్రులకు ప్రభుత్వ ఖర్చుతో పూర్తి చికిత్స అందిస్తామని పేర్కొంది. మరోవైపు, ఈ ఘటన రాజకీయ రంగు పులుముకుంది. ఘటనకు నిరసనగా బీజేపీ నేడు జాస్పూర్‌లో బంద్ నిర్వహిస్తోంది. బీజేపీ రాష్ట్ర అధ్యక్షుడు విష్ణు దేవ్ సాయి మృతుడి కుటుంబానికి కోటి రూపాయల పరిహారం చెల్లించాలని డిమాండ్ చేశారు.

..Read this also
కేజ్రీవాల్ ఒక అబద్ధాలకోరు: కేంద్ర మంత్రి ప్రహ్లాద్ జోషి
  • ఉచిత విద్యుత్ ఇస్తామని పలు రాష్ట్రాల్లో హామీ ఇస్తున్నారన్న కేంద్ర మంత్రి 
  • ఢిల్లీలో ఏం చేశారో ముందు చెప్పాలని డిమాండ్ 
  • ముందు ఢిల్లీ ప్రభుత్వ పాఠశాలల్లో స్టాండర్డ్స్ మెరుగు పరుచుకోండని సలహా 


..Read this also
ఇండియా టుడే-సీ ఓటర్ సర్వేలో ఆసక్తికర ఫలితాలు.... కేంద్రంలో మళ్లీ మోదీనే.. తెలుగు రాష్ట్రాల్లో పరిస్థితి ఎలా ఉందంటే...!
  • ఫిబ్రవరి నుంచి ఆగస్టు మధ్యలో సర్వే
  • ఏపీలో జగన్ కే మరోసారి పట్టం
  • కాస్త తగ్గనున్న సీట్లు
  • తెలంగాణలో పుంజుకోనున్న బీజేపీ
  • ప్రధానిగా మోదీని 53 శాతం, రాహుల్ ని 9 శాతం కోరుకుంటున్నట్టు వెల్లడి 

..Read this also
తమ్ముడూ...వెళ్లి బ్యాటు, బాలు ఆడుకో పో!: రిషబ్ పంత్ కు ఊర్వశి రౌతేలా కౌంటర్
  • పంత్, రౌతేలా మధ్య సోషల్ మీడియా వార్
  • పంత్ తన కోసం 10 గంటలు వేచిచూశాడన్న రౌతేలా
  • అక్కా... నా వెంటపడొద్దంటూ పంత్ రిప్లయ్
  • ఇన్ స్టాగ్రామ్ లో స్పందించిన రౌతేలా


More Latest News
 Two children who pushed the cart of fruits to help the woman Here is the video
ysrcpp leader vijay sai reddy handed 10 lacks rupees cheque to journlaist welfare
Prahlad Joshi calls Kejriwal as a lier
Public Pulse in India
NASA has revealed that four planetary fragments will arrive in five days from today
ys jagan popularity grows 17 percent in just 8 months
Assam CM requests Aamir Khan to postpone his visit to Guwahati
supreme court dismisses raghuramakrishnaraju petition
Markets ends in profits for straight fourth week
YS Sharmila extends Raksha Bandhan wishes
Macharla Niyojakavargam movie review
Wizz Air passenger plane skimming just yards above tourists heads
Urvasi Rautela replies to Rishabh Pant deleted post
Kannada singer Shivamogga Subbanna passes away
..more