పెళ్లికి నో చెప్పిందని.. అమ్మాయి తమ్ముడిని కిడ్నాప్ చేసిన యువకుడు!

19-09-2021 Sun 21:09
advertisement

ఎదురింట్లో ఉంటున్న ఒక యువతిని ప్రేమిస్తున్నానని చెప్పాడా యువకుడు. పెళ్లి చేసుకోవాలని తాను అనుకుంటున్నట్లు ఆమెకు తెలియజేశాడు. ఆమె మాత్రం అతనికి నో చెప్పింది. దీంతో కోపం వచ్చిన ఆ యువకుడు ఆమెపై బెదిరింపులకు దిగాడు. తనను పెళ్లి చేసుకోకపోతే నాలుగేళ్ల ఆమె తమ్ముడిని కిడ్నాప్ చేసి చంపేస్తానని బెదిరించాడు.

అన్నట్లుగానే ఆ పిల్లాడిని కిడ్నాప్ చేశాడు కూడా. ఆ కుటుంబం పోలీసులకు ఫిర్యాదు చేయడంతో వెంటనే రంగంలోకి దిగిన పోలీసులు ఈ కేసును త్వరితగతిన ముగించారు. ఈ ఘటన నవీ ముంబైలో వెలుగు చూసింది. నాలుగేళ్ల పిల్లాడిని కిడ్నాప్ చేసిన కేసులో 27 ఏళ్ల మజిరుల్ మసురుద్దీన్ హక్ అనే నిందితుడిని పోలీసులు అదుపులోకి తీసుకున్నారు.

పాంధర్ ప్రాంతంలో నివసించే మసురుద్దీన్ తన ఎదురింట్లో ఉండే యువతిని ఇష్టపడుతున్నానని చెప్పాడు. పెళ్లి చేసుకోవాలని అడిగితే ఆమె అంగీకరించలేదు. దీంతోనే ఆమె తమ్ముడిని కిడ్నాప్ చేసినట్లు పోలీసులు తెలిపారు. ఆ తర్వాత సిటీ నుంచి పారిపోవడానికి ప్రయత్నిస్తున్నఅతన్ని పోలీసులు అరెస్టు చేశారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement