ఖైరతాబాద్ మహా గణపతికి తొలిపూజ చేసిన తెలంగాణ, హర్యానా గవర్నర్లు

10-09-2021 Fri 14:35
advertisement

ఖైరతాబాద్ లో ఈసారి పంచముఖ రుద్ర మహాగణపతిని ఏర్పాటు చేయడం తెలిసిందే. ఈ విగ్రహం ఎత్తు 40 అడుగులు. జాతీయస్థాయిలో గుర్తింపు తెచ్చుకున్న ఖైరతాబాద్ గణపతికి నేడు వినాయకచవితి సందర్భంగా తొలిపూజ నిర్వహించారు. తెలంగాణ గవర్నర్ తమిళిసై సౌందరరాజన్, హర్యానా గవర్నర్ బండారు దత్తాత్రేయ విఘ్నవినాయకుడికి తొలిపూజలు నిర్వహించారు.

ఈ సందర్భంగా గవర్నర్ తమిళిసై మాట్లాడుతూ, కరోనా పట్ల ప్రజలందరూ జాగ్రత్తగా ఉండాలని సూచించారు. ప్రతి ఒక్కరూ వ్యాక్సిన్ వేయించుకోవాలని స్పష్టం చేశారు.

అటు హైదరాబాదులోని బీజేపీ కార్యాలయంలోనూ గణేశుడికి పూజలు నిర్వహించారు. ఈ కార్యక్రమంలో కేంద్ర పర్యాటక శాఖ మంత్రి కిషన్ రెడ్డి, రాష్ట్ర బీజేపీ నేత విజయశాంతి తదితరులు పాల్గొన్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement