షూటింగు పూర్తి చేసుకున్న 'రాజా విక్రమార్క'

20-08-2021 Fri 12:18
advertisement

కార్తికేయ కథానాయకుడిగా శ్రీ సరిపల్లి దర్శకత్వంలో 'రాజా విక్రమార్క' సినిమా రూపొందుతోంది. లవ్ .. యాక్షన్ .. ఎమోషన్ తో కూడిన ఈ సినిమాలో, కార్తికేయ సరసన నాయికగా తాన్య రవిచంద్రన్ నటించింది. ఈ సినిమాను నిర్మిస్తున్న రామారెడ్డి తాజాగా ఈ సినిమా ప్రోగ్రెస్ గురించి చెప్పుకొచ్చారు.

"సినిమా పరిశ్రమలో నా మిత్రులు చాలామంది ఉన్నారు. వాళ్ల ప్రోత్సాహంతోనే నేను ఈ సినిమాను నిర్మించాను. నిర్మాతగా నేను చేస్తున్న తొలి సినిమా ఇది. ఈ కథ విన్నప్పుడు కార్తికేయ అయితే బాగుంటాడని ఆయనను సంప్రదించడం జరిగింది. ఈ సినిమాలో ఆయన ఎన్ ఐ ఏ ఆఫీసర్ గా కనిపిస్తాడు.

ఇటీవలే ఈ సినిమా షూటింగు పూర్తయింది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ సినిమా ఫంక్షన్ కి చిరంజీవిగారిని పిలవాలని అనుకుంటున్నాము. ఇక పై మా బ్యానర్లో వరుస సినిమాలు ఉంటాయి. నిర్మాణపరమైన విషయాల్లో రామానాయుడుగారే మాకు ఆదర్శం" అని చెప్పుకొచ్చారు నిర్మాత.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement