చోరీకి గురైన అపురూప కళాఖండాలను భారత్​ కు తిరిగిచ్చేయనున్న ఆస్ట్రేలియా

29-07-2021 Thu 15:07
Australia to Return Stolen Artefacts To India

మన దేశానికి చెందిన అపురూప కళాఖండాలను ఆస్ట్రేలియా తిరిగిచ్చేయాలని నిర్ణయించింది. త్వరలోనే 14 కళాఖండాలను భారత్ కు అప్పగించేస్తామని ఆస్ట్రేలియా నేషనల్ గ్యాలరీ ఇవాళ ప్రకటించింది. అందులో ఆరు కళాఖండాలను దొంగిలించి ఉంటారని లేదా అక్రమ రవాణా చేసి ఉండొచ్చని గ్యాలరీ తెలిపింది.

మత, సాంస్కృతిక కళాఖండాలైన వాటి ధర సుమారు రూ.16.33 కోట్లు (22 లక్షల డాలర్లు) ఉంటుందని అంచనా. ఆ కళాఖండాలన్నీ కూడా 12వ శతాబ్దం నాటివని నిపుణులు చెబుతున్నారు. ఆ కళాఖండాలన్నింటినీ భారత్ కు తిరిగిచ్చేసి, తమ గ్యాలరీ చరిత్రలోనే ఇంతటి కఠిన కాలానికి పరిష్కారం చూపిస్తామని ఆర్ట్ గ్యాలరీ డైరెక్టర్ నిక్ మిజెవిచ్ చెప్పారు.

దీనికి సంబంధించి న్యాయపరమైన చిక్కుల గురించి తెలుసుకునేందుకు ఇప్పటికే మార్గదర్శకాలు జారీ చేశామన్నారు. ఆసియా నుంచి వచ్చిన మరో మూడు విగ్రహాల గురించి కూడా ఆరా తీస్తున్నామన్నారు. ప్రపంచంలోని ఆర్ట్ గ్యాలరీలకు ఇదొక సమస్య అనీ, తాము కాలానుగుణంగా ఈ సమస్యలన్నింటినీ పరిష్కరిస్తామని అన్నారు.


వీటిలో 13 కళాఖండాలను మాన్ హాటన్ లో విగ్రహాల డీలింగ్ చేసే సుభాష్ కపూర్ అనే స్మగ్లర్ విదేశాలకు అమ్మాడని అధికారులు చెబుతున్నారు. ఇప్పటికే అమెరికా దర్యాప్తు సంస్థ అతడిపై ‘ఆపరేషన్ హిడెన్ ఐడల్’ పేరిట దర్యాప్తు చేసింది. కోర్టులో విచారణ కూడా జరగనుంది. అయితే, ఆ కథనాలన్నింటినీ కపూర్ కొట్టిపారేశాడు. తమిళనాడులో చోళుల కాలం నాటి 11, 12వ శతాబ్దపు హిందూ దేవతల విగ్రహాలనే కపూర్ ఎక్కువగా అక్రమ రవాణా చేసేవాడని అధికారులు చెబుతుంటారు. 2011లో అతడిని అరెస్ట్ చేసిన తర్వాత అమెరికా వందలాది కళాఖండాలను తిరిగిచ్చింది.

కాగా, ఆస్ట్రేలియా నేషనల్ ఆర్ట్ గ్యాలరీ ఇప్పటికే దొంగిలించి విదేశాలకు అక్రమ రవాణా చేసిన నృత్య భంగిమలో ఉన్న శివుడి కాంస్య విగ్రహాన్ని తిరిగిచ్చేసింది. తమిళనాడులోని గుడి నుంచి చోరీకి గురైన ఆ విగ్రహం విలువ సుమారు రూ.37.13 కోట్లు (50 లక్షల డాలర్లు) ఉంటుందని అంచనా.


More Telugu News
Rajampet ycp leader demands To announce Rajampet as Annamayya dist
Covishield Covaxin prices likely to be capped at Rs 275 per dose
Rohit Sharma Returns From Injury To Lead India In West Indies Series
AP Speaker Tammineni praises TDP Chief Chandrababu
Keerthy Suresh starts Youtube Channel
YSRCP leaders not happy with announcement of Rayachoti as Annamayya Dist
Jagan is A1 and Mopidevi is A7 says Nara Lokesh
Anitha deeksha postponed to Jan 31
Media Bulletin on status of positive cases in Telangana
Bikram Majithia Vs Navjot Singh Sidhu in Amritsar East seat
TDP MLC response on CID case on him
Mudragada writes letter to Jagan on new district names
Bangarraju Movie Update
Mumbai police filed case against Google CEO Sundar Pichai
Radhe Shyam movie update
..more