'అఘోర'గా కనిపించనున్న జగపతిబాబు?

28-07-2021 Wed 19:16
advertisement

జగపతిబాబు వరుస సినిమాలతో బిజీగా ఉన్నారు. ఇప్పుడు ఆయన చేతిలో అరడజనుకుపైగా సినిమాలు ఉన్నాయి. ఆయన 'అఖండ' సినిమాలో 'అఘోర'గా కనిపించనున్నాడనే టాక్ జోరుగా షికారు చేస్తోంది. బోయపాటి దర్శకత్వంలో బాలయ్య కథానాయకుడిగా 'అఖండ' సినిమా రూపొందుతోంది. ప్రస్తుతం ఈ సినిమా షూటింగు తమిళనాడులో జరుగుతోంది.

బాలయ్య తదితరులపై అక్కడ క్లైమాక్స్ సన్నివేశాలను చిత్రీకరిస్తున్నారు. ఈ షెడ్యూల్ తో ఈ సినిమా షూటింగు పార్టును పూర్తిచేసుకోనుంది. ఈ సినిమాలో శ్రీకాంత్ విలన్ గా నటిస్తున్నాడు. ఆయన పాత్రను డిజైన్ చేసిన తీరు కొత్తగా ఉంటుందని చెబుతున్నారు.
 
ఈ నేపథ్యంలోనే జగపతిబాబు కూడా ఈ సినిమాలో కీలకమైన పాత్రలో కనిపించనున్నాడనీ, అఘోర ఎపిసోడ్ లో ఆయన కనిపిస్తాడని అంటున్నారు. అఘోర పాత్రలో ఉన్న బాలయ్యకి ఆయన మార్గదర్శిగా కనిపిస్తాడని చెబుతున్నారు. ఇందులో వాస్తవమెంతన్నది చూడాలి మరి. దసరాకి ముందు ఈ సినిమాను విడుదల చేయాలనే ఆలోచనలో ఉన్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement