విషనాగుకు ఎదురొడ్డి నిలిచిన పెంపుడు పిల్లి... వీడియో ఇదిగో!

22-07-2021 Thu 20:15
advertisement

ఒడిశాలోని భీమసాంగి ప్రాంతంలో ఆసక్తికర ఘటన జరిగింది. సంపత్ కుమార్ అనే వ్యక్తి ఇంట్లోకి ఓ నాగుపాము ప్రవేశించింది. పెరట్లోకి వస్తున్న ఆ విషసర్పాన్ని సంపత్ కుమార్ పెంపుడు పిల్లి చిన్ను గుర్తించింది. వెంటనే ఆ పామును అడ్డుకుంది. పిల్లిపై దాడి చేసేందుకు ఆ నాగు పడగ విప్పి ఉగ్రరూపం దాల్చింది. అయినప్పటికీ వెనుకంజ వేయని ఆ పిల్లి అలాగే ఎదురొడ్డి నిలిచింది.

ఇంతలో అక్కడే ఉన్న ఓ కుక్క అరవడంతో సంపత్ కుమార్, ఇతర కుటుంబ సభ్యులు వచ్చి చూడగా, బుసలు కొడుతూ తాచుపాము దర్శనమిచ్చింది. దాని ఎదురుగా వారు ఎంతో ప్రేమగా పెంచుకునే పిల్లి కనిపించింది. ఈ నేపథ్యంలో సంపత్ కుమార్ స్నేక్ వలంటీర్ కు సమాచారం అందించాడు. కాగా, ఆ స్నేక్ వలంటీర్ వచ్చేంతరకు నాగుపామును ఎటూ కదలనివ్వకుండా పిల్లి అక్కడే కూర్చుంది. ఇంతలో స్నేక్ వలంటీర్ వచ్చి చాకచక్యంగా పామును పట్టుకుని, నగరం వెలుపల అటవీప్రాంతంలో వదిలేశాడు.

ఈ ఘటన తర్వాత ఆ పెంపుడు పిల్లి చిన్ను స్థానికంగా ఓ హీరో అయింది. కాగా, పాము ఎదురుగా నిల్చిన సందర్భంగా దాన్నేమైనా కరిచిందేమోనని పరీక్షలు చేయించారు. ఎలాంటి కాటు పడలేదని తెలిసి హర్షం వ్యక్తం చేశారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement