హైద‌రాబాద్ నుంచి వెళుతున్న ఆర్టీసీ బ‌స్సు చక్రాలు ఊడిన వైనం!

21-07-2021 Wed 11:38
advertisement

ఆర్టీసీ బ‌స్సులో ప్ర‌యాణిస్తోన్న 40 మంది ప్ర‌యాణికులు పెను ప్ర‌మాదం నుంచి త్రుటిలో త‌ప్పించుకున్నారు. డ్రైవ‌ర్ చాక‌చ‌క్యంతో వ్య‌వ‌హ‌రించి, బ‌స్సును ఆప‌డంతో అంద‌రూ ఊపిరి పీల్చుకున్నారు. యాదాద్రి భువనగిరి జిల్లా మోటకొండూర్ మండలంలోని కాటేపల్లి మీదుగా ఈ రోజు ఉద‌యం ఓ ఆర్టీసీ బస్సు వెళుతోంది.

అదే స‌మ‌యంలో ఒక్క‌సారిగా బస్సు చక్రాలు ఊడిపోయాయి. ఈ విష‌యాన్ని గుర్తించిన డ్రైవ‌ర్ వెంట‌నే అప్రమత్తమై బ‌స్సును చాక‌చ‌క్యంగా ఆప‌డంతో ప్ర‌మాదం త‌ప్పింది. ఆ బ‌స్సు  హైదరాబాద్ నుంచి తొర్రూర్ బ‌య‌లుదేరింద‌ని డ్రైవ‌ర్ తెలిపాడు. దానికి ఫిట్‌నెస్‌ లేకపోవడంతోనే చ‌క్రాలు ఊడిపోయాయ‌ని చెప్పాడు. ఈ ఘ‌ట‌న జ‌రిగిన అనంత‌రం ప్రయాణికుల‌ను వేరే బస్సు ఎక్కించారు.  

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement