నీటి వాటాలపై కేఆర్ఎంబీకి లేఖ రాసిన తెలంగాణ ఈఎన్సీ

20-07-2021 Tue 22:26
advertisement

తెలుగు రాష్ట్రాల మధ్య కృష్ణా నదీ జలాల వివాదం కొనసాగుతోంది. ఇటీవలే కృష్ణా నదీ యాజమాన్య బోర్డు (కేఆర్ఎంబీ) పరిధిని కేంద్రం విస్తరించిన నేపథ్యంలో, ఆయా ప్రాజెక్టులు బోర్డు అజమాయిషీలోకి రానున్నాయి. ఈ క్రమంలో తెలంగాణ ఈఎన్సీ (ఇంజినీర్ ఇన్ చీఫ్) మురళీధర్ రావు కేఆర్ఎంబీకి లేఖ రాశారు. ఇతర పరీవాహక ప్రాంతాలకు కృష్ణా నదీ జలాలను తరలించకుండా ఏపీని నియంత్రించాలని తెలిపారు.

కృష్ణా నదీ జలాలను 50:50 నిష్పత్తిలో పంచాలని కేఆర్ఎంబీ చైర్మన్ ను కోరారు. 2021-22 సీజన్ కు గాను ఈ మేరకు కేటాయింపులు చేయాలని విజ్ఞప్తి చేశారు. ట్రైబ్యునల్ నిర్ణయం వెలువడేంత వరకు ఈ నిష్పత్తిని కొనసాగించాలని పేర్కొన్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement