భూమ్మీదనే అత్యంత వేగవంతమైన వాహనం.. పట్టాలెక్కించిన చైనా

20-07-2021 Tue 14:58
advertisement

బుల్లెట్ రైళ్లంటే ఠక్కున గుర్తొచ్చేది చైనా. అలాంటి ఆ దేశం ఇప్పుడు భూమ్మీదనే అత్యంత వేగవంతమైన రైలును తయారు చేసి, ఈరోజు ప్రారంభించింది. బుల్లెట్ స్పీడ్ కన్నా వేగంగా దూసుకెళ్లే మాగ్లెవ్ రైలు ఇది.

గంటకు 600 కిలోమీటర్ల వేగంతో ఈ మాగ్లెవ్ రైలు పరుగులు పెడుతుంది. బీజింగ్ నుంచి షాంఘైకి వెయ్యి కిలోమీటర్ల దూరాన్ని కేవలం రెండున్నర గంటల్లో చేరుకోవచ్చు. అదే విమానంలో అయితే దాదాపు 3 గంటలు పడుతుంది. అంటే విమానం కన్నా వేగంగా అది ప్రయాణించేస్తుందన్నమాట.

అయితే, మామూలు రైళ్లకు ఇది పూర్తిగా భిన్నమైనది. పట్టాలున్నా.. పట్టాలపై అది పరుగులు తీయదు. పట్టాలకు ఆనకుండా విద్యుదయస్కాంత శక్తితో గాల్లో కొంచెం ఎత్తులో ఆ రైలు తేలియాడుతుంది. ఆ శక్తితోనే దూసుకెళ్తుంది. ఖింగ్దావ్ లో ఆ రైలును చైనా అభివృద్ధి చేసింది.

వాస్తవానికి ఇంతకుముందు నుంచే చైనాలో మాగ్లెవ్ టెక్నాలజీతో రైళ్లు నడుస్తున్నాయి. అయితే, అవి పరిమిత సంఖ్యలో ఉన్నాయి. అది కూడా కొద్ది దూరమే నడుస్తున్నాయి. షాంఘైలోని విమానాశ్రయం నుంచి సిటీకి ఓ రైలు నడుస్తోంది. ఇప్పుడు జపాన్, జర్మనీ వంటి దేశాలూ మాగ్లెవ్ రైలును అభివృద్ధి చేసేందుకు ప్రయత్నాలు మొదలుపెట్టాయి. అయితే, దానికయ్యే ఖర్చు, పట్టాల మౌలిక వసతులే అడ్డంకిగా మారుతున్నాయి.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement