ఇది అలాంటి ఇలాంటి సారె కాదండోయ్... లారీలకు లారీలు పంపారు!

19-07-2021 Mon 20:43
advertisement

రాజమండ్రికి చెందిన ప్రముఖ వ్యాపారి బత్తుల బలరామకృష్ణ కుమార్తె ప్రత్యూషాదేవికి.. యానాంకు చెందిన వ్యాపారవేత్త తోటరాజు కుమారుడు పవన్ కుమార్ కు ఈ ఏడాది జూన్ లో ఘనంగా వివాహం జరిగింది. ఇంతలో ఆషాఢం రావడంతో బలరామకృష్ణ కుమార్తెకు సారె పంపారు. సారె అంటే అలాంటి ఇలాంటి సారె కాదు... తరతరాలు చెప్పుకునేలా ఘనంగా పంపారు. ఈ సారెను తీసుకుని కొన్ని లారీలు, జీపులు యానాంకు తరలి వెళ్లాయి.

ఇక ఆ లిస్టు చదివితే మతిపోవడం ఖాయం. 100 రకాల మిఠాయిలు, 10 మేకపోతులు, టన్ను పండుగప్ప చేపలు, టన్ను కొరమేను చేపలు, 250 కేజీల బొమ్మిడాయిలు, 350 కేజీల రొయ్యలు, 50 పందెంకోళ్లు, బిందెలకొద్దీ తినుబండారాలు, పలు రకాలు ఫలాలు, 250 రకాల కిరాణా సామాన్లు, 200 జాడీల ఆవకాయ, టన్ను కూరగాయలు పంపారు. వీటిని రాజమండ్రి నుంచి ఊరేగింపుగా యానాం తీసుకెళ్లి తన కుమార్తె మెట్టినింట దింపారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement